هويته الفصول الاخيرة

تمشي وتسيبنى!
كارم نيللي فوقى من الوهم ده هى مش موجوده أصلآ وعقلك اللى بيتخيلها متكدبيش على نفسك.
نيللي مالكش دعوة بيا خرجونى من هنا أنا كويسه ومش حاسه بتعب عشان أقعد فى مستشفى.
ضغط كارم على زر الجرس ليحضر الممرضه التى عندما أتت أخبرها كارم بأن تبلغ الطبيب بالحضور.
شعرت دينا بالدوار وألم شديد فى جميع أنحاء جسدها وإرتفاع درجة حرارتها فجلست بجسد منهك على الأريكه فنادى عليها سامى فتحاملت على نفسها وقامت لتذهب إليه والإعياء باديآ عليها بوضوح.
دينا عايز حاجه ياسامى
سامى بقلق مالك إنتى تعبانه
دينا وهى تحاول ألا تظهر مرضها شويه بس أنا كويسه.
قام سامى من نومته على الفراش وإقترب منها فوجد حرارتها مرتفعه.
سامى إنتى سخنه جدآ كده تبقى إتعاديتى
دينا يمكن.
سامى كويس كده يادينا قولتلك إبعدى عنى عشان متتعديش وإنتى كنتى مصممه تقربى منى وتأكلينى بنفسك وتسهرى جنبى.
دينا بإبتسامه متعبه فداك روحى ياسامى.
جعلت كلمتها قلبه ينبض بشده فلم يشعر بنفسه إلا وهو يحتضنها ويتحسس ظهرها بحنان.
قالت والدموع تترقرق من عينيها أهو حضنك ده يساوى عندى كتير أوى وأضحى عشانه بعمرى مش شوية برد.
ضمھا إليه أكثر وهو يشعر أن شيئآ جديدآ يجتاح كيانه تجاهها.
ثم أسندها إلى الفراش.
سامي من اللحظه دى متعمليش أى حاجه وانا اللى هخدمك.
دينا بس إنت لسه ماخفتش.
سامى فداكى روحى يادينا.
قالها وهو يمازحها لأنه يجيبها كما أجابته فضحكوا الإثنان بمرح.
وقف ينظر لها بعدما غفت على إثر الحقنه المهدئه.
كارم مش معقول كل شويه هنلجأ للحقن اللى بتنيم دى!
الطبيب مضطرين لكده لإنها لما بتثور مش بتستوعب أى كلام يتقالها خالص.
كارم طب وخطة علاجها هتكون إيه وهل ممكن نسيبها كده طالما هى مبسوطه بده ومش بيسببلها أذى
الطبيب أستاذ كارم اللى عندها ده مرض نفسي زيه زى اى مرض لو أهملناه هيزيد وهيتمكن من المړيض.
كارم خلاص حضرتك إعمل اللازم.
غادر كارم المشفى بعد ذلك متوجهآ إلى النيابه ليدلى بأقواله فى قضية إغتيال منيرة.
وأخبرهم بما حدث تمامآ معترفآ على والدته بما سمعه عندما كانت تتحدث مع الرجل الذي إستأجرته لتنفيذ ذلك.
خرج من سرايا النيابه متجهآ إلى المنزل ليقابل والدته قبل إلقاء القبض عليها.
ولكنه ظل يبحث عنها ولم يجدها.
فاستدعى أحد الخدم وسأله عنها فأخبره أنها خرجت منذ الصباح ولم تعد حتى الآن.
كارم ممكن تبقى عملتها وهربت !!!
مر يومان والحال على ماهو عليه لم تظهر فريدة ولم تستطع الشرطه نفسها إيجادها.
ودينا وسامى منسجمان وبدأت علاقتهم فى الطريق نحو الأفضل.
حتى إستعاد سامى صحته وبدأت دينا فى التعافى فقرر سامي أن يعود لعمله.
سامى عايزة حاجه اجيبهالك معايا
دينا بإبتسامه لا عايزاك تاخد بالك من نفسك بس وتفتكرنى وتتصل بيا ومتتأخرش عليا وتيجى مبتسم مش مبوز وعينيك طول مانت برا متشوفش غيرى و...
سامى إيه إيه إيه كل ده! كفاااايه.
دينا ههههههه لا مش كفايه انا مش عايزة حاجه ماديه انا عايزة حاجات معنويه.
سامى بإبتسامة حب جديدة عليه حاضر ياحبيبتى من النهارده إنتى بس اللى فالعين والقلب أنا آسف يا دينا.
عانقته دينا وهى تقول ماتتأسفش ياحبيبى اللى عدا كان مليان أخطاء منى زيك بالظبط واحنا خلاص فتحنا صفحه جديدة ولازم ننسى كل اللى فات.
سامى وهو ده قرارى فعلآ.
يلا عشان نخلص من يوم الشغل ده وارجعلك بسرعه.
ثم قبلها على جبينها وغادر المنزل يحمل همآ ثقيلآ وهو هم رؤية سحر التى ما أن تراه حتى ستنفجر به لأنه أغلق هاتفه ولم يعطيها فرصة للإطمئنان عليه وكادت أن ټقتلها الظنون به.
وبالفعل بمجرد وصوله وجدها تجلس وتنظر له والشرر يتطاير من عينيها.
سحر يا سلام!!! بالسهوله دى تغيب كل ده وتقفل موبايلك
سامي انا كلمت فتحى وطمنته وقولتله إنى هاخد أجازة.
سحر بغيظ فتحى!! طب وانا ! مش مهمه للدرجه دى ولا مهم قلقى عليك
سامى سحر انا محتاج اقعد معاكى بعد الشغل.
سحر ليه فى إيه
سامى سيبينى أشوف الشغل اللى أكيد كتر جدآ فى غيابى وبعد الشغل أوعدك نتكلم.
سحر ماشي زى ماتحب.
وبعد إنتهاء العمل خرجا سويآ ثم جلسوا فى إحدى الكافيهات.
سحر خير يا سامى
سامى أنا عارف إن اللى هقوله هيكون صاډم بالنسبالك بس أرجوكى تسمعينى وتحاولى تفهمى موقفى.
سحر فى إيه ياسامى إنت قلقتنى
سامى أنا مانكرش إنى أعجبت بيكى وحسيت معاكى أحاسيس كنت مفتقدها ووجودك فى حياتى عوضنى عن فراغ كبير فيها أيامى اللى فاتت كانت كلها تخبطات وانتى ظهرتى فى الوقت ده وكنتى الإيد اللى بتطبطب عليا كل ده خلانى أفتكر إن إنتى الشخص اللى أنا محتاجه واللى لازم مايفارقنيش تانى وبناء عليه أخبى عنك حقايقى.
سحر حقايقك! اللي هي إيه
سامى أنا متجوز.
سحر پصدمه إنت بتقول إيه !!!
سامى عايزك تهدى ياسحر وتتفهمى ظروفى وكلامى اللى قولته والله ماكان فى نيتى أذى ولا ضحك عليكى بدليل إنى جاى أقولك النهاردة بنفسي كل اللى حصل إن فالكام يوم اللى فاتوا قربت من مراتى واكتشفت إنى ظلمتها وظلمتك بقربى منك وبعدى عنها وإن لازم الأمور ترجع زى ماكانت ولازم انتى تعرفى الحقيقه.
حبست سحر الدموع فى عينيها فقد أرادت أن تبدو قويه امام هذه الصدمه المفجعه لها.
سحر كداب وخاېن وغشاش ومخادع حقيقتك اللى بابا سألنى أعرفها ولا لا ومكنتش أعرفها.
كانت دينا تطهو الطعام فى انتظار وصول سامى بشوق غامر فدق هاتفها برقم صديقتها رشا فأجابته بمرح.
دينا حماتك بتحبك يابت يارشا بجهز أكل إيييييه تحففففففه.
رشا دلوقتى بس عرفت سبب تغير جوزك يادينا سامى بيه قاعد دلوقتى مع واحده فى كافيه.
الفصل الرابع عشر
غادرت بقلب حزين لا يريد سوى المۏت الذي يخلصه من چحيم عڈاب وضعه به من لا يشعر ويتلاعب بقلوب البشر.
هههههه يخبرنى بأنه أعجب بي وخشي أن اعلم بزواجه فأتركه ولكن لا ضير أن أتألم الآن عندما أعلم أنه خدعنى وعندما أراد أن يتركنى فلأحترق وأكتوى بنيران الۏجع فقد قرر سيادته الإبتعاد عنى فلأموت قهرآ.
يا لقساوتك يا لبشاعتك التى لم أكن أعلم عنها شيئآ فأنت قاټل.
أنت أقل من أن أحبك وأمنحك فؤادى الذي صونته داخل ضلوعى وحرمت عليه حب الرجال.
لتأتى أنت وتدمره بمنتهى السهوله!!
ضحيتك أنا وزوجتك أيضآ ضحيه وكان لابد أن أعلم ذلك من قبل يكفى أنك من جنس الرجال.
عادت سحر إلى المنزل ودخلت غرفتها دون أن تتحدث مع والدها ألقت بجسدها على الفراش منهكة القوى وخارت دمعاتها بلا قيود.
رؤوف انا واثق فيك ياكارم بس حاسس إنك عارف مكانها ومخبى عشان تحميها ماهى أمك برضو.
كارم والله أنا زيي زيكم يا بابا معرفش عنها حاجه خالص واكيد هة مش هتقولى حاجه زى كده وهتحرص منى جدآ كفايه إن أنا اللى معترف عليها وبسببى ماكانش حد هيعرف إن هى اللى حرضت على قتل طنط منيرة.
رؤوف من غيرك خالص ماحدش كان هيبقى عنده شك برضو انها هى مفيش حد يعمل كده فى منيرة ويتمنالها المۏت غير فريدة.
نظر كارم لجاسر وهو يقول مالك ياجاسر ساكت ليه
جاسر لا مفيش معنديش حاجه اقولها بس وقلقان على ماما.
كارم ماتقلقش طالما عدت الأيام دى يبقى ان شاء الله هتبقى بخير وتقوم بالسلامه.
جاسر يااااارب.
كارم إنت ليه مبتروحش لنيللي خالص
جاسر أكيد هى مقدرة اللى انا فيه والبركه فيك يا كارم.
كارم بس وجودك جنبها مهم جدآ هى مش متعورة ولا تعبانه تعب عادى دى عندها مرض نفسي وهى عارفه ورافضه تخف منه عشان فرحانه إن مرضها بيخليها تشوف مامتها واكيد وجودك جنبها هيفرق كتير فى علاجها واستجابتها للعلاج خصوصآ إنت قريب لقلبها واكيد محتاجه ليك.
جاسر وانامش فايق يا كارم وقولتلك انت تسد عنى انا أمى بين الحياة والمۏت وقصتى مع نيللي إعجاب مايستاهلش منى أسيب أمى واتفرغلها.
كارم مامتك فى العنايه مش حاسه بوجودك او غيابك ده غير إنى مطلبتش منك تتفرغلها بقولك بص عليها كل فترة طالما موجود فالمستشفى مش هتيجى مخصوص يعنى.
جاسر خلاص ياكارم لو سمحت كلامنا فالموضوع ده إنتهى روحلها إنت وإبقى طمنى عليها.
كارم وهو يقف على راحتك ياجاسر.
توجه إلى غرفة نيللي وهو يتعجب من تصرفات جاسر بتجاه نيللي ويحزن لأجلها فقد إختارت من لا يعنيه أمرها..
وصل سامى إلى المنزل وهو حزين بشدة من أجل سحر التى صدمها فيه ومن المؤكد أنها تتألم الآن ولكن كان يشعر بسعادة أنه أزال ذلك الحمل الثقيل من على أكتافه فكان يحمل هم معرفتها وإستمراره معها وخيانته لزوجته التى إنصلح حالها معه ولا يريد خسارتها مجددآ.
سامى ديناااااا أنا جيت.
خرجت دينا من غرفتها بوجه عابس.
سامى مازحآ ياساتر يارب أنا برضو اللى ببقى ضارب بوز لما باجى من برا ولا إنتى انتى يابنتى مستخسرة تقابلينى بابتسامه وسعاده ولا الروتين فارض عليكى التكشيرة دى
دينا بحزن فيها إيه يميزها يعنى
سامى بعدم فهم بتتكلمى عن إيه!
أخرجت له صورة من هاتفها قد أرسلتها لها رشا بعدما إلتقطتها لسامى وسحر حتى تؤكد صدقها لدينا.
أشارت له على الهاتف وهى تقربه من وجهه.
دينا بتكلم عن دى.
سامى بتلعثم وصدمه إيه ده! مين ال مين اللى بعتلك الصورة دى
دينا بصړاخ هى المشكله فى مين اللى بعتلى الصورة!!!
حاول سامي أن يبدو هادئآ وهو يجيبها أيوا المشكلة فى مين اللى بعتها لانه عمل كده من غير مايتحرى عن اللى بيعمله ده سواء هينقل بيه صورة صح ولا غلط إنتى دلوقتى مش جاى فى دماغك غير إنى خاېن وكنت قاعد مع واحده وبخونك معاها وضحكت عليكى فى كل اللى قولتهولك الايام اللى فاتت.
دينا بتتكلم كإنك بريئ ولا الصورة مزورة لسه هتخدعنى تانى!!
سامى أقعدى يا دينا عشان نعرف نتكلم.
دينا بإنفعال مش هقعد ومفيش بينا كلام تانى.
سامى لو سمحتى يادينا مترجعيش للطريقه دى تانى.
دينا بتعجب إنت عايزنى أكلمك إزاى وانا شايفه خېانتك بعينى!!
سامى عايزك تدينى فرصه أقولك الحقيقه وبعد كده إنتى حرة فى اللى تعمليه.
دينا إتفضل.
قالتها ثم جلست وهى تنظر للفراغ.
حكى لها سامى قصته مع سحر كما أخبر سحر تمامآ.
صدمت دينا كصدمة سحر به.
دينا يعنى فعلا كنت على علاقه بيها!.
سامى بس انا ماقولتش ولا حتى حسيت إنى بحبها ولا وعدت بجواز ولا أى حاجه كان مجرد شعور بالإحتياج لحد يهتم بيا ويعاملنى بطريقه تليق بيا وبمجرد ماحسيت كل ده معاكى ندمت على أى علاقه ليا بيها وقررت أصارحها بكل حاجه عشان انهى وجودها فى حياتى بأى شكل.
دينا الكلام اللى قولته ده مش سهل عليا أتقبله أنا رايحه بيت بابايا وهناك هقدر أقرر شكل علاقتى بيك هيبقى إزاى ننفصل ولا أصدقك وأرجع.
سامى أرجوكى يادينا متزوديش الأمور بيننا خدى وقتك فى التفكير وانتى هنا متمشيش.
دينا سيبنى على راحتى أنا كنت مجهزة شنطتى قبل ماتيجىبعد إذنك ياسامى.
فتحت باب المنزل وهى تحمل