الشريدة فاطيما يوسف

مع بعض حياه طبيعيه واعتبرنا في فتره الحمل دي مخطوبين لحد ماولد بالسلامه
ارجوك سامحني واديني فرصه نعيش مع بعض وهثبت لك ساعتها ان انت بقيت كل حياتي كفايه ان انت انتشلتني من الضياع
نادر كان مبسوط جدا بكلامها لانه بيحبها وبيعشقها حتى من قبل ما اخوه ما يخطبها 
لكن هو فضل سعاده اخوه على نفسه والظروف الحلوه اللي من حظ ونصيبه اللي خلت اخوه يهرب وبقت ما هي من نصيبه لكن نفسه صعبت عليه جدا من اللي حصل منها بس عذرها لانها كانت بتحبه وكان خلاص يوم فرحهم اللي الغبي اخوه دمرها فيه وسابها فقال لها وهو يمسك ايديها الاثنين وبيبوسهم 
_بجد يا هبه انا مستعد ابدا معاكي من جديد بس تخلصي لي وقلبك ينسى الماضي والامه وصدقيني مش هتلاقي حد يحبك في الدنيا دي قدي ولا يسعدك ويتمنى لك الرضا قدي .
اتجاوبت معاه هبه ڠصب عنها وبقيت تتعامل معايا بحنيه وفضلت على الحال ده اكتر من عشر ايام لحد ما اثبتت له فعلا انها خلاص هتتعامل طبيعي زيها زي اي زوجه ما عدا العلاقه الزوجيه اللي طبعا ما تنفعش مع الحمل 
وده اللي مخلي هبه مطمنه ان عمره ما هيجي ناحيتها 
وفي يوم قال لها نادر ان هو مسافر شغل وهيجي على بكره بالليل وودعته وداع الزوجه اللي جوزها هيسيبها ويسافر ويبعد عنها ساعات طويله وانها ما بقتش تقدر تستغنى عن وجوده معاها وهو طبعا اقتنع
واول ما سافر خرجت هبه وراحت على والدتها اللي ما سالتش فيها من ساعه ما اتجوزت بقى لها شهرين واول ما شافتها قالت لها 
_كده يا امي تسيبيني وما تساليش عليا الايام دي كلها
كده تعملي في بنت بطنك كده 
والام هي الام يا ساده اخذتها في حضنها والدموع نزلت على وشها مهما كان دي بنتها 
فطلبت منها هبه 
_ممكن يا ماما تيجي معايا مشوار مهم ما اقدرش اروحه من غيرك .
ما تسالينيش هنروح فين بس بالله عليك ما تستاذنيش من بابا انا محتاجاك معايا ضروري يا امي .
ما قدرتش امها ترفض طلبها ولا تقف جنبها في اللي هي عايزاه منها رغم زعل قلبها الكبير منها
واول ما نزلوا عربيه اوبر كانت مستنياهم فقالت هبه لمامتها 
_انا من ساعه ما عرفت ان انا حامل وانا مطمنتش على البيبي اللي في بطني ممكن توديني للدكتور او دكتوره تختاريهم انت علشان خاطر اشوف انا فين في الحمل .
طبعا امها انزعجت جدا لما افتكرت وجابت سيره الحمل لكن ما قدرتش انها تعترض واخذتها وراحت عند دكتور النسا اللي هي بتتعامل معاه ووصلوا العياده ودخلت في دورها وحكت للدكتور عن حملها مدته ووديها الدكتور عند الاشاعه واول ما بدا يكشف عليها استغرب جدا من اللي شافه الاشاعه وبدا يدور يمين وشمال وقال لها باستغراب 
_مين اللي قال لك انك حامل ومن بقالك شهرين او ثلاث شهور كمان انا اللي انا شايفه قدامي ما فيش حمل نهائي .
هبه فرحت جدا من الكلام اللي سمعته من الدكتور واحساسها عمره ما كدب عليها 
فسالها الدكتور 
_طب ازاي ما اكتشفتيش ان انت
مش حامل البريود ما نزلتلكيش طول الثلاث شهور دول 
فركت هبه اديها بتوتر وقالت له
_انا للاسف يا دكتور من وانا بنت وهي كانت بتاخرني جدا ممكن تقعد بالشهرين والثلاثه ما تنزليش وكشفت كثير لكن قالوا لي اني لما اتجوز هبقى طبيعيه جدا فده اللي خلاني ما اشكش .
وطبعا الدكتور شاور لها براسه بالموافقه لان حالات كثير جات