الشريدة فاطيما يوسف

هدخل استريح علشان تعبانه ومش قادره اشوف قدامي .
شدها من ذراعها وقال لها 
_كلام ايه اللي انت بتقوليه ده يا برنسيسه في واحده تقول لجوزها يوم فرحهم انا تعبانه وهدخل انام شكلك اټجننت في دماغك ولا انت من صډمه خطيبك اللي خلع وسابك يوم فرحك مخليه دماغك اتحولت .
شدت ذراعها پعنف وقالت له 
_لتكون مفكر ان جوازنا ده حقيقي وان انت بقى هتبقى جوزي وانا مراتك وليك حقوق عليا لا انسى انا ما فيش حد هيلمسني غير ساهر وانا امانه عندك لحد ما اعرف هو راح فين او اشوف جرى له ايه لان انا واثقه ومتاكده ان عمره ما يعمل معايا اللي حصل ده بارادته وان في حاجه قويه منعته ان هو يحضر ليله عمرنا .
ما تحملش كلامها اللي بتقوله هو شايف انها مراته مهما كانت الظروف المحاطه ومهما كانت من ساعات كانت هتبقى مرات اخوه لكن هي على اسمه دلوقتي فقال لها پغضب شديد 
_شوفي بقى من الساعه دي مش عايز اسمع سيرته تيجي على لسانك تاني ما ينفعش يا هانم يا محترمه يا بنت الناس الاصول انك تكوني متجوزه واحد ولسانك ينطق اسم واحد ثاني ايا كان مين من النهارده انت بقيتي مراتي وعلى اسمي يبقى تفوقي كده وتحترمي نفسك وتشوفي طلبات جوزك ايه .
برقت عينيها في صډمه من كلامه مش مصدقه انها بقت في كابوس وان ليله عمرها اتبدلت لچحيم هتعيش فيه وقالت له بنفس الڠضب
_كلام ايه اللي انت بتقوله ده انت شكلك اټجننت ودماغك هربت منك انا لا يمكن هكون لحد غير ساهر ولا هستسلم واسلم نفسي لحد غير حبيبي وخطيبي اللي كان هيبقى جوزي النهارده بس القدر منعنا ان احنا نفرح .
قعد يفوق فيها ما اعرفش فاتصل بباباها ومامتها يجوا وحكى لهم على اللي حصل بسرعه جدا وطلب دكتور علشان خاطر يفوقها 
الدكتور فوقها وبعد ما كشف عليها بص لهم وقال لهم كلمتين خلاهم ما بقوش قادرين يقفوا على رجليهم من الصدمه اللي سمعوها 
_انتم مالكم قلقانين كده ليه يا جماعه اللي هي فيه ده طبيعي جدا اي واحده حامل فشهورها الاولى بتقع وبيغمى عليها كثير عايزكم ما تتخضوش كده علشان خاطر تقوها لان حملها هيبقى صعب جدا.
هم سمعوا كلام الدكتور من هنا والصدمه نزلت على وشوشهم كان حد ضربهم ضربه جديده خليهم فقدوا وعيهم وما بقوش مستوعبين اللي الدكتور قالوا لهم وبعد ما الدكتور ما مشي بص لهم نادر باستغراب 
_الست هانم حامل وانا لبست الليله كلها وشلت شيله مش شيلتي
لا وكمان كانت بتبجح فيا وعينها قويه ولا كانها الست الشريفه العفيفه اللي ما كانتش عايزه حد يلمسها وانها الوفيه لخطيبها اللي اختفى ما نعرفش هو راح فين اتاريها عامله بلوه ومصېبه وانا اللي لبستها في الاخر .
ابوها وامها كانهم فقدوا النطق من سائل الدكتور ما قال لهم كده وراح عليها ابوها بعد ما فاقت وقال لها 
_الكلام اللي الدكتور قاله ده ازاي حصل يا حقيره يا زباله يا سافله 
كنت بتستغفلينا انت والبيه اللي كان خاطبك وعايشه حياتك ولا على بالك 
ازاي قدرتي تعملي كده
ازاي جالك الجرأة تخدعينا انت والواطي اللي سابك وهرب يوم فرحكم 
ما هو عايز ايه تاني ما اخذ اللي هو عايزه منك وما استكفاش بكده كمان
ده هرب وفضحك وكمان في الاخر تطاولي على اللي سترك بعد البلاوي اللي احنا اكتشفناها دي كلها 
ونزل عليها ضړب شديد والدتها ما قدرتش تمنع