رواية ابتسامة نصف مېت بقلم ندا السودة الجزء الرابع.

شاهين اي العڼف ده. يا جدع اديني فرصه
شاهين فرصه اي يا حيوان بعد ال عملته ده
هاشم أقسم بالله ما في كلمه م ال قولتها عندكوا صح دي فبركه
شاهين ما أنا عارف
هاشم وأما أنت عارف بتعمل كده ليه
شاهين تخليص حق
هاشم هانت منديل يخربيتك وسع عايز هوا
شاهين خد يارب تفطس
هاشم بعيد الشړ عني يا مفتري
شاهين عملت كده ليه!
هاشم هنتكلم ف الشارع يعني
شاهين تعالي نقعد ف زفت مكان فوق دماغك
هاشم هسامحك يابونسب
شاهين قدامي.
في احدي المقاهي.
هاشم الورق كله مفبرك المحامي بتاعي ال عمله وأنا يعني هتجوزها علي سنة الله ورسوله يعني كله هيبقي سليم بص يا شاهين أنت أخويا وحبيبي من زمان مش عايزك تزعل من ال عملته ده والله عشان بحبها وخاېف تروح من ايدي أنا جبان إني اتأخرت لدرجه دي بس كنت خاېف ال فات يأثر عليها أو أضرها من غير ما أقصد
شاهين وان جت في يوم تشتكيلي منك.
تحسس أنفه. _ يا برنس بعد البوكس د ه مش هفكر أصلا أضايقها.
إبتسم شاهين.
شاهين أنا لولا عارف إنك راجل مكنتش وافقت ع المهزله دي
هاشم عارف وصدقني علي قد ما أقدر وطول ما أنا عايش هسعدها وابقي أمانها
شاهين وأنا مش عايز أقل من كده. هستناك بالليل
هاشم إن شاء الله.
فأصبحت الثامنه إرتدت ملك دريس كحلي ذات نقوش بلون البحر ووشاح للرأس من نفس اللون كانت بسيطة ورقيقه تبدو كالفراشه ولكن مسحة الالم بعينيها لم تذهب. دعت الله كثيرا أن يقدم لها الخير وان تمر تلك الليلة بسلام. طرقت مني الباب.
مني محتاجه اي مساعدة
ملك أنا متوترة اوي يا مني خاېفه
مني متقلقيش خير إن شاء الله
ملك محمد فين
مني تحت
ملك ربنا يستر أنا والله زعلانه عشانه مش عارفه هبص ف وشه بعد كده ازاي
مني الوقت يا ملك هيشيل اي حاجه المهم دلوقتي اقعدي كده هظبتك
ملك لا لا مش عايزة اي مكياج ماليش نفس اصل
ا مني دا كحل وروج بس يعني.
جاءت منه تركض.
منه وانااااا كمان يا ماما حايزة رووش
ملك عايزة اي يا قرده
منه أنا مش قرده بقولك روووش
ملك ههههههههه.
حضر أحمد وخاله وأمنية. لطالما كان خال هاشم ذو مركز وحكمة في بلدتهم مما يسعد حسين وفاروق بنسبه ولكن الطريقه هي التي عابوها واعتذر منهم خاله وأحمد ونفذوا شروطهم واتفقوا علي أن عقد القران يوم الخميس القادم اي بعد يومين والزفاف سيكون بسيط يقتصر علي الأقارب فقط ببيت آل عثمان الكبير يوم الجمعه علي أن يقيما عند نزولهم مصر بيت هاشم ف البلدة وليس بيته في القاهرة أستمر حديثهم نحو الساعتين وانصرفت أمينه وأحمد مع خالهم وتركوا هاشم لكي يجلس مع ملك بعض من الوقت. انصرف الجميع وتركوا لهم حرية الحديث.
شاهين أنا هكون قريب هنا سامعكوا هاا
هاشم أمشي بقي يا شاهين الله
شاهين طااايب متزوقش.
بعد فترة من الصمت.
هاشم هتفضلي ساكته كتير
ملك خليني ساكته أحسن
هاشم لا اتكلمي قوليلي رأيك
ملك راي اي أنت بالشكل ده جبرتني ع الجواز منك
هاشم يعني مش موافقه!
ملك أنت حيوان
هاشم لمي نفسك. هسامحك المرة دي بس
ملك لو مسامحتنيش يعني هتعملى اي
هاشم وأنتي مالك كلها يومين وتبقي ف بيتي. يعني ماسمعتش رأيك يا ملك. ها موافقة تتجوزيني
ملك يعني لو قلت لاء هتبقي ال لاء دي ليها قيمة
هاشم لاء
ملك طب عاوز تعرفه ليه
هاشم عشان أطمن
ملك أنت حطتني في موقف زباله وبطريقه اژبل اهنتني بطريقتك دي
هاشم كنتي عايزني اعمل اي يعني اجي ابارلك علي جوازك من حد غيري
ملك معرفش
هاشم لاء اعرفي وراعي اسلوبك ده شويه بقي أنا ماجرمتش لما حبيتك ومخلتكيش تضيعي مني بأي طريقه بقي مش مشكلة المهم إنها نجحت
ملك وميهمكش أنا شكلي اي قدام اهلي قدام نفسي فرحانه ولا لاء أنت كداب هثق فيك ازاي بعد كده
هاشم أنا مش كداب أنا قولت لشاهين علي كل حاجه ومستعد أقول لعمك بس بعد كتب الكتاب وانا واثق إنك هتبقي مبسوطه معايا وسعادتك عندي أنا بس وانا لو معملتش كده كنا هنبقي اتعس اتنين وهنظلم غيرنا معانا صح ولا لاء
ملك معرفش
هاشم يبقي علي خير الله
ملك أنت هادي كده ازاي يأخي
هاشم أنا لا اخوكي ولا أعرفك وبعدين مبقاش هادي ازاي بس وكلها يومين بس وهتبقي مراتي يااه هتبقي حرم هاشم عبد الحميد
ملك بارد
هاشم اووف بقولك أنا طول النهار بجدد في فرش الشقه ال هنقعد فيها اليومين هو بيت كبير أمينة ليها شقه فيهم لو بعد كده معجبكيش حاجه ممكن نغيرها بعدين فستانك هيكون عندك بكرة باليل وصيت عليه ف القاهرة.
تنهد هاشم. _ أنا أسف بجد يا ملك عارف إني جيت عليكي بطريقة أو بالتانيه وواضح من وشك إن في حد ضړبك كمان صدقيني ده دبحني اوعدك إنها مش هتكرر تاني وإن شاء الله هسعدك وهخليكي تنسي اي دمعة ف يوم كنت أنا أو غيري سببها.
إبتسمت.
ملك وعد
هاشم ياااه أيوة كده خلي الدنيا تنور وعد ياستي
ملك إن شاء الله
هاشم وأفتحي الزفت تليفونك ده نرفزني كل أما اتصل ألاقيه مقفول
ملك ماشي.
كان باب الصالون موارب ولكنهم سمعوا طرقات خفيفة عليه فبادرت ملك _ اتفضل.
ومن إن دخل حتي اندهشت وتحول وجهها إلي سعادة وركضت في إتجاهه معانقه إياه. كل ذلك حدث في لحظة مما ادهش هاشم لرد فعلها والأخير هذا ماذا يفعل ايدور بها معانقا أياها ام أني أتخيل تقدم إليهم في خطوات.
ملك وحشتني يا جزمه كنت فين كل ده
_ طب إنزلي بقي هبطت
لكزته في يده.
ملك جزمه صحيح.
و بأعلي صوته.
هاشم اي أجيب شجرتين بالمرة
_ اي يا اخينا بتزعق ليه
هاشم بزعق ليه اي أنت مين وازاي ال عملته ده
ملك أهدي يا هاشم
هاشم اسكتني أنتي كمان بتجري عليه كده ليه!
ملك دا مصطفي
هاشم صدقي خۏفت
مصطفى أنت بقي هاشم
هاشم إن كان عاجبك
مصطفى ههههه اهلا وسهلا أنا مصطفي بن عمها أخو شاهين الصغير متهيقلي متفتكرنيش ولا أنا فاكراك برده
هاشم وقد نال الڠضب منه وتوجهه بالحديث إلي ملك.
هاشم بن عمك تجري عليه كده يا هانم
ملك أهدي يا هاشم محصلش حاجه أفهم بس
هاشم علا صوته.
أفهم اي يا باشمهندسه دا أنتي ما بتسلميش عليا تقومي تحضنيه كده
مصطفى هههههه
هاشم أنت كمان بتضحك علي اي
مصطفى شكله بيغير اوي يا ملك.
وغمز له بعينه فجاء شاهين علي صوتهم.
شاهين أنت لحقت تولع الدنيا يا بوتجاز
مصطفى بطمن علي أختي الله.
واقترب من ملك ووضع يده فوق كتفها. _ أنا أخوها ف الرضاعه يا هاشم أكبر منها بشهرين.
أقترب منه هاشم ونفض يديه عنها
هاشم ابعد بس دي حقوق ملكيه
مصطفى أنا المالك الاصلي أنت حياله لسه خطيبها
ملك أنت قولتله يا شاهين
شاهين أيوة يا ملك جه من بدري وقعد يرغي لحد ما عرف كل حاجه
مصطفى بقي أغيب يا مفعوصه كم شهر كل الاكشن ده يحصل من غيري
ملك أعملك اي ما أنت فقري
هاشم لموا نفسكوا شويه بقي
مصطفى اي يا هاشم ماقولتلك أخوها حسبي كده يا بت أما تتجوزوا تبقي تقفي جمبه وانت يا أستاذ سايبهم لوحدهم كده لاااء الا العااار.
لكزوا كل من ملك وشاهين مصطفي في نفس