ابن ليل الجزء الثالث لأميرة أسامة

اتفقت مع احمد ومحمد اننا هنروح قبلهم يعني اول ما يطلعوا يجهزوا نكون احنا خلصنا ونزلنا عشان نسبقهم وهيما ميشوفناش واحنا ماشيين
دانه...طيب تمام سماح هتيجي معانا صح
حسن.....اه هنركبوا مع بعض كلنا ونسبقهم والمهم عشان خاطر ربنا امسكي لسانك واوعي تغلطي قدام هيما انا عارفك
دانه....هنشوفه فين انت كمان يعني هروح اقوله احنا بليل عاملنلك مفجأه
حسن....انا بنأكد عليكي بس وبنلحقك
دارين....بضحك اطمن هنفضل ماسكينها لحد ما نروح بليل مع بعض
حسن.....بضحك الموضوع ده بقي مسؤوليتكم
ديما....عاجبك كده بقيتي مشهوره
دانه......والله انتوا ظالمني 
دارين....اوي يلا اركبي يا ڤضيحه هنتأخر 
دانه.....باي يا حسن
حسن....باي يا بنات خدوا بالكم من بعض 
ديما....باي
كرم كان واقف متابعهم ومستني دره تنزل وراهم لكن منزلتش اتصل عليها بهدوء يشوفها فين لقي موبايلها مشغول
...................
عند دره.
دره....هاي چاك
چاك....هاي دره
دره....خير چاك
چاك....خير دره اطمني اقدر اقولك ان انهارده اول يوم في طلب جميع حقوقك
دره.....انت قدمت الورق
چاك.....ايوه امبارح والوقت اتاخر مقدرتش أبلغك
دره....طيب حصل ايه
چاك....لسه ده كان مجرد تقديم ورق يثبت ان كل اللي تم من يوسف كان بغير علمك
دره.....طيب يوسف وصله خبر
چاك....المفروض انه هيوصله حاولوا يتواصلوا معاه المستشار القانوني الخاص بيه قال انه خارج البلد من يومين
دره....خارج البلد مسافر يعني بره امريكا ولا في ولايه تانيه
چاك....لا بره امريكا و قال انه هيرجع خلال يومين
دره....طيب وبلغوا المستشار القانوني بسبب الاتصال
چاك....لا لكن أكدوا عليه ان يوسف لازم يكون موجود في اقرب وقت
سكتت دره شويه وكان باين عليها التوتر
چاك....مالك دره
دره.....متوتره چاك جدا
چاك.....قلقانه انه يعرف ولا ندمانه علي الخطوه دي
دره....لا چاك مش ندمانه بالعكس انا راضيه جدا عن الخطوه دي. كمان مش متوتره انه يعرف بالعكس كنت اتمني اشوف رد فعله لما يعرف اني حابه اقف قدامه وارجع حقه بس هو مجرد توتر مش اكتر يمكن قلقانه البنات رد فعلها يكون ضدي ويمكن قلقانه من رد فعله هو ودينا مش عارفه ممكن يعملوا ايه خاېفه چاك مش مطمنه
چاك....دره أسمعيني انا معاكي وهفضل جنبك متقلقيش مستحيل أسيب يوسف او دينا ېأذوكي انتي والبنات ولاخر يوم في حياتي هعمل كل حاجه تحميكي من شرهم
دره....بابتسامه هاديه عارفه چاك ومطمنه عشان انت
جنبي ويمكن لو مكنتش معايا كنت مستحيل اخد الخطوه دي لوحدي
چاك....بأبتسامه ثقي فيا دره حقك هيرجع وحياتك هتكون افضل
دره.....واثقه فيك چاك
چاك.....اوك دره هسيبك واكيد هرجع اكلمك لو حصل أي جديد
دره....مستنياك چاك.
چاك....باي دره
دره....باي چاك.
قفل معاها چاك وابتسم بحزن
چاك....لنفسه أطمني دره مستحيل حد يقدر يأذيكي طول ما انا عايش بحبك دره
ومن ضمن المشاعر اللي مقدرتش دره تحس بيها هي مشاعر چاك اللي عشقها وحبها من اول يوم أشتغل معاها فيه 
وكان ديما ليها الملاك الحارس من غير ما تحس 
...................
نزلت دره عدت علي نبيله وسلمت عليها هي
ودعاء وبعدين نزلت علي تحت .
زكريا ورفاعي كانوا قاعدين بيلعبوا طاوله و كرم وعبدالله وبكر كانوا واقفين مع بعض يتكلموا في وسط الشارع قدام المحلين .
قربت دره من زكريا ورفاعي بأبتسامه
دره....صباح الفل
زكريا....صباح الهنا
رفاعي....اهلا بالدكتوره صباح الفل
دره....بأبتسامه شوفت بقي مين اللي متمسك بالألقاب عشان متبقاش تزعل لما اقولك يا معلم
رفاعي....يابت وانا في ديك الساعه لما أقول لبنتي يا دكتوره
دره...بابتسامه ايوه اضحك عليا بكلمتين
رفاعي....وانا نقدر نضحك عليكي بردو ده انتي حبيبتي
دره....يا حبيبي ربنا يخليك ليا
زكريا....ايه اللي أخرك منزلتيش ليه مع البنات
دره....كان في حجات للشغل بخلصها قولتلهم ينزلوا عشان ميتأخروش
زكريا ...ماشي يا حبيبتي
دره....يلا همشي انا بقي مش عايزين مني حاجه
زكريا....سلامتك
رفاعي....عايزينك طيبه
دره....قربت من رفاعي وضحكت بنقولك ايه براحه علي زيكو في الطاوله مش هنبقي انا وانت 
ضحك رفاعي وبصلها زكريا وهو رافع حاجبه
زكريا....بقي كده يا دره طب ايه رأيك بقي اني غالبه أول عشره
رفاعي.....العبره بالنهايه يا زيكو
دره....
زكريا...بضحك اضحكوا اضحكوا بقيت زيكو علي اخر الزمن يلا امشي
دره....بااااي
لوبصت علي كرم بنص عين وقبل ما تروح علي العربيه شاورلها عبدالله
دره... لنفسها اثبتي اثبتي يا دره 
عبدالله....صباح الفل
دره....صباح الخير عليكم جميعا
عبدالله....ماشيه كده من غير سلام
دره....ااا لا والله بس سيبتكم تتكلموا
كانت بترد عليه دره من غير ما تبص لكرم
عبدالله.....منزلتيش ليه مع البنات انا قولت مش هتروحي
دره....لا كان معايا مكالمه مهمه ونزلوا هما عشان ميتأخروش
وقيل ما عبدالله يسألها مكالمه ايه بصت لبكر
دره.....مها عامله ايه انهارده يا بكر
بكر....بابتسامه احسن الحمد لله كتير عن الاول.
دره.....الحمد لله بس لازم تكمل العلاج للاخر حتي لو أتحسنت
بكر....لا والنبي ابقي قوليلها انتي الكلمتين دول بنفسك انتي عارفه مها بمجرد ما تخف بتسيب العلاج
عبدالله....بضحك ملاقتش غير دره وتقولها تكلمها ما اسخن من ستي إلا سيدي هي كمان طول عمرها كده اول ما تخف تسيب العلاج
رفعت دره عينها بهدوء وهما بيتكلموا وبصت لكرم اللي خياله باين انه مركز معاها
واول ما بصت عليه لقيته مبتسم 
دره....بصتله وبسرعه ورجعت شعرها وراء ودنها وابتسمت ورجعت بصتله تاني وهي بتستحلفله
بكر....هو العلاج انا عارف بس لازم يتاخد لانه كورس علي بعضه ولا ايه يا دكتوره 
بص عبدالله علي دره لقاها باصه علي كرم بطرف عينها ووشها احمر
وبص بكر علي كرم لقاه هو كمان مبتسم ورافع حاجبه وباصص عليها
دره....ااا اه طبعا عموما متقلقش انا هقولها ومعلش هستأذن بقي عشان هتأخر
من كتر توترها وقع منها المفاتيح 
غمض كرم عينه وابتسم عرف ان دره كده خلاص جابت اخرها وثواني وهتفضح الدنيا.
عبدالله....امسكي مفتاحك 
دره...ااا ماشي هروح انا بقي عشان هناك
عبدالله....بإستغراب رفع حاجبه هو ايه ده اللي هناك
أبتسم بكر وحط ايده علي وشه 
دره....سلام سلام يا عبدالله
جريت دره علي عربيتها دورت العربيه وبصت عليه تاني وهي بتستحلفله
ضحك كرم في صمت وكررها تاني
خرجت دره بسرعه من الشارع وطارت
دره....ماشي يا كرم والله ما هعديهالك انا تعمل فيا كده
.....................
يمكن نقدر نخبي حقايق ونقدر
نخبي كلام وحكايتات ونقدر نخبي قرارات
لكن مستحيل نعرف نخبي مشاعرنا 
وده اللي حصل مع دره وكرم قرروا انه يستنوا وميقولوش اي حاجه لكن مشاعرهم الجديده كانت وخاصتا لعبدالله اللي اتاكد من كلامه اللي قاله لدعاء وبلبله ان في حاجه جديده بتحصل بينهم.
وحتي بكر بدأ يشك اكتر خاصتا بعد موقف معرفه دره بتعب مها لكن الاتنين اكتفوا بالمشاهده من بعيد لحد ما يتأكدوا من شكهم.
.......
بعد حوالي عشر دقايق رن موبايل كرم
ردت عليه دره وسكتت كانت متغاظه منه ورافعه حاجبها.
كرم....بضحك حاول يكتمه الووو
دره.... صمت ورفعه حاجب
كرم....بضحك طب قولي الو طيب
دره....عايز ايه يا كرم
كرم...الله ايه الډخله دي بس
دره....اللهم طولك يا روح بنقولك عايز ايه
كرم.....يابت عيب انا بنشحتوا منك
دره....بص انا مش طيقاك فا اقفل بدل ما نتعصبوا وترجع تزعل
كرم.....تتعصبي عليا يا دره 
دره ....اووووف
كرم....بضحك طب ممكن نعرفوا ايه اللي معصبك كده
دره.....يا كرم انت بتهرج والله يعني مش عارف خلتني في وسط الكلام وقفت مصدومه زي الهبله ومش عارفه ننطق
كرم....طب انا مالي انتي اللي معندكيش سرعه بديهه المرفوض تاخدي
دره....بتهزر صح 
كرم....بضحك طب نعملوا ايه بس
دره....انت عارف ان بكر. وعبدالله هياخدوا بالهم
كرم....ايووووه طب ده انا بنتمني الكل ياخد باله 
دره.....بأبتسامه انت مستفز علي فكره
كرم....ياشبر ونص انتي تطولي من كرم الرفاعي
دره....ماشي يا سي كرم بس لما نتجرسوا انا وانت متبقاش تزعل
كرم....انا عن نفسي مش هنزعلوا وهتبقي احلي جرسه
دره....بضحك يا بني ادم انت كميه الاستفزاز اللي بقت فيك دي
كرم....طيب بتضحكي ليه طيب
دره.....عشان عامل فيها برئ ومعملتش حاجه
كرم....طب ما انا فعلا معملتش حاجه امال لو كنت عملت 
دره....امشي يا كرم امشي بدل ما نسمعك ربع 
كرم....انتي يا عقله الاصبع تسمعيني انا ربع وبعدين تعالي هنا
دره....نيجي فين
كرم....مين فينا بقي اللي بيهرج
دره....بضحك طب خلاص قول
كرم....لما منزلتيش مع البنات كلمناكي وكنتي مشغوله كنتي بتكلمي مين
دره.....أشمعني
كرم ...لا بنقولك ايه لما نسألك تردي عشان منزعلكيش
دره....بابتسامه الله بنسأل اشمعني هو السؤال حرام وبعدين انت مالك
كرم.....انا ايه 
دره....بضحك انت مالك هو انت لما بتكلم حد انا بندخل
كرم.....كنتي بتكلمي مين يا دره
دره.....انت مصمم بقي
كرم.....مش هتقولي يعني طيب تمام
دره.....بضحك انت
مالك شكلك بتستحلفلي كده ليه
كرم...لا و هنستحلفولك ليه هزري براحتك
دره....طب خلاص هنقولك
كرم....لا مش عايز نعرف
دره....طب عيني في عينك كده ده الفضول هيقتلك
كرم...يلا يا دره اقفلي ورايا شغل
دره....بضحك استني بس خلاص هنقولك كنت بنكلم چاك
كرم....أشمعني
دره.....لاقيته باعتلي رساله بيقولي هيكلمني بعد عشر دقايق فا استنيت ونزلت البنات ولما كلمني كان بيعرفني انه قدم الورق واتصلوا بيوسف عشان يجي بس عرفوا من المستشار القانوني بتاعه انه بره البلد
كرم.....بره فين يعني بره امريكا
دره...ايوه بس مقالش فين قال بس انه هيجي بعد يومين
كرم....اممم نفهم من كده انك بدأتي
دره...ما انا قولتلك اني طلبت من چاك
كرم....طيب تمام خير ان شاء الله
دره....يارب المهم هتعمل ايه الوقت
كرم.....ولا حاجه هنشوفوا الشغل وهنستناكي تخلصي
دره.....خلاص ياحبيبي اول ما نخلص هنقولك
كرم....ماشي يا عمري خلي بالك من نفسك
دره....تمام يا حبيبي يلا باي
كرم....باي
.....................
عدي كام ساعه البنات رجعوا وطلعوا علي فوق عشان يبدأوا يجهزوا هيما مكانش عارف اي حاجه ولا كان فاكر حتي انه عيد ميلاده لان مفيش حد فكره ولا قاله كل سنه وانت طيب.
..............
في شقه سونه.
من وقت كلامها اللي حصل مع كرم اخر مره وهي ساكته وباين عليها الحزن الطاقه والحركه بتوعها اختفوا تماما طول الوقت لا قاعده في اوضتها ونايمه علي السرير لا فاتحه التلفزيون وسرحانه ومش باصه عليه.
سماح كانت مستغربه الحاله اللي
هي فيها معرفتش اللي حصل بينها وبين كرم بس كانت عارفه انها مضايقه من بعد ما قالتلها ان كرم راح وراء دره وفضل معاها كانت صعبانه عليها ومش عارفه تعملها ايه لكن في نفس الوقت عايزاها تواجه ۏجعها عشان تفوق لنفسها.
لبست سماح فستان اسود اسود عملت ميكب وظبطت شعرها كان شكلها جميل حطت شنطه سوده فيها لون فضي خرجت لسونه تاخد رأيها في شكلها النهائي.
سماح....سونه سونه
سونه....ايوه
سماح ...ايه رأيك طالعه حلوه
سونه....بابتسامه بسيطه اه زي القمر
سماح....بحب بجد ولا بتجامليني
سونه....وهنجاملوكي ليه بس والله زي القمر
سماح.....طبعا مش طلعالك
سونه....لا انتي احلي
سماح....بحب راحت قعدت جنبها ومسكت ايدها هتفضلي زعلانه كده كتير
سونه......ونزعل ليه بس ما انا زي الفل اهو
سماح....عليا انا يا سونه يعني انا منعرفكيش
سونه....يابت انا كويسه صدقيني
سماح....لا مش مصدقاكي من يوم ما عرفتي ان كرم راح وراء دره وانتي حالك متشقلب بقي هي دي سونه اللي مش بتبطل كلام ولا ضحك ولا مرازيه في خلق الله هي دي سونه اللي وشها كان ديما مبتسم و واخده بالها من روحها ده انتي بقالك يومين حابسه روحك في اوضتك او قاعده وساكته
سونه....عيزاني نعملوا ايه 
سماح....ولا حاجه عيزاكي بس ترجعي زي الاول عيزاكي تحطي وراء ضهرك وتكملي طريقك زي ما انا اتعودت نشوفك عايزه اشوف سونه القويه الجامده مش الضعيفه الحزينه ياما كرم مش اخر راجل في الدنيا
سونه.....ڠصب عني يا بت وبالنسبالي كرم هو فعلا اخر راجل في الدنيا
سماح....عشان مفكرتيش تدخلي