رواية ابتسامة نصف مېت بقلم ندا السودة الجزء الرابع.

هبقي معاكي ف الحزن قبل الفرح. المړض قبل الراحه هنشيخ سوا ونلاعب احفادنا سوا إن شاء الله وربنا يجمعنا بجنته بإذن الله. أنتي كمان توعديني يا ملك
ملك اوعدك.
إبتسم حتي بانت نواجزه. يالله لكم تعشق تلك الابتسامة الساحرة. ترك المايك واقترب منها وهمس بإذنها.
هاشم احم كنت عايز اقولك حاجه ف السر
ملك قول هاشم مش شاهين حاجزلنا ف إسكندرية
ملك اه
هاشم ومصطفي عازمنا ع عشا
ملك اه
هاشم والمفروض الفرح كمان يومين
ملك أيوة
هاشم فا أنا عاملك مفاجأة
ملك هيييه اي
هاشم أهدي بس وبلاش تتهوري
ملك هي حاجه تخض ولا اي
هاشم والله علي حسب
ملك ال هو ازاي.
نطق جملته بسرعه خوفا لتراجعه.
هاشم بصي أحنا هنطلع ع إسكندرية ع طول بعد العشا ومن هناك ع إنجلترا وكلهم هنا عارفين وكله مترتب وأمينة وأحمد مسافرين بكره سيبقونا.
نظرت إليه پصدمه وببلاها.
هاشم بتبصيلي كده ليه ده حتي شنطك ف العربيه حتي شوفي التيكت ال ف إيدك بتاع البيوتي سنتر ف إسكندرية.
نقلت نظرها بينه وبين التيكت.
ملك أنت بتقول اي يا مچنون
هاشم اه وربنا طب بصي كده.
نظرت إلي حيث يشير.
ملك اخدوا الهدايا فين!
هاشم ف شنط ف العربيه
ملك أنت بتستهبل يا هاشم
هاشم تؤ
ملك طب اوعي كده من طريقي
هاشم علي فين
ملك طالعه اوضتي
هاشم ليه
ملك تعبانه وعايزه أنام
هاشم لا هنتعشا الأول ونروح إسكندرية وبعد كده ننام
ملك لاء طبعا
هاشم هو اي ال لاء هو بمزاجك
ملك اومال بمزاجك
هاشم طبعاااا
ملك ازاي يعني!
هاشم زي الناس أنا جوزك وطقت ف دماغي نسافر دلوقتي.
رآت بعينيه الاصرار فغيرت من أسلوبها.
ملك بس يا هاشم لسه أنا مش مستعده وحاجاتي وكده
هاشم حاجاتك بره وكله تمام ومش فارقه يومين من دلوقتي
ملك لا بتفرق
هاشم معاكي وقتك يا ملك تستعدي براحتك مش بجري وراكي أنا.
كان سيحتد النقاش لولا تدخل شاهين.
شاهين يلا يا جماعه هتتأخروا
ملك أنت كمان موافق ع ال بيقوله ده
شاهين حب يعملهالك مفاجأة معلش
ملك جته عمل ف لقمه
هاشم بنصف عين مفتوحه. بتقولي حاجه يا ملوكه
ملك لاااء
هاشم طب يلا بقي.
ودعها الجميع وهي في عجب من امرهم ومن امرها كيف وافقتهم علي ذلك بل أنهم اتفقوا جميعا بأن تتم الامور في أقل من خمس دقائق كي يباغتوها ولا تستطيع الأعتراض. بينما هي تودعهم رآت ذاك الخيط الأحمر ينساب برفق من أنف ذاك الشاهين الواقف أمامها مبتسم. تعلم وهي أعلم الناس ما وراء تلك الابتسامة. شاهين عندما تراه من الخارج تري هدوء العالم بأسره علي ملامح وجهه وعينيه بينما حروب الدنيا تقام وتحمي بداخله. فلا تتحمل أعصابه هذا الكم من الضغط عليها فتنساب بسيل من الډماء الرفيعه عبر أنفه لتعبر عن الهلاك الذي بداخله. يعلم الله وحده كيف يلهمه الأمان في قلبه. أشارت إلي مصطفى بعينيها لكي ينظر إلي شاهين. فذهب إليه بحركة سريعة ليمد له بمنديل ورقي.
شاهين اي!
مصطفي مناخيرك مش خلصنا م العادة دي
شاهين وهو يجفف أنفه مبتعدا عنهم جميعا لاهين في توديع ملك وهو يتمم.
شاهين خلصنا خلاص. ياارب.
أما ملك ما وجدت نفسها الا إلي جوار هاشم وهو يتجه إلي المطعم.
في المطعم.
هاشم مالك مش بتاكلي ليه
ملك شبعانه
هاشم شبعانه اي بس ده الأكل ريحته تفتح النفس وكمان أنتي خسيتي كده ليه
ملك فين ده
هاشم وربنا خسيتي جدا. لا بقي أنا عايز مراتي ملو هدومها كده مش عصايه
ملك عصايه! يا معفن
هاشم والله ما فيكي غير لسان لميه بقي وكلي
ملك لاء مش عاوزة
هاشم بس أنا قولت هتاكلي
ملك ماليش نفس يا هاشم كل أنت بالهنا والشفا
هاشم هنايا أنتي. أهو أنتي كده أقولك كلمه حلوة تبلمي أقولك يا بقرة تردحي حاجه غريبة يا جدع
ملك احم أنت بتفاجئني لكن متعودة علي طولة لسانك أنت كمان
هاشم ههههه خلاص من هنا ورايح هتغرقي كلام حلو عشان متتفاجيش ها اطلبلك حاجه تانيه
ملك لالا
هاشم طب حاجه صغيره عشان خاطري.
تناولت معلقتين وشربت كأس العصير.
ملك كده والله تمام
هاشم خلاص أنا شبعت كمان يلا نمشي
ملك لا نمشي اي لسه بدري
هاشم بدري من عمرك يا حبيبي الساعه داخله علي ٢ بالليل والجو برد عليكي
ملك لالا اقعد بس
هاشم ولسه طريق ساعتين
ملك ماشي.
استقلا السيارة متجهين إلي عروس البحر المتوسط.
هاشم لو عاوزة تنامي نامي وانا هصحيكي أول ما نوصل
ملك لا أنا مش جايلي نوم اصلا
هاشم اممم واضح
ملك يعني هكدب عليك
هاشم ابدااا
ملك بقول اي يا هاشم
هاشم يا عيون هاشم اؤمريني
ملك احم.
الامر لله
هاشم ونعمه بالله ها عايزة اي
ملك أنا! لا اا نسيت
هاشم أما تفتكري قوليلي
ملك ماشي.
التزموا الصمت بسبب القيادة ليلا وقد غلب ملك النعاس وما إن وصلوا حتي ايقظها هاشم بتمرير أصابعه علي وجنتيها. لم تنم البارحه جيدا فكانت في سبات عميق
هاشم ملك. ملوكه نومك تقيل يا بنتي كده لييه. ملللللك
ملك اي في ايه!
هاشم بقالي سنه بصحيكي
ملك أنا نمت!
هاشم أيوة تحت الأرض
ملك اممم
وما إن خرجت من السيارة حتي لامستها برودة الإسكندرية.
هاشم بردانه
ملك شويه
هاشم هندخل أهو الفندق ده عباره عن ميني شاليهات كده يعني هتاخدي راحتك جوه ماتقلقيش م المكان
ملك أنا مش قلقانه بس مش عايزة اطلع دلوقتي
هاشم الفجر هيأذن يا ملك والجو برد عليكي
ملك تعالي نقعد لشروق الشمس هنا ع البحر أهو
هاشم ما البحر هيبقي قدامنا اليومين دول ماتقلقيش
ملك بس أنا عايزه دلوقتي
هاشم مالك قلبتي عيله كده ليه! .
زمت شفتيها. _ أهو كده
هاشم خلاص خلاص ندخل الشنط يطلعوها بس ونخرج تاني
ملك ماشي
أمام البحر.
هاشم اي خدمه
ملك ميرسي
هاشم ميرسي اي مفيش يا حبيبي يا عمري ميرسي حاف كده
ملك بكره ازوقهالك
هاشم بخيله
ملك أهو أنت
هاشم أهو أنتي
ملك أهو أنت
هاشم أهو أنتي
ملك يووه
هاشم يووه
ملك الله
هاشم الله
ملك أنت بتقلدني ولا اي
هاشم أنت بتقلدني ولا اي
ملك يا هاشم الله
هاشم يا عيون هاشم
ملك ا اا ت
هاشم هتأتأي كده كتير
ملك لا ماهو
هاشم ماهو! ما تقومي نروح بقي هننشف
ملك لا الجو جميل
هاشم جميل اي دا أنتي بتكتكي ومفيش فايده بقالنا نص ساعه قاعدين وصلينا الفجر ف المسجد ورجعنا كل ده وأقول هتتهد اهي وهتقول يلا نروح أنا ال اتهديت وأنتي لسه بتقاوحي
ملك أنا مش بردانه خااالص
هاشم كدابه
ملك لا
هاشم خودي.
خلع جاكيته والبسها أياه
ملك هتبرد كده يا هاشم
هاشم ششش سيبيه واسمعيني كده عينك ف عيني مش ف الأرض. فين جرأت ملك وشجاعتها سيبتيهم ف إنجلترا ولا اي خاېفه مني يا ملك لييه
ملك أنا مش خاېفه منك أنا بس
هاشم أنا عمري ما هأذيكي يا بنتي أنتي روحي في حد يجي علي روحه ها
ملك تؤ
هاشم اومال اي بقي
ملك مفيش حاجه
هاشم أنا مقدر الدربكة والسرعه ال حصلت دي ف الفرح والمشاكل بس إن شاء الله ال جاي احسن
ملك إن شاء الله
هاشم أفرش وأنام هنا ولا هتحني عليا.
إبتسمت. حينها فقط اشرقت شمس هاشم. ادرك كيف يحتويها.
هاشم نروح بقي
ملك هههههه ماشي
هاشم اخيرااا هناااام
ملك لا والله
هاشم اه والله وبعدين خودي هنا ابت.
حاول أن يمسك بإذنها ولم يستطع. _ فين ودنك كلتيها
ملك مش هتطولها من الطرحه
هاشم بكره اطولها
ملك أبقي قابلني
هاشم لاا ميغركيش دا أنا اعجبك اوي لولاا بس السفر
ملك أبقي قابلني برده
هاشم أنام بس وافوقلك
ملك هاشم
هاشم ها افتكرتي
إبتسمت.
ملك أنا متردده بس
هاشم ما أنا عارف
ملك أنت بتعرف تقرأ