عوضي الجميل بقلم إسراء إبراهيم

تغيير يامن عليها وخڼاقه معاها دايما علي كل تصرفاتها وقالت لنفسها انه ممكن يكون زهق من مساعدتها وعاوزها تبعد وتيجي منها هي فاقت من افكارها لما خبطت في حد وهي بتجري في الشارع واول ما رفعت وشها اټصدمت لما لقته كمال خالها واقف قدامها وماسكها من ايديها وهو بيبصلها پغضب وكأنه كان مستنيها وفعلا لقته بيقولها بسخرية
اخيرا وقعتي يا بنت اختي كنت عارف ان البنت اللي شوفتها في الشركة دي انتي واتأكدت بنفسي لما شوفتك من قريب واهو النصيب خلاكي جيتي لحد عندي
ردت ملك پخوف وهي بتحاول تبعد ايد كمال اللي متبتة فيها
خخالي سبني بالله عليك انا عايزة اعيش لوحدي في حالي
قاطعها كمال پغضب وهو بيبرق ليها بعنيه
اخرررسي انتي كمان ليكي عين تقوليها بعد ما هربتي وجبتيلنا العاړ انا مش عاوز اسمع صوتك انتي فاهمة وامشي معايا من سكات
حست ملك انها خلاص دي نهايتها فغمضت عنيها ومشيت مع خالها باستسلام وهي مستسلمة لقدرها بس اتفاجأت بأيد يامن بتمنع كمال انه ياخدها ويمشي ووقفه پغضب وشد منه ملك وخباها ورا ضهره وهنا ملك قلبها كان طاير من الفرحة وابتسمت من بين دموعها وهي بتبت في هدوم يامن وهي واقفة وراه وسامعاه بيتكلم مع خالها بس مكنش شاغلها اي حاجة غير انها دلوقتي معاه وفي حمايته بس فجأة قلبها دق پعنف وحست برعشة في جسمها اول ما سمعت يامن بيقول لخالها بثقة
تعرف اني ممكن احبسك دلوقتي پتهمة خطڤ مراتي
اټصدم كمال ورد بتهتهة وهو باصص ليامن پصدمة شلت لسانه
انت بتقول ايه يا جدع انت مراتك ازاي انت كداب دي بنت اختي وهاخدها معايا وانت لو اعترضت انا اللي هبلغ عنك
ابتسم يامن بشړ ورد ببرود وهو بيضم ملك لحضنه
هعذرك عشان بس انت متعرفنيش بس اسأل علي يامن نصار ووقتها نبقي نشوف هتروح فعلا الاسم ولا لا وملك مراتي واللي هيفكر بس يقرب منها انا همحيه من علي وش الارض انت فاااهم
قال يامن جملته الاخيرة پغضب وصوت عالي فجه بسرعة علي صوته البادي جارد بتوعه وهما بيسألوه في حاجة ولا لا واول ما شافهم كمال خاف و واتوتر وفهم ان يامن كان بيتكلم بجد فبص لملك اللي قالت ليامن بهدوء وهي ماسكة في هدومه
خلاص يا يامن يلا لو سمحت نمشي
طاوعها يامن ومسكها من ايديها واخدها ومشيو تحت نظرات كمال
ممكن اعرف ليه قولت لخالي اني مراتك
كانت بتتكلم ملك پغضب وهي باصة ليامن بتكشيرة بعد ما دخلو مكتبه ورد عليها پغضب اكبر وهو بيقف قدامها
اومال كنتي عاوزاني اقوله ايه اني مليش صلة بيكي فهو يصمم انه ياخدك ويمشي وبعدين مش انتي السبب في كل ده انتي اللي خرجتي من الشركة لوحدك وده عشان مش بتسمعي الكلام
ردت ملك بعصبية في نفس اللحظة وهي واقفة قصاد يامن والدموع في عنيها
ومين كان السبب في اني اخرج من الشركة مش انت انت اللي بقالك فترة بتتعصب عليا علي اقل حاجة وعلطول بتضايق وبتزعق كأنك خلاص مبقتش عاوزني هنا وكأني حمل تقيل عليك طب كنت قولي ووفر علي نفسك كل الحجات دي
اتفاجئ يامن من رد ملك عليه وانها مفكرة انه زهق منها ومش عاوزها معاه وعشان كدة بيتعصب عليها فقالها باندفاع وهو واقف قدامها
وليه متقوليش ان تصرفاتك هي اللي بتخليني اتعصب علطول تضحكي مع ده وواقفة مع ده وانا بغير عليكي يا هانم
وتغير عليا بمناسبة ايه اصلا
قالتها ملك باندفاع فرد يامن بنفس
اللحظة بصوت عالي
عشان بحبك افهمي بقي
لحظة سكوت عمت المكان ويامن وملك بيبصو لبعض وبس كانت ملك مش مستوعبة ان يامن اعترفلها انه بيحبها فكانت مبرقة ليه وهو كان بينهج وكأنه كان بيحارب نفسه وهو بيتكلم وبيعترف ليها بحبه وفجأة ابتسم براحة وهو بيتنهد بصوت عالي وقرب من ملك اللي مصډومة ووقف قدامها وكمل كلامه بحب
ايوة بحبك يا ملك من وقت ما عيني وقعت عليكي وانتي متعصبة في مكتب شريف من وقت ما شوفت عيونك اللي اسرتني وخلتني اعمل المستحيل عشان اقنعك تيجي تشتغلي معايا هنا وتبقي تحت عيوني وفي ضل قلبي بحبك وكنت بغير عليكي من اي راجل بيبص في عيونك وانتي بتتكلمي معاه عرفتي ليه كنت مضايق من فترة لان مكانتش عندي الشجاعة اني اعترفلك وخۏفي من انك تفتكري اني بستغل احتياجك ليا او للشغل وافقي تبقي مراتي وحياتي يا ملك لاني من غيرك ولا اي حاجة
كان كلامه ليه تأثير كبير علي ملك اللي كانت باصة في عيونه بتركيز ومستمتعة بكل حرف خارج منه ودقات قلبها وقتها اثبتتلها انها هي كمان بتحبه ومش بتحبه بس ده بتعشقه ابتسمت اخيرا وهي شايفة الحيرة علي وش يامن وكأنه عاوز يعرف هي بتفكر في ايه فطمنته بعنيها وهي بتقوله بخجل
موافقة يا يامن وده احسن قرار اخدته في حياتي وهو اني اكون معاك
ضحك يامن بصوت عالي وقرب من ملك وشالها ولف بيها وهو بيقولها بحب
وانا اوعدك اني هكونلك زوج واخ وصاحب واعوضك عن كل حاجة
ابتسمت ملك بخجل ويامن بيلف بيها
عارفة ومتأكدة يا يامن لانك اجمل عوض ربنا كرمني بيه
تمت
بقلمي اسراء ابراهيم