زواج باطل بقلم إيمان شلبي

انا رافضه اتكلم رافضه اقول اي حاجه
لكن الغريبه أنه مكانش بييأس بالعكس كان يجيلي ويفضل يتكلم عن أي هري ويفضل يحكيلي عن الناس اللي كانت عنده زمان واتعالجت
كان يفضل يحكيلي حاجات غريبه ومرعبه
حقيقي اللي يشوف بلاوي الناس تهون عليه بلوته !
معقوله في ناس بالشكل ده في ناس ممكن ټأذي حد وتظلمه وتروح تنام علي مخدتها بكل راحه
ازاي بقينا بالشكل ده ازاي بقينا مؤذيين اوي كده !
فوقت من شرودي علي صوت الباب بيخبط
اتعدلت وانا بقول بهمس اتفضل
دخل الدكتور بابتسامته اللي مش بتفارق وشه وهو بيقول بمرح مساء الخير
رديت بهدوء مساء النور
الاااااه
قالها بطريقه مضحكه فضحكت بهدوء وانا بسأله في ايه !
قعد علي الكرسي بتاعه وهو بيحط شنطته اصلك اول مره تتكلمي تصدقي هتصدقي أن شاء الله انا لو مش متجوز كنت فكرت في الجواز تاني
و وطي صوته مره واحده اوعي تقولي لمراتي دي مجنونه وممكن تصدق وتنكد عليا لسنه ضوئيه
ضحكت علي كلامه من غير ما انطق حرف
اما عنه اتنهد وهو بيسألني بجديه اخبارك اي دلوقتي !
رديت بهدوء وحزن الحمد لله
ا احم ا انا عرفت اللي حصل
رديت بتوتر ع عرفت ايه و وعرفت منين
رد بابتسامه يامن حكالي كل حاجه...وقبل ما تعترضي انا اللي أصريت اعرف منه الحكايه عشان اقدر اعالجك
تسمحيلي اتكلم وتسمعيني للآخر من غير زعل
هزيت راسي والدموع بتلمع في عيني وانا ببص قدامي
اوقات كتير جدا بنتصدم في ناس كنا مراهنين عليهم بحياتنا ونتصدم من ناس قولنا عليهم زمان دول بيكرهونا وبيكرهوا لينا الخير مع أن اللي جواهم عكس كده بس مش معني أننا اتص دمنا في اللي حوالينا أننا ڼموت!!
انا عارف انك بني ادمه وعندك مشاعر وصعب تنسي وصعب قلبك يخضع لعقلك عارف ان حتي لما عرفتي الحقيقه عمرك ما کرهتي بدر لان انتي بطبعك لما بتحبي شخص صعب تكرهيه حتي لو عمل فيكي ايه
عارف ان اي كلمه كره خرجت منك كانت من ورا قلبك
علي فكره لو كان بدر عايش كان ممكن تبقي عايشه حاليا ومبسوطه أو بتحاولي تكوني مبسوطه كان ممكن تسامحيه
طبيعي احنا بشړ وبنسامح بس مش بننسي ابدا عمرنا ما هننسي لو مر الف سنه
كل ما هنفتكر ڠصب عننا هنحس بنفس الۏجع هنتعب ممكن لما زعلنا مره تانيه نخرج اللي جوانا فنجرح وڼتجرح
عمرك ما كنتي هتنسي اللي حصل كنتي هتفضلي طول عمرك عايشه بنفس الۏجع فربنا ليه حكمه في مت بدر
ايوه متبصليش كده ليه حكمه انك متفضليش في الماضي
ليه حكمه يريحك من عڈاب شوفتيه لمده ست سنين ليه حكمه ميزودش عذابك سنين علي سنينك !
وليه حكمه ميفضلش بدر يأنب في نفسه حتي لو انتي قولتي بعضمه لسانك انا مسامحاك
هو مش مسامح نفسه ولا عمره هينسي أنه اتسبب في ۏجع ليكي
حياتكم كانت هتبقي عامله زي بيت قديم اي شويه رياح ممكن في لحظه تهدمه كان اي شويه زعل ما بينكم هيهدم العلاقه ويزود الفجوه
كفايه ياريمان فوقي لنفسك ارجعي لريمان بتاعه زمان اللي محدش غيرك يعرفها
ارجعي وعيشي وفكري في مستقبلك اللي
مت مش راجع
وانا مش بقولك كده عشان تزعلي أو تكتئبي لا انا بفوقك
بدر ماټ وحتي لو كان عايش فعلاقتك ببدر كانت هتبقى مي ته أو علاقه اكلينيكه عايشه بس مش عايشه في نفس الوقت !
فوقي لنفسك وفكري في نفسك متخليش الحزن ياخد اكبر من حجمه ومتضيعيش فرص وناس بتحبك
بصيتله باستفهام وانا مش فاهمه ايه قصده في آخر جمله !
ضحك وهو بيغمزلي يعني في ناس بتحبك ومستعده تستناكي العمر كله في ناس خللت معانا يا انسه ريمان
رديت باستغراب ناس مين
رد بهمس يامن اوعي تقولي اني قولتلك لحسن يعمل مني شاورما ده صاحبي وانا مجرب أيده قبل كده
بصيت قدامي وانا بهمس بصدممه يامن
هزلي رأسه بابتسامه وبعد شويه قام ومشي وانا قاعده مصدومه من اللي عرفته
معقوله !
معقوله يامن بيحبني طب ازاي وامتي !!
بعد مرور سنه
كنت واقفه قدام المرايه في البيوتي سنتر ببص علي شكلي وانا عروسه
مكنتش مصدقه ابدا اني ممكن أعدي باللحظه ديه !! هو انا بتجوز
ومن مين من يامن !
سرحت في اللي حصل من سنه بالتقريب لما خرج الدكتور من عندي وانا فضلت ساعتين بفكر في كلامه وبقنع نفسي افوق بقنع نفسي أن اللي مت مش هيرجع لكن هيفضل مالك جزء من قلوبنا
وفعلا بعد يومين خرجت من اوضتي ومن حزني وقررت انزل شغلي الجديد اللي يامن قالي عليه واللي كان في نفس المكان اللي هو بيشتغل فيه !!
وقتها ضحكت وانا فاهمه هو ليه عمل كده بس بالعكس مزعلتش ابدا
قولت زي ما قالي الدكتور
ديه حكمه ربنا
وفعلا بدأت شغلي وبدأت حياتي وبدأت اثبت نفسي لكن في الحقيقه لولاه ولولا وقوفه جنبي في كل خطوه مكنتش هوصل مقدرش أنكر أنه كان جزء من نجاحي وأصبح حاليا جزء من مستقبلي بعد ما اعترفلي بحبه وطلب يتجوزني
فوقت من شرودي علي صوت تاليا بنت اختي واللي قررت مسبهاش لحظه واحده لأنها ملهاش غيري حاليا من بعد مت بدر وهروب امها مع اللي بتحبه !!.
يالا ياخالتو عريسك وصل
قالتها وهي بتشدني من فستاني بحماس فضحكت وانا بنزل لمستواها وببو س خدها
ايه القمر ده ياعيوني
بجد ياخالتو شكلي حلو
قالتها بفرحه وهي بتلف حوالين نفسها
شويه وخرجنا من البيوتي سنتر
كان واقف مع صحابه ومديلي ظهره وكأنه حس بيا لما خرجت
قرب مني وهو ماسك بوكيه الورد وبيقدمهولي بكل رقه
ايه القمر ده
ابتسمت وانا بفرك ايدي بتوتر وببص في الأرض
قرب مني وهو بيبوس جبيني بحب مبروك ياحلم بعيد
حلو بعيد !
اتنهد وهو بيبص في عيوني كنتي كلم بعيد اوي يا ريمان حلم كنت بدعي بيه ليل نهار في صلاتي واخيرا ربنا حققهولي
عيوني دمعت من كلامه وانا ببصله ومش قادره استوعب حبه ليا
مسح دموعي برقه طب بټعيطي ليه
هزيت راسي بنفي أنا مش بعيط انا بس مستغربه
مستغربه اني بحبك !
مستغربه لانك عمرك ما لمحت حتي
لاني كنت عارف انك بتحبي بدر
رديت بصدممه ك كنت عارف منين
ضحك بهدوء عيونك اللي كانت بتلمع لما بتشوفيه
واتنهد وهو بيقولي بمرح بقولك ايه انا عريس وانتي عروسه كفايه نكد ده اي ياختي العيله اللي بتعشق المعاناه ديه
ضحكت بصوت عالي وأنا بقول بهمس وببطئ في ودنه ب ح ب ك
برق وهو بيرمش عينه اكتر من مره بصدممه هه
رديت بحب بحبك ياعوض ربنا ليا عن كل لحظه حزن شوفتها ربنا يخليك ليا
عيونه لمعت بالدموع وهو بي بوس ايدي برقه ويخليكي ليا
ولقيتك مادد ايدك ليا بتندهلي
وفي غمضه عين اديتك قلبي اللي وجعني من اول يوم حسيتك واحد من أهلي ياعوض ربنا وحبيبي وحضني اللي سايعني
تمت