روايه فعلت المستحيل بقلم ملك وائل مجدي

ولا انا.
انتهد بهدوء و بدأء يتحرك للبيت و بعد ساعة وصلنا البيت اول ما وصلت لقيت جميلة و ياسمين بيجروا على ياسين و هو ضحك بقوة و نزل على ركبته ياخدهم في حضنة بحب كبير.
_وحشتوني وحشتوني يا اجمل بنوتات.
_قالت جميلة بفرحة_انت كمان وحشتني يا بابي.
_بصت ياسمين له و هي بتتشعلق في رقبته_انت وحشتني اوي اوي يا بابا.
عيونه لمعت بحب و هو بيشيل الاثنان على ايده كل بنت في ايد و قام و هو بيبوسهم من دماغهم_يا عيون بابا من جوه انا بحبكم اوي اوي بجد.
كنت واقفه بعيد و شيفاهم بيتكلموا معاه في كل حاجة تافهه و هو بيسمع بتركيز منهم مش بملل ولا عدم اهتمام.
كان عمال يلعب معاهم بحب بيجروا وارا بعض و شوية يهدف ياسمين و يمسكها تاني و جميلة تنزل فينزل ياخدها و يهدفها مرة زي اختها فعلا كانوا محتاجين ياسين في حياتهم و انا واثقه انه هيبقى اب ممتاز.
بعد سنه من المواقف الكتير و هدايا اكتر منه و لعب في عقول العيال و هي بتيجي تقولي بابا بيحبك كنت عارفة انه السبب في كلامهملكن و برغم كل حاجة هو عملها لسه في جوايا نفس الحاجز اه قل بنكرش لكنه لسه موجود.
_ماما بابا اتأخر اوي
_قولت بقلق و انا باصة على الباب_مش عارفه يا جميلة هو كلمني و قال انه نص ساعة و هيبقى عندنا.
_يا ماما الشمع هيبرد و الضيوف وصلوا كلهم.
ضړبتها على جبنها_شمع ايه اللي هيبرد يا ياسمين استهدي بالله.
_مريم حنين خليكم معاهم انا هطلع برة اشوفه.
سبتهم و انا بتجه عند الباب و غضبانه ازاي يتاخر على عيد ميلاد الولاد!!!
فجأة قبل ما اوصل لباب البيت الانوار اطفت إلا من نور ضعيف من معرفش مصدره بصيت قدامي حسيت ان في حد جاي من نفس نفس قرب مني كنت متاكده انه هو الانوار رجعت و بصيت عليه كان يخطف القلب ببدلة زرقاء زي لون فستاني اللي معرفش عرف منين لونة كان مسرح شعرة بطريقه تهبل مع دقنه اللي حلقها خالص و بقى شكلة يخطف اكتر وقف قدامي مباشرة و في ايده ميكروفون مسك كف ايدي و عيونة في عيوني و انا مش فاهمة واقفه لية و متحركتشو بدأ يغني و بصوتة الجميل صوتة اللي دايما كان حلو و حنين.
_شكل المكان زي مكان
متغيريتش حاجات كتير
شايف بعيني ذكريات من قلبي حبتها بضمير.
غمض عيني بتأثر و انا بتخيل كل لحظة كنا سوا مبسوطين مع بعض و قد ايه كنا.. كنا بنحب بعض كانت ذكرايات.
لفني له و بيقنا واقفين في وش بعض رفع ايدي اللي كانت بين ايده حطها على كتفه و كف ايده على وسطي كل ده و عيونه في عيوني بيتعمق فيهم بيأثرني للمرة اللي معرفش عددها كان بيعتذر مع كل نظرة حب منة.
بدأنا تمايل مع الاغنية و هو كمل بشغف مع ابتسامة.
_اجمل سنين انا عشتها كانت هنا...
كل الناقص في المكان انت و انا
و تفصيل كتيرة مش ممكن احسها من غيرك.
دموعة نزلت و هو بيقول بكل الحزن و الۏجع اللي ظهر في صوته بكل قوة و بشدد عليا و كانة هيفقضني.
_معقول اكون موحشتكيش
من يوم بعدنا مش بعيش
رغم الفراق مفرقتنيش
قرب وشة من وشي و قال و انا دموعي بتنزل_عندك خلاص واقفه الحياة..
شدني لحضنة و قال و هو بيطبطب على ضهري و انا بنتفض تحت ايده بۏجع و قلبي دقاته سريعة مع دقات قلبة اللي سمعاها.
_من بعد حضنك حضڼي ماټ....
وكلامي يشبة للسكات
فضيلي منك ذكرايات... ذكرايات.. اااه
و اللي فضلي مني اااه.... اااه.
بعدد عنه و انا بهمس له _كفاية كفاية.
رفع ابهمه و مسح دموعي اللي نازلة على خدي بهدوء و همس _اللي يريحك.
وقف الاغنية و الكل سقف بقوة على جمال صوتة و انا بعد عنه و هو مسح دموعة بسرعةجري على جميلة و ياسمين شالهم مع بعض حضنهم_كل سنة و انتم بخير يا احلى هدية في حياتي كلها.
_و حضرتك طيب يا بابي.
_اتكملت جميلة _صوتك حلو اوي.
هزت ياسمين راسها و هي بتلف وشة ليها_اوي يا بابا و الرقصه مع مامي تجنن.
هزت جميلة راسها و هي بتلف وشة بردو_و البدلة جميلة نفس فستان مامي.
_ضحك عليهم_طيب يالا علشان تديكم الهدايا.
سقفوا بحماس و نزلهم و بدات كل واحده تفتح الهدية لكني وقفتهم_لا جميلة ياسمين بعد ما نطفي الشمع.
_ماشي يا مامي.
_يالا بينا ده اول عيد ميلاد ما بابي بتاعنا.
ابتسم بتأثر من كلمة ياسمين و قد اية كان غبي لما حرم ولاده من وجودة و هو كمان اتحرم منهم كل السنين دي.
ياسمين و جميلة كانوا في النص و ياسين وراهم بيطبطب على كل واحده بيحب و انا واقفه بعيد عنهم نسبيا بصلي بياس و فجأة لقيت جميلة بتبصلي_لا ياسمين استني مامي تعالى اقفي معانا.
_اه يا مامي تعالى.
بصتلة بشړ على كلمتة الاخيرة ولكن ضحكت على رياكشن وشة الطفولي شبهم.
روحت وقفت جنب ياسين و بدانا اغنية العيد ميلاد.
_سنة حلوة يا جميل سنة حلوة لجميلة و ياسمين سنة حلوة يا جميل.
طفوا الشمع و فجأة حضنوني انا و ياسين سوا و قالوا بصوت واحد_كل سنة و انتم معانا سوا بابي و مامي.
نزلت على ركبتي و ياسين و قولت بحب_يا حبايب قلبي كل سنة و انتم منورين حياتي كلها.
_ابتسم ياسين _كل سنه و انتم حياتي كلها ربنا يحميكوا يارب العالمين.
بسوني من خدي انا و ياسين و كل واحده جريت على الهدايا.
وقفت اتفرج على فرحيتهم و الكل بيلعب معاهم بحب.
_حسيت في عيونك و قلبك قالي ان في أمل نرجع وانت في حضڼي.
مبصتش له و قولت_معرفش ممكن اعرف اسامحك لكن مش اكيد ممكن بعد سنين يكون الحاجز اتبخر ممكن ليه لا ممكن كل شئ وارد.
بصلي و قال_انا بحبك.
_انتهد و بصتلة_انا عارفة انك بتحبي و انا كمان بحبك يا ياسين لكن للاسف الغلطة اللي عملتها اقوى من حبي و حبك.
ابتسم بأمل_يعني في أمل نرجع و تبقي في حضڼي.
ابتسمت له بهدوء و انا مقررة اجاوبة بطريقة غير مباشرة لاني فعلا مش هرجع لحد شك فيا كرامتي متسمحشحتي لو بحبهلكن حب مش كفاية و انا قلبي مش صافي بس في نفس الوقت ممكن...ممكن افكر مش اكيدلكن ممكن ارجع لو اتعافيت و علشان ولادي ممكن... وارد كل شئ وارد_سبها للايام يا ياسين.
ابتسم بقوة و كان رسالتي وصلت له و قال بشغف_انا عمري ما هستسلم و هحاول اخفي اي اثر للماضي اي فعل مني... بحبي.
قولت بتعب_انت عنيد
قال بحب و عيونة مليانة باصرار_انا مستعد اهد الدنيا طالما هبقى معاك انت وبس.
بيلف صوتك في المكان
لسة صورنا على الرفوف
و كلام كتبتة من زمان
و ضحكتك بين الحروف
اسمك حبيبتي في كل لحظة انا بنطقه
احساس بعادك كل يوم انا برفضوا..
وانا عمري قلبي في يوم هيحس بواحده تانية غيرك.
عندما قولت لي كلمة أحبك فعلت المستحيل حتى اصبح معك للابد لكن عندما اصحبت لك انت فعلت المستحيل حتى ابتعد...و العكس في كل مره.
تمت
و كالعادة دمتم سالمين أحبائي
ملك_وائل_مجدي
حواديت_ملك
سلسله_مليكة_و_ياسين 19 الجزء الثاني