روايه فعلت المستحيل بقلم ملك وائل مجدي

فوات الاوان بعد سنين بعد ما شك فيا حتى لو بحبه مش هينفع نرجع عارفة هو هيقول ايه عارفة انه عنيد و هيعمل المستحيل علشان نرجع بس كرامتي صعب صعب اثق فيه تاني حتى لو على حساب قلبي.
و بعد يوم الفحوصات اتعملت لياسين و طلع معندوش اي مشاكل و نسبة التطابق نسبة ميه في الميه.
كنت واقفة قدام باب العمليات انا و حنين و بعد زعيق في مريم انها تمشي هي و ياسمين علشان نفسيتها.
كنت راحه جاية بقلق العملية طولت المفروض تلت ساعات دلوقتي احنا داخلين على خمس ساعات.
_مليكة اقعدي اهدي.
قولت بقلق_مش قادره يا حنين مش قادره.
كنت بفرق في ايدي بتوتر و اخيرا لقيت باب العمليات بيتفتح و بيخرج منه الدكتور بتعب جريت علية انا و حنين و قولت بلهفه_طمني يا دكتور بنتي جميلة بخير
ابتسمت بأرهاق_العملية نجحت و جميلة هتبقى زي الفل.
_بكيت من الفرحة و حنين قالت_الحمدلله الحمدلله
قربت من الدكتور و قولت بعد ما بلعت ريقي_و ياسين
انتهد الدكتور _هو كويس بس حصله شلل مؤقت نتيجة العملية.
_انت بتقول ايه مستحيل
_متقلقيش مش شلل كلي حضرتك رجلة هتبقى من الصعب يحركها بعد العملية هتبقى تقيلة يعني مع العلاج الطبيعي ممكن شهر او اتنين و يبقى زي الفل بعد اذنك.
_ممكن اشوفهم
_جميلة بعد اربعة وعشرين ساعة اما جوز حضرتك هيتنقل اوضة عادية و ممكن تشوفيه عادي.
هزيت راسي بهدوء و بعد دقايق روحت اوضة كنت واقفه على الباب و شيفاه بيفوق و دموعي نزلت على الحالة اللي هيبقى فيها اول ما هيعرف دخلت له و قعد على الكرسي اللى جنب سريره و قولت ببتسامة_حمدالله علي سلامتك.
فتح عيونة ببطئ و هو بيحاول يهمس_جميلة بنتي... كويسة.
محستش بنفسي غير و انا بطبطب على ايده_زي الفل بقت كويسة الحمدلله.
حاول يقوم و يحرك رجله لكن معرفش بصلي تاني و هو بيقول بستغراب_مش حاسس برجلي يا مليكة!!
قولت و انا بحاول ابتسم له لكني ڠصب عني دموعي نزلت_اسفة لكن الدكتور قال ان عندك شلل مؤقت حاجة شبة بسبب العملية و مع العلاج الطبيعي خلال شهر او اتنين هتمشي عادي... اسفة.
كنت بعيط عليه لكن فجأة حسيت بكهرباء بتخترق جسمي مع لمسة ايده على خدي بيمسح دموعي بحب بصتلة و انا شايفه ابتسامتة_و انت پتبكي ليه مش اهم حاجة جميلة بقت كويسة خلاص ليه الدموع دي
_بعيط عليك على حالتك
ضحك بضعف_يا مليكة مش مهم كلها كام يوم هرجع يعني ممكن تعدليني
_طبعا
قربت منه و انا بعدل المخده و مسكت كتفه و انا بعدله بهدوء و من غير ما احس لقيتني باصه على وشة القريب مني اوي و عيونه الي متبعاني بحب و شوق.
كنت حاسه بنفسة بيضرب في وشي لقيتة همس _ممكن اعمل حاجة بس من غير ما اضايقك
مستناش اني اوافق و لقيت ايده الاثنان بتتلف عليا و بيشدني لحضنه پعنف اتصمرت مكاني مقدرتش ابادلة الحضن كنت حاسة بنفسه العالى و فجأة سمعت صوته اللي بيخرج بصعوبة و كأنه بعيط_سامحيني انا اسف انا غبي انا متخلف سامحيني ولله بحب ولله مقدرت اكمل حياتي بعدك وحشني حضنك وحشني لمستك وحشني صوتك و صوت قلبك ليا عارف اني غلط اني شكيت فيك بس اقسم بالله ڠصب ڠصب عني كنت معمي كنت اهبل كنت كنت مصډوم كنت كل ليلة اقعد و اشم في هدومك اللي سبتيها كنت بتمني تبقي موجودة كنت بكدب نفسي ان غلط لكن شيطاني كان اقوى مني.
جسمة بدأ ينتفض و انا دموعي نزلت و حضنته بقوة لاني انا كمان وحشني حضنة وحشني وحش قلبي المهزق.
صوته اترعش اكتر و هو بيكمل و بيشدد من حضني_ولله بحبك والله بحبك و بحب جميلة و ياسمين دول ولادي عارفه اني شوفتهم في الفندق قعد العب معاهم و منجذب عليهم معرفش ليه وقتها لكن دلوقتي عرفت علشان من دمي علشان انا ابوهم و انت امهم مليكة انا عايزك عايز نرجع علشان ولادنا و علشان انا مش هقدر اعيش من غيرك ولا غيرهم انا ممكن اموت.
همست برعشة_ياسين كفاية.
هز راسه بقوة و هو بيضمني له اكتر و كأنه عايز يدخلني جوة ضلوعه و قال بنهيار_مش قادر ابعد عنك انت انت وحشاني انا حابب انهار في حضنك سبيني ابقى ضعيف معاك سبيني اندم في حضنك مش قادر انا استحملت لغايت ما جيت المستشفى بالعافيه كنت محتاجك.
_غمض عيني بألم_مينفعش يا ياسين مينفعش انا مش مراتك اللي انت بتعمله ده حرام ابعد بعد اذنك.
سكتت و انا بعدد عنه و قلبي بيوجعني بصتلة بۏجع و هو قال بلهفه_طيب اي رايك نتجوز انا مستعد اكتب عليك فورا.
هزيت راسي برفض_ياسين ارجوك بلاش اللي انت بتعمله في نفسك ده انت تعبان.
_انت مش هترجعيلي
_زعقت بصوت ضعيف_مش هينفع مش هينفع نبقى مع بعض انا مش واثقه فيك انت شكيت فيا يا ياسين فاهم يعني ايه شرف ازاي عايزني اثق فيك و اسلمك قلبي و ثقتي للمره التانية ازاي
_قاطعته قبل ما يتكلم _ياسين انت تعبان و اللي انت بتعمله ده غلط على صحتك نبقى نتناقش بعد ما تخف ممكن تسمع كلامي بعد اذنك كفايه عناد.
و بعد شهر ونص رجعت الضحكه لقلبي مع ضحكه جميلة و ياسمين.
كنت كل اسبوع اجيبهم يقعدوا مع ياسين و انا افضل قاعده بعيد عنهم شيفاه بيتعامل بكل حنية و حب ليهم و هم ازاي مبسوطين و بيضحكوا من قلبهم الصغير.
كنت كل يوم اجي اعتني بياسين اكله اشوف الادوية بتاعته و احضر معاه التمارين تحت نظراته اللي كلها ندم و رجاء لكني قررت متكلمش في اي شئ غير لما يبقى كويس
و انهردا اخر يوم في المستشفى و أخيرا رجع يمشي على رجله تاني كنت طايرة من الفرحة و هو ضحك من قلبة و حمد ربنا على نعمته اللي اتحرم منها شهر و نص و قد ايه في ناس كتير مش حاسه بكل النعم اللي عندها و اولهم الصحة.
_عايز اشوف جميلة و ياسمين.
هزيت راسي بهدوء و انا بركب جنبة العربية و قولتله عنوان بيتي.
كان طول الطريق كل دقيقه يبص عليا عارفه انه عايز بتكلم.
وقف العربية فجأة على جنب بصتله بستفهام _وقفت ليه
_انتهد بقوة_انا خفيت يا مليكة احنا لازم نتكلم مش قادر.
_قول اللي عندك ضمن حدود الولاد و بس.
_مش فاهم قصدك اية الولاد بس!
_قصدي اي نقاش مابينا هيبقى ضمن حدود الولاد بس يا ياسين احنا مفيش بينا كلام اصلا.
قال بصرامة_لا هنتكلم بعيد عن الولاد هتكلم عننا.
_قولت بسخرية_ياسين مفيش احنا احنا مبقناش واحد كل شخص بقى لوحده من زمان... زمان اوي من اول ما شكيت فيا.
انتهد و هو بيقول بندم_انا عارف ان اعتذاري مش كفاية بس قدري موقفي انا كنت ضحېة لخطط رنا طليقتي انا راجل الفكرة ډبحتني.
قولت بوجع_عارفة يا ياسين لكن ده الجزء الاخير في القصة اما الجزء الرئيسي انك شكيت اني كنت في حضڼ راجل تاني انت متخيل احساسي وقتها وانت بطلقني و انا بقولك بكل شغف و حب اني حامل في بناتنا!!! متخيل الراجل الوحيد اللي حبيتة من كل قلبي يشك فيا لدرجة دي مفيش ثقه بينا
قال بلهفة و هو بيحضن كف ايدي جوة ايده_ولله ما هتتكرر همشي وراكي و انا مغمي عيوني ولله اقسم بالله اللي عمري ما اقسمت كدب مش هتكرر انا بحبك ولله لسه بحبك رغم كل شئ كان حبك جوايا.
_بصيت في عيونه_ما انا كمان لسه بحبك و بحبك اوي كمان.
_طيب ايه اللي يمنع نبقى مع بعض و نعيش زي اي اسرة سعيدة مع بناتنا تعالي نتجوز.
ابتسمت بهدوء و انا بسحب ايدي _بس يا ياسين انا مش هقدر اسامحك على اللي عملتوا فيا طول ما جوايا الحاجز ده عمري ما هكون معاك انا حتى مش قادره اسامحك كل ما افتكر كلامك وقتها بحس بنفور منكو لو رجعت هرجع بضغط مش هينفع.
ابتسم بوجع_للدرجادي ۏجعتك و انا زي الغبي.
سكتنا احنا الاثنين كل واحد بيفكر في التاني بصيت ناحية الشباك و انا بمنع دموعي تنزل ولله حاولت اسامح انا مش قاسېة عليه لكن هو شك و طلما الشك دخل في علاقتنا اول مرة في اهم شئ يبقى من المحتمل يدخل تاني و كمان انا قلبي بيحبه لكن انا مش قادرة اسامح على الإهانة ولا على الظلم ولا على اي كلمة قالها في حقي وقتها عارفه انه ضحيه زيي لكن مش في القصة كلها هو ضحېة افكارة ضحېة لشيطانة ضحېة انه انه شك اني ممكن اخونه لمجرد اني حملت و هو متاكد انه مش بيخلف.
هو كمان كان بيلوم نفسه كل دقيقه كل ثواني على اللي قاله ليها مش قادر يصدق انه ضيع حب عمرة بسبب شك كان ممكن يتأكد وقتها كان الوضع هيختلف كان ممكن يسمع كلامها كان ممكن يأمن بربنا و ان بعتله النعمة دي مع الإنسانة الصح لكن هو غلط غلط دلوقتي بيحاول يصلح مش هيستسلم عارف انه صعب او ممكن مستحيل لكن عمره ما هستسلم.
و بعد نص ساعة من الصمت انتهد وانا بمسح دموعي و بصتلة_ياسين ولادك تقدر تشوفهم في اي وقت تقدر تمارس معاهم كل حقوقك دول ولادك عمري ما هحرمك من جميلة و ياسمين بناتك انت ابوهم مهما كان و تقدر تيجي البيت في اي وقت كمان و تقدر تخادهم تخرجهم و يبقوا معاك بس من غير بيات بره البيت لان مش هقدر ابعد عنهم يوم كامل بس كده خلصت كلامي.
هز راسه بهدوء و هو بيرفع كف ايده مسح دمعة فرت من عيونه و ابتسم و هو بيقول _و انت اقدر اشوفك زيهم انت كمان من حقي حتى لو مش مراتي لكن انت من حقي انا كلمة مدام مليكة هتبقى دايما مدام مليكة ياسين عمرها ما هتتغير او انا هسمح ان حد تاني او اسم تاني يبقى بعد اسمك غيري انا... فاهمه حتى لقب مطلقة يبقى مرتبط بأسمي طلقيه ياسين زوجة ياسين ام ولاد ياسين انت بتاعتي انا حتى لو مش موافقة نرجع دلوقتي بس انا مش هستسلم من حقك تزعلي من حقك لكن خلي كلامي حلقه في ودنك انت كلك حقي.
بنكرش اني فرحت من جوايا من كلامة و ملكيتةانا عارفة انه متملك في الحته دي خصوصا عليا علشان كده كانت رد فعله عڼيفة محبتش اجادل
معاه اكتر من كده و قولت_متقلقش كده كده
عمري ما هدخل راجل غريب على بناتي....