هويته الفصول الاخيرة

فيا حاجه ده غير طريقتك المريبة فى النظرات والكلام.
كارم أنا مش قادر أستوعب كل اللى قولتيه بجد ده طلع تعبان كبير بس مټخافيش يانيللي سيبيه عليا هدفعه تمن كل لحظه عيشتى فى خوف فيها بسببه وتمن كل اللى عمله معايا عشان يخلينى أراجوز يتضحك على أفعاله.
نيللي هو إنت فاضيله فين مامتك يا كارم لقيتوها ولا لسه
كارم بشرود لسه والله يا نيللي بس أكيد هربانه وانا مش قلقان عليها أنا قلقان منها تكون لسه بتخطط لقتل جاسر المهم دلوقتى بالنسبالى تقوليلى مسمحانى ولا لأ
نيللي أنا بصراحه كنت ممكن أقتلك لو كنت عرفت إنه رهان قبل ماعرف حقيقة اللى فى قلبك.
كارم بجد يانيللي يعنى اللى فى قلبى فارق معاكى
نيللي بخجل فارق لإن فى قلبى زيه.
كان كارم يشعر وكأنه يطير فى الهواء بخفه من فرط سعادته لا يصدق أن القدر إبتسم له أخيرآ وجعل قلبها ينبض بحبه كما ينبض قلبه أراد لو يخطفها ويختبئ بها بعيدآ عن كل البشر ويحيا معها فى عالم خاص بهم وحدهم لا يتخطاه أحدآ سواهم رقص قلبه فرحآ مما أنساه جميع مشاكله وآلامه فبعد إعترافها له لم يعد هناك مشاكل وآلام.
كارم بس مهما كان اللى فى قلبك عمره ماهيبقى قد اللى فى قلبى أنا يانيللي لإنى بحبك حب مش موجود فى الدنيا ولا أتزرع فى قلب إنسان أنا دايب بين حروف إسمك روحى بترجعلى لما ببص جوة عيونك بقيت أحس إن وجودى ملخص فى حضورك جنبى وإنى لا شئ فى بعدك وغيابك عنى أنا إتعلمت الحب والإنسانيه يوم ماعرفتك وقابلتك صعب يبقى اللى فى قلبك زى اللى فى قلبى حبى ليكى مش موجود غير فى قلبى والمشكله إنه بقى بيحينى لو فكرتى تموتى الحب ده يبقى بتموتينى.
نيللي مش مصدقه إنى بسمع الكلام ده وخاېفه أوى خاېفه يكون جزء من رهانك وخطتك خاېفه تكون لسه بتكمل تمثيلك برغم إنك كشفتلى كل حاجه.
كارم أنا آسف إنى خليتك تفقدى الثقه فيا للدرجه دى بس الأيام هتثبتلك إن كل كلامى حقيقي ومش بمثلعليكى ولا بخدعك تانى لإن خلاص كل اللى جاى حقيقى وتخطيط لحياتنا مع بعض وانا دلوقتى بعترفلك إنى كنت على علاقه ببنات كتير بس إنتى أول حب يدخل قلبى.
نيللي بتردد طيب وووو العلاقات دى كانت إيه يعنى
شعر كارم أنها تغار عليه فابتسم بسعادة متقلقيش برغم حياتى السايبه الا إنى كنت عارف حدودى إيه فى النهايه وعمرى ماورطت نفسي مع واحدع فى حاجه أكتر من كلمتين حب وبس أى حاجه تانيه عمرى ماعملتها أنا فعلآ ماكنتش أعرف أى حاجه فى دينى زى ماقولتيلى قبل كده وانا نبيل بس كنت عارف الحاجات الكبيرة والخطوط العريضه فيه وكنت بحترمها وبتبعها زى مثلآ إن علاقه من غير جواز ده من الكبائر وعشان كده عمرى ماعملت ده ولا عمرى شربت خمړة ولا قعدت مع ناس بيشربوها حياة الأغنياء مهما باظت مبتبقاش زى الأفلام والروايات مابيصوروها.
نيللي بإبتسامه أنا مبسوطه أوى بجد أنا مسمحاك على كل اللى حصل ياكارم بس إوعدنى إنك...
قاطعها كارم قائلآ بحب أوعدك إن عمرى ماهرجع لحياتى اللى كنت عايشها أوعدك إن عمرى ماهزعلك أوعدك إنى أقرب من ربنا وأعرف أكتر عن دينى أوعدك إنى أقطع علاقتى بأى حد ممكن يرجعنى للغلط تانى أوعدك إنى هعيش عشانك إنتى وبس أوعدك إنى لأخر يوم هحبك زى مابحبك دلوقتى كده أوعدك إن عمرى ماهجرحك تانى أوعدك أجيبلك حقك من كل اللى أذوكى سواء مراد أو غيره هاا لسه فى حاجه تانيه عايزة عليها وعد
نيللي إنت مسبتليش حاجه أقولها ربنا يحفظك.
كارم إممممم دى بدل ربنا يخليكى ليا ماشي هعديهالك المرة دى.
نيللي بخجل بس بقى.
دقت سحر الباب فى هذه الأثناء.
سحر نيللي تبقى فى المستشفى كل ده ومعرفش غير امبارح بالليل! حرام عليكى يانيللي.
فتحت لها نيللي ذراعيها بشوق وحشتينى ياسحر.
إحتضنتها سحر بحنان انا اسفه يانيللى انا عارفه إنى قصرت معاكى اوى بس لو عرفتى ظروفى هتعرفى ليه بعدت كده.
كارم طيب بعد إذنكم أنا بقى نيللي لو احتاجتى أى حاجه انا موجود.
أشارت له نيللي برأسها ثم نظرت لسحر بتساؤل مالك إحكيلى
دخلت رانيا إلى غرفة منيرة على عجل ثم إستدعت الطبيب المسئول عن حالة منيرة وبعد دقائق خرجوا بوجوه متهلله عليها أسارير الفرح.
الطبيب مبروك يا جاسر بيه والدة حضرتك فاقت وكل مؤشراتها الحيويه جيدة جدآ وهتتنقل لغرفة عاديه على بكرة بالكتير.
جاسر الحمدلله الحمدلله ممكن أشوفها
ثم نظر لرانيا بإبتسامه ممكن يا دكتورة رانيا
إبتسمت له رانيا بخجل ممكن بس تعالى عشان تتعقم الأول.
جاسر بعد إءنك يادكتور.
قالها بحماس وخطى بخطوات واسعه مع رانيا إلى غرفة التعقيم.
وبعد دقيقه كان يقف أمام غرفة العنايه يدخل إلى والدته التى إشتاقها وبشده...

الفصل السابع عشر الأخيرة

بمجرد دخوله إلى غرفة العناية حتى جرى إليها وعينيه تدمع بشدة من بالغ تأثره بأنها أخيرآ عادت له وأنارت حياته وحياة والده من جديد فقد نجت والدته من المۏت المحقق.
جاسر وهو يقبل يديها حمدالله على سلامتك ياحبيبتى وحشتينى وحشتينى أوى يا ماما.
منيرة بصوت مجهد وإنت وحشتنى أوى يا حبيبى فين رؤوف
جاسر بابا كان هنا بس بيرجع البيت يرتاح وانا بقعد مكانه هو لسه ميعرفش إنك قومتلنا بالسلامه وهبلغه حالآ عشان يجي بابا مشتاقلك أوى يا ماما وحالته صعبه أوى من يوم اللى حصلك ياحبيبتى.
منيرة كنت حاسه بيكم ورجعت الدنيا دى عشانكم إنتو بس يا أغلى حاجه عندى.
جاسر إنتى اللي أغلى حاجه عندنا يا ماما آسف إن حصلك كده وانا موجود فى الدنيا بس حقك مش هسيبه ياحبيبتى أنا هتصل ببابا أبلغه أحلى خبر فالدنيا.
أجرى جاسر الإتصال بوالده وأخبره أن والدته أفاقت من غيبوبتها فأتى رؤوف على عجل وهو لا يصدق فقد عادت روحه للحياة....
نيللي أنا مش مستوعبه!! معقول عشمك بيه ويطلع متجوز! طب ليه يعمل فيكى كده وفى مراته كمان!
سحر بحزن معرفش ومش عايزة أعرف أو أضيع لحظه كمان فى التفكير فيه.
نيللي بتروحى الشغل
سحر لا ومش هروح تانى خلاص هحتاج بس أخلص ورقى عندهم وشهادة خبرة بالمدة اللى قضيتها معاهم.
نيللي تمام وبعد ماتخلصي كل ده تستعدى عشان هتشتغلى فى شركة كارم هو مستحيل يرفض طلب زى ده ده غير إن إنتى أصلآ شاطرة ووجودك فى أى مكان إضافه ليه.
سحر بإبتسامه برغم إنى إتخليت عنك كل الوقت ده إلا إنك مستعدة توقفى جنبى وتساعدينى وكمان بتجاملينى بكلامك الحلو ده.
نيللي بحماس مش مجامله خلصى إنتى بس ورقك وهتشوفى بنفسك.
سحر مالوش داعى يانيللي أنا هخلص ورقى وهمشي من البلد خالص.
نيللي إيه اللي بتقوليه ده!! معقول خلاص إستسلمتى وأسهل حاجه تقولى كده!
سحر مش أسهل حاجه يانيللي ولا ليه علاقه بالإستسلام خالص وده أصلآ قرار بابا إحنا كده كده مالناش غير بعض هنا وطالما مع بعض فى أى حته يبقى خلاص برا أحسن.
نيللي لا معلش بقى أنا مش مع باباكى فى كده برا مش أحسن الغربه وحشه اوى بلاش منها.
سحر خلاص يانيللي فات وقت الكلام ده بابا بدأ فى إستعداداته وانتى عارفه ان الفلوس بتخلص كل حاجه وهو الحمدلله يقدر يعمل كده وهنمشي على طول.
نيللي بحزن يعنى كلكم هتطلعوا وهم وهتعالج منه
سحر لا ياحبيبتى أنا عمرى ماهنساكى ولا اتخلى عنك كل فترة هتلاقينى جيتلك عشان أزورك ودايمآ هتصل بيكى.
نيللي برضو مش هيعوضنى عنك.
سحر بخبث بسسس كارم هيعوضك ويخليكى تنسي كل الناس.
نيللي بخجل تفتكرى
سحر أفتكر وأفتكر كمان إن ربنا بيعوضك بيه عن كل اللي شوفتيه فى حياتك حافظى عليه يانيللي أوعى تخسريه أبدآ كارم إنسان كويس وباين عليه جدآ إنه صادق فى حبه ليكى أنا شوفته وانا داخله كان بيبصلك بنظرات عاشق ودايب ربنا يزرع فى قلوب كل الناس حب زى اللى فى قلب كارم ليكى ده مش حسد والله ده فرحه عشانك يا نيللي.
نيللي ربنا يرزقك بواحد يحبك أضعاف حبه ليا.
أخفضت سحر رأسها وأردفت بحزن إن شاء الله.
مفترشة الأرض فقد أصبحت فراشها وغطائها لا تأكل إلا أدنى الطعام الذي كانت تنفر من من يأكلوه ترتدى ثيابآ رديئه متسخه شعرها أشعس غير نظيف بسبب عدم الإستحمام تحيا حياة غير آدميه.
بدأت فى البكاء بمرارة تحتل حياتها فى الأيام القليله الماضيه.
دخل لها أحدهم بطعام لا يليق بها وبما كانت تتغذى عليه من قبل.
تحدثت فريدة بصوت متعب يتقطع من شدة الإجهاد مش عايزة أكل عايزة أمشي من هنا عايزة أرجع بيتى.
كارم تعبتى يا ماما
فريدة پصدمه وهى ترفع رأسها بإنتفاضة لا مثيل لها إبنى! كارم إنت اللى عملت فيا كده يا كارم إنت اللى جبتنى هنا
نظر كارم بتجاه الباب حيث كان جاسر يدخل.
كارم پغضب ليه كده باجاسر إحنا متفقناش إنها تنام فى الأرض.
جاسر يعنى عايزينى أعمل إيه ياكارم! انت شايف المكان فيه سرير وانا نيمتها على الأرض
كارم كنت تتصرف وتجيب سرير.
فريدة بصړاخ صعبانه عليك أوى يا كارم! صعبانه عليك وانت متفق عليا مع أخوك متفق معاه يمرمط أمك ويعمل فيها كده ويحبسها الحپسه دى! أنا كنت متأكدة إنه جاسر ورؤوف ورا خطفى بس ماكنتش أتخيل إنك تشترك معاهم فى حاجه زى دى.
كارم عايزك تراجعى الكلام اللى قولتيه تانى وانتى هتلاقى سبب اللى عملته فى وسط كلامك قولتى أخوك عشان أخويا عملت كده إنتى بعتى واحد ېقتل أمه وقبل ما أى حد يلحق يفوق من اللى حصل لقينا جاسر هو كمان هيتقتل كنتى عايزانى أعمل إيه أحميكى وأهربك! ده كان ممكن يحصل لو انا بعتبرك أم أصلآ ده انتى كمان اعترفتى عليا إنى متورط معاكى فى اللى عملتيه إنتى لا يمكن تكونى بشړ والمۏت حلال فيكى أنا عايز أطلع قلبى وأدوس عليه برجلى عشان لسه بيشفق عليكى وصعبان عليه نومتك على الأرض بتخيل لو كنت أنا اللى إبن منيرة كان زمانك بتعملى فيا وفى أمى كده! عشان إيه! عشان شوية فلووووس أنا جاي النهاردة بس عشان أقولك إنى أقنعت جاسر يخرجك من هنا طالما مامته فاقت ونجت من المۏت بس من اللحظه دى إنتى لا أمى ولا أعرفك ولا عايز أعرفك تانى.
أولى لها كارم ظهره ثم نظر لها مجددآ.
كارم آه صحيح لما هتخرجى من هنا أنا مش هساعدك فى أى حاجه والبوليس بيدور عليكى يا إما العصاپات اللى إنتى بقيتى واحده منهم ينقذوكى ويسفروكى من هنا يا إما هيتقبض عليكى جاسر كتر خيره هيسيبك تمشي من غير بلاغ ولا أى حاجه وإنتى وشطارتك