زواج باطل بقلم إيمان شلبي

مش عايزه اعرفك تاني
كان لسه هيتكلم بس انا قاطعته بأصرار مش عايزه اسمع صوتك ولا عايزه اعرفك تاني ورقمي امسحه من عندك وكل حاجه تخصني تمسحها انت سامع يامؤيد !
رد بغموض سامع تمام ياريمان
قفلت في وشه وانا بتنهد بحزن وقهره
فضلت علي حالي اكتر من نص ساعه قاعده ضامه ركبتي لصدري وشارده لابعد حد
بتخيل حياتي الجديده واللي لحد دلوقتي مش عارفه هتمشي ازاي !
ياتري هعيش انا وبدر اخوات زي زمان ولا الوضع هيتغير !
طب حتي لو عيشنا اخوات وانا ربيت بنت اختي وكأنها بنتي التانيه انا هكون فين من كل ده هيكون فين حقي في حياه طبيعيه زوجه وزوج طبيعين مختارين بعض بكامل إرادتهم هكون ام حقيقيه هشيل بيبي من اللي بحبه
في الحقيقه منكرش اني اتعلقت بمؤيد لكن معتقدش حبيته كان بالنسبالي مجرد شخص اهتم بيا سألني رايحه فين جايه منين اكلتي ايه هتصحي أمتي شخص حسيني اني مهمه ف اترسخ في فكري اني حبيته لكن في الحقيقه انا حبيت اهتمامه مش اكتر اعتقد لو اهتمامه مبقاش موجود مش هتمسك بيه أو هحبه لاني مش بحبه !
قومت بعد تفكير طويل اتوضي واصلي استخاره لاني عارفه أن ربنا هيريح قلبي وبالي زي كل وقت انا كنت محتاجه ارتاح وارتحت
خلصت صلاه والغربيه أني حسيت براحه لا توصف قبل الصلاه كنت متشتته ضايعه في حيره وصراع بين قلبي وعقلي وحاليا انا حاسه اني مرتاحه
اتنهدت وسلمت امري لربنا وفضلت مكاني لحد ما الباب خبط
رديت بصوت هادي ادخل
دخلت ماما وهي بتقرب مني بابتسامه حنينه زي قلبها ها ياحبيبتي هديتي !
ابتسمت بهدوء وانا برد عليها الحمد لله
قعدت علي طرف السرير ومسكت ايدي بين ايديها وهي بتضغط عليها انتي عارفه أننا بنحبك انا وبابا صح
عيوني اتملت بالدموع وانا بهز راسي عارفه
مسحت دموعي بطرف صوابعها وهي بتكمل بهدوء وانتي بتحبي اختك الله يرحمها صح
رديت بلهفه طبعا
اتنهدت وهي بتكمل ابوكي عمل كده عشان هو خاېف
بصيتلها باستغراب خاېف من ايه
بصيتلي خاېف علي بنت اختك
اتنهدت وانا بقول بغيظ بنت اختي مع باباها ياماما بنت اختي هيجرالها ايه ابوها هيخاف عليها اكتر من اي حد تاني
ولو اتجوز واحده تانيه هتخاف عليها هتعاملها كويس يرضيكي بنت اختك تعيش حياتها مع مرات اب الله واعلم هتعاملها ازاي يرضيكي تتمرمط !
دموعي نزلت وانا بقول بدموع طب وانا ياماما انا مفكرتوش فيا ! انا ليه اتجوز جوز اختي ليه اخد الفضلات
ردت بصدممه فض لات !
هزيت راسي بتأكيد ايوه فضلات انا من حقي زي ما هي عاشت اني اعيش زيها هي حبت واتحبت اتجوزت اللي بتحبه وخلفت منه هي عاشت حياتها زي ما بتتمني ومحدش فيكم اعترض محدش فيكم قدر يمنعها من حقها
انما انا ليه تمنعوني انا من حقي ليه تمنعوني اعيش حياه طبيعيه زي بقيه البشر ليه تمنعوني احب واتحب واتجوز الشخص اللي قلبي هيرتاحله !!
علي فكره في الف بديل لو فعلا بتحبي حفيدتك في الف بديل انك تحافظي عليها في أن لو ابوها قرر يتجوز ومرات ابوها بتعاملها وحش أن احنا نرفع قضيه وناخدها في حضننا
انتوا كده بتمنعوني من أبسط حقوقي ارجوكي ياماما ارجوكي انا مش عايزه اتجوز
عيطت بحرقه مش بأيدي صدقيني مش بأيدي انا قولت لباباكي كل الكلام ده بس هو مقتنعش
رديت بعصبيه وانا كمان مش مقتنعه مش هتجوز
وبصيتلها بتحذير لو بابا فضل
مصمم علي الموضوع ده صدقيني ياماما ههرب
ضر بت علي صدرها بصدممه يامص يبتي تهربي
اخدت نفس وانا ببصلها بتحدي قدامك ساعه ياماما يا تقنعي بابا يا اما صدقيني هتندموا العمر كله و....آاااااه
اتوجعت پألم لما شدتني مره واحده من شعري وهي بتلطشني قلم
انتي اټجننتي يابت ها اټجننتي عايزه تحطي رأسنا في الوحل !
بصيتلها بتحدي ودموع طالما مش هاممكم احساسي يبقي اعمل اللي انا عايزاه اعمل اللي يريحني انا جواز مش هتجوز
ساب شعري وهي بتبصلي بقرف وريني هتهربي ازاي يابنت بطني محمد
قالت كلامها وخرجت من الأوضه وانا ببص لآثرها بشړ وفي لحظه ڠضب وشي طان لغيت عقلي تماما ورنيت علي مؤيد اللي رد علي طول
الو
رد ببرود نعم
اتنهدت وانا ببص قدامي عرضك لسه متاح
رد باستغراب عرض ايه
الجواز
رد بهدوء بس...
قاطعته عارفه الجواز هيكون عرفي حاليا وانا موافقه بس بشرط
ايه هو
تساعدني أهرب لاني محپوسه
رد بغموض متقلقيش انا هتصرف حضري نفسك وانا دقائق وهكون عندك
تمام
قفلت معاه وانا ببص قدامي ومش عارفه اللي بعمله ده صح ولا غلط بس ايا كان انا مش هسمح لاهلي يفرضوا عليا قرارت انا مش حباها مش هسمح لحد يجبرني علي الجواز من شخص كان جوز اختي !!!!!
دقائق والفون رن وكان مؤيد
الو ريمان اخرجي رديت باستغراب اخرج فين !
رد بهدوء باباكي ومامتك فاقدين الوعي برا وقبل أي اعتراض انا اسف بس مكانش قدامي حل غير كده عشان اساعدك تهربي ويالا بسرعه قبل ما يصحوا
تمام تمام انا خارجه
يتبع
الجزء الثالث بقلمي إيمان شلبي كنت راكبه في العربيه جنب مؤيد وانا ببص من الازاز علي الشوارع في دماغي الف حاجه والف سؤال في دماغي الف سيناريو كلهم اپشع من بعض مفيش واحد فيهم منصف لغلطتي ابدا !!
في الحقيقه انا كنت عارفه أن اللي بعمله غلط واكبر غلط كمان كنت عارفه اني ميصحش ابدا اخاطر بحياتي وسمعتي وسمعه اهلي كنت عارفه أن آخره الغلط غلط عارفه أن اكيد مؤيد مش كويس لانه لو كويس عمره ما كان يعرض عليا عرض زي ده عمره ما كان يقلل مني ولا من احترامي لكن في كل الأحوال انا متضرره فمبقاش فارق معايا اللي يحصل
جوازي من مؤيد بالنسبالي كان اهون عليا من جوازي من جوز اختي اللي كنت هشوفها في كل ركن هسمع صوتها في كل وقت هحس بزعلها من خيانتي مع انها ماټت وبدر هيبقي جوزي زي زيها بالظبط لكن صعب
غمضت عيني مع نسمه الهواء الخفيفه اللي كانت بتخبط في وشي برقه وكأنها بتطبطب عليا من قساوه الدنيا واختارتها الغير منصفه ليا ابدا
نزلت دموعي بهدوء وانا بتخيل حال ماما وبابا لما يفوقوا وميلاقونيش بتخيل حالهم وهما عازمين كل الناس علي كتب كتابي وفي الآخر يتقال العروسه هربت مع عشيقها
فوقت من شرودي علي صوت مؤيد اللي حط أيده علي ايدي وبصلي وهو بيقول برقه متقلقيش
بصيتله وهزيت راسي وانا ببتسم بتوتر
كمل الطريق وكل واحد فينا ساكت لحد ما وقف في مكان شبه مقطوع ودخل بينا في شارع ضيق وبعد دقايق وقف قدام عماره كان شكلها قديم اوي ونزل وانا قاعده ببص حوليا پخوف
مش عارفه ليه خۏفت بالشكل ده ! مع أن المكان في ناس كتير بس حسيت بقلبي بيتنفض پخوف
فتحلي مؤيد العربيه وهو بيشاولي انزل بهدوء اتفضلي
نزلت وانا مازلت بترعش وهو قرب مني وسحب ايدي بين ايديه ودخل العماره وهو بيسحبني وراه
طلعنا كام درجه
وانا مع كل درجه بحس أن قلبي بيتنفض اكتر لدرجه حسيت هيقف من الخۏف
وقفت مره واحده وانا بهز راسي بهستريه ودموع
لا لا يامؤيد