سكريبت بقلم ريم خالد

بس دائما بسمع فيديوهات ليهم وبحبهم..
ابتسم وهو بيقول_ طيب ينفع أسيبك وأجيب الخيل بتاعي..!
سكت شويه وبعد كدا قولت_ مش هيجري بيا صح..
ضحك جامد وهو بيقول _لا مټخافيش بس أنتي متعمليش حركه غلط .!!
_ خلاص ماشي..
دخل الأسطبل تاني وأنا حسست علي وش الخيل من الجنب بس فجأة لقيته جري بيا مسافة طويلة خارج المزرعة وأنا پصرخ والكل طلع علي صويتي وعمر ورايا بالخيل بتاعه لحد ما وصلنا لمكان شبه البحيرة والخيل رماني من علي ضهره فيها وعمر نزل ورايا وطلعني
أتكلم بقلق_ أنتي كويسه!
_مش قولتلك هيجري قولتلك يخربيت الغدر ..
ضحك وهو ماسك ايدي وبيطلعني من البحيرة وأنا زقيت أيده وهو مستمر في الضحك ..
_ أنتي أكيد عملتي حركه غلط..!
_ معملتش حاجه أنا حسست علي جنب وشه بس...
_ ممكن تكوني ضغطتي بس الحمدلله رماكي في المايه مش في الأرض..
قعدنا أحنا الاتنين علي الارض وأنا بحاول أخد نفسي وهو أخد تلفونه من علي الخيل وكلمهم يطمنهم
_ بقيتي كويسه..!
_ايوه ..بس سقعانة
_ طب يلا عشان متخديش برد..
قولت وأنا بقوم _ مش هركب الخيل تاني انسي..
اتنهد بهدوء وقال_الخيل جري مسافة طويلة جدا لازم نركب..
_ انت عايز المرة دي يهبدني في الأرض.
_ طيب خلاص نركب خيل واحد والتاني يبقي ورانا.
_ نعم أنت بتقولي نركب خيل واحد .. أنت بتستهبل.!
_ ايوه انا بستهبل قوليلي انتي اي الحل!
سكت شويه وقولت_هقولك ..
بقا هو راكب خيله والخيل بتاعي وراه وأنا ماشية قدامهم ورجلي كانت خلاص هتتكسر وسقعانه والانسان متبهدل والله متبهدل لحد ما قعدت علي الارض وأنا مش قادرة خلاص..
_ أي تعبتي يا بطة !
_بس ياخفة..!
_ يابنتي بقالنا ساعة كونا زمانا وصلنا خلصي أركبي..
بصيتله شويه وكنت ببص علي رجلي اللي لو كانت بتتكلم كانت حلفت ما هي ماشية خطوة كمان
_ أركب ازاي.!
مديلي ايده وشدني علي الخيل وكنت عماله بعدل نفسي علي الخيل وأنا ماسكة القميص بتاعه
_ يابنتي بقا بطلي فرك هنقع احنا الاتنين..
_ طيب خلاص..
وصلنا البيت اخيرا وأول ما دخلت كلهم جروا عليا وقعدوا يطمنوا عليا لحد ما طلعت غيرت لبسي ونمت.
______________
عدي شهرين أخدت علي البيت وعلي العيلة بقيت بقضي أجمل اوقاتي معاهم عيلة لطيفة وجميلة وكمان عمر شخص لطيف بغمزاته وضحكته انا بوصفه بس مش أكتر يعني وطبعا ليلخيلي الجميل أخدت عليه وبقضي وقت معاه كونا بنفطر لحد ما قولت لجدو
_جدو أنا هروح لخالتو انهارده ممكن..!
أبتسم بهدوء_ مفيش مشكلة بس هتيجي في نفس اليوم.
اتنهدت بهدوء _ ماشي يجدو حاضر..
عمر صمم يوصلني مش معقول الخنقة دي هو أه أنا مبسوطه بس برده مخڼوقة وصلت لحد الشقة وفتحتلي بصتلي بعتاب وسابت الباب مفتوح ودخلت.
_ أنتي زعلانة..!
_ ملكيش دعوه..
اترميت في حضنها وانا بقولها_ طيب أنا اسفة..
ضمتني