ابن ليل الجزء الثالث لأميرة أسامة

نطلع من الجامعه ونروح نشتري الهدايا.
دارين....تمام.
اتصلت دارين علي دره.
دره....الووو
دارين....ايوه يا مامي عامله ايه
دره....بخير يا روحي انتي واخواتك عاملين ايه وروحتوا ولا لسه
دارين ...بخير الحمدلله اه وصلنا من شويه.
دره....طيب الحمد لله
دارين....حضرتك فاضيه ولا مشغوله
دره....لا فاضيه لسه مخلصه العمليه التانيه وبرتاح شويه في الاوضه في حاجه ولا ايه
دارين....بإحراج ااا بصراحه في
دره....خير قولي يا دارين
دارين....خير يا مامي كنت بس عايزه اعرف يعني فاكره الفلوس اللي جدو ادهالنا وقولنا لحضرتك تشيلها معاكي
دره....اه يا روحي محتاجنيها
دارين....بصراحه ايوه يعني لو حضرتك مش محتجاهم
دره....مش محتجاهم طبعا وبعدين انا قولتلكم عايزه اخدكم في يوم واعملكم حساب في البنك لكل واحده عشان لو احتاجتوا فلوس تقدروا تسحبوا في اي وقت المهم اسحبهم كلهم ولا عايزين مبلغ معين وعرفيني اصلا عايزين ايه
دارين....بصراحه يعني حسن قال ان عيد ميلاد هيما بعد بكره وهما عاملينله عبد ميلاده مفجأه من غير ما يعرف هيكون في مكان وكده حتي سماح هاتيجي فا كنا حابين نروح معاهم لو موافقه طبعا وكمان عايزين نجيبله هديه.
دره.....موافقه طبعا يا حبيبتي ادام حسن كمام معاكم روحوا وحاضر هسحبلكم الفلوس وانا جايه.
دارين....لو مش هتلحقي النهارده ممكن بكره ونبقي نعدي ناخدهم منك عشان كنا هنروح نشتري الهديه بكره
دره....لا هسحبهم انهارده عشان متفضلوش رايحين جايين وبكره عندي شغل كتير ممكن اتأخر لاني خلصت شغل وعمليات وممكن اروح بدري شويه انهارده فا خليني اسحبهم انهارده افضل.
دارين....ماشي يا مامي شكرا
دره... العفو يا روحي يلا هقفل معاكي. الوقت
دارين....تمام يا مامي باي 
دره....باي يا روحي.
قفلت دارين وبصت لاخواتها وهي مبسوطه
دارين.....ييييس وافقت وكمان هتسحب الفلوس 
دانه....هو ده
ديما.....طيب تعالوا نشوف ممكن نلبس ايه يومها.
قامت دره تكمل شغلها وبعد حوالي ساعه الجو هدي ومكانش في شغل وراها تاني بدأت تجهز نفسها عشان تمشي بصت في الساعه كانت عشره إلا ربع خرجت من المستشفي وقررت تروح تسحب فلوس قبل ما ترجع علي البيت.
في الوقت نفسه كرم وبكر كانوا لسه يادوب مخلصين ومستنين العمال ينضفوا المحلات قفلوا المحل وطلع قبلهم هيما والشباب.
كرم....بنقولك ايه هنختفي شويه وهنرجعوا علي طول
بكر....بضحك ايه رايح تشوف سونه
كرم...عدي ليلتك معايا انا
مش ناقصين
بكر....طب طنشها لو مش عايز تروح.
كرم ...ياجدع نطنشوا مين دي متصله بيا فوق العشرين مره مبتفصلش ومهما نكنسلوا مفيش فايده اتصلت قولتلها تيجي عشان نخلصوا ونعرف هي عايزه ايه بدل ما تتجنن بت المخبوله ونلاقيها واقفه بتخبط
عليا
بكر....بضحك طب روحلها بسرعه يمكن عندها مشكله وعيزاك تحلهلها
كرم.....بأبتسامه صدقني يا بكر انا لو مش متأخر و عايز نروح لسونه ونعرفوا هي عايزه ايه كان زماني مكسر عضمك الوقت
بكر....لا وعلي ايه انا سكت خلاص متتأخرش عشان ناكلوا
كرم....لا كلوا انتوا متستنوش قولهم كرم راح مشوار وجاي
بكر....اه واضح ان السهره ممكن تبقي صباحي أيوه يا عم
كرم.....اطلع يا بكر واتقي شړي مش عايز نيتم عيالك و نرملوا أختي دمااااااغنا
بكر....لا و علي ايه العمر مش بعزقه يوم ما اموت اموت بسبب سونه سلام
كرم...سلام يا اخويا
بكر....ابقي احكيلي هاااا
كرم....ضحك وهز راسه أبو اللي رباك يا شيخ.
دره كانت عارفه مكان مكنه بتسحب منها قريبه من البيت جنب سوبر ماركت كبير وصلت قدامها ركنت العربيه بتاعتها علي الكورنيش ونزلت عدت الشارع سحبت الفلوس اللي عيزاها ودخلت علي السوبر ماركت تشتري حجات.
وصلت سونه في الوقت ده و وقفت قدام البحر وهي مربعه ايدها و بتبص علي البحر
وصل كرم وقرب منها والسېجاره في ايده .
كرم.....ايه يا سونه خير
بصت سونه وراها عليه
سونه....ايه عشان نوصلولك نعملوا ايه مش فاهمه 
كرم....قولتلك لما نخلصوا شغل هنكلمك من الصبح مش مبطله زن قولت في مصېبه 
سونه....مش مبطله زن عشان كل ما نكلمك تكنسل
كرم....قولت عندي شغل مش هنفضلوا كل شويه نرد ونسيبوا شغلنا المهم عايزه ايه
بص كرم علي العربيه بتركيز ورفع حاجبه سونه كانت بتتكلم وهو بيحاول يعرف دي عربيتها ولا شبهها سأل نفسه دي عربيه دره
سونه.....عايزه نعرف روحت وراء دره ليه يا كرم
بصلها كرم وهو لسه مش عارف ايه حوار العربيه وانتي مالك يا سونه ايه هتحاسبيني
سونه....مش هنحاسبك يا كرم بس عايزه نعرف
كرم....بيتهيألي بنتك حكيتلك واكيد انتي مش هتسبيها غير لما تديلك التقرير
سونه....مسيبتهاش يا كرم و أدتني التقرير بس عايزه نسمع منك
كرم.....معنديش حاجه نقولها يا سونه غير أني مكانش ينفع نشوف اللي حصل ومنروحش وراها.
سونه....ليه ليه يا كرم لسه بتحبها لسه مستني منها ريق حلو بعد كل ده
كرم...خدي بالك من كلامك يا سونه
سونه.....افهمني يا كرم انا من امبارح وانا ومش طايقه روحي ڠصب عني بنغير عليك
كرم....سونه احنا انكلمنا في الموضوع ده كتير
سونه....صح واخر مره اتكلمنا فيها يا كرم اتفقنا انك تديلي فرصه صح انت وعدتني يا كرم انك تجرب
كرم....سونه انا موعدتكيش بأي حاجه ويومها انا سكت عشان الحاله اللي كنت فيها
سونه....لا وعدتني يا كرم وسكوتك اداني أمل عايز تخلي بيا يا كرم ده انا بحبك ومش عايزه حاجه في الدنيا غير اني ابقي معاك
كرم...يا سونه بالله عليكي افهمي ومتصعبيش الدنيا عليا
سونه...بالعكس انا بنسهلها بنقولك جرب هتخسر ايه
كرم....انتي اللي هتخسري يا سونه انا قلبي عليكي عشان مفيش حد هيتوجع غيرك يا سونه انا صريح معاكي من زمان وعمري ما وعدتك بحاجه لاني مش هبقي قد الوعد ده وانا في حياتي عمري ما وعدت حد بأي حاجه غير لما عملتها وكنت راجل في كلمتي مينفعش اجي الوقت و أوعدك و منقدرش
سونه....انت شايف كده عشان بس مجربتش جرب يا كرم وسيب الدنيا تمشي زي ما هي عايزه.
في الوقت ده لمحت سونه دره بتعدي وجايه ناحيتهم بسرعه كيد الحريم أشتغل.
كرم....وأفرضي وافقتك يا سونه ومقدرتش وقتها هتبقي مبسوطه صدقيني يا سونه انا مش هقدر
سونه....مسكت ايده بسرعه وهي باصه بطرف عينها علي دره وابتسمت لكرم بحب. هبقي مبسوطه يا كرم حتي لو مقدرتش كفايه ان هيكونلي معاك زكريات حلوه اعيش عليها
بص كرم علي ايدها اللي مسكت في ايده اتنهدت بنفاذ صبر وقبل ما يسحب ايده ويرد عليها سمع صوت اللوم بيفتح العربيه بص بسرعه لمح دره ماده ايدها بالريموت علي العربيه وباين عليها الصدمه.
حقيقي دره اټصدمت وعينها كانت علي ايدهم وعلي وقفتهم متوقعتش ابدا انها تعدي وتشوف كرم جنب عربيتها وكمان واقف قريب من سونه وأيده في ايدها
لكن بسرعه رجعت لقوتها وثابتها وابتسمت.
كرم....دره!! سحب ايده من سونه
سونه....بابتسامه ايه ده ازيك يا دكتوره.
دره...بابتسامه هاديه عكس اللي جواها فتحت شنطه الباب الخلفي سابت من ايدها الاكياس الحمد لله يا سونه انتي اخبارك ايه
سونه.....بخير الحمد لله اخبار ايدك ايه.
دره.....احسن الحمد لله ازيك يا كرم اخبارك ايه.
كرم كان باصصلها بترقب جوه عينها ومال براسه الحمد
لله يا دره انتي عامله ايه .
دره....بأبتسامه بخير الحمد لله.
سونه....انتي مروحه ولا ايه
دره.....أيوه لو تحبوا أوصلكم أتفضلوا
قبل ما كرم يوافق ردت سونه بسرعه
سونه....بأبتسامه منتحرمش يا دكتوره بس احنا لسه واقفين شويه مع بعض روحي انتي عشان الوقت اتأخر
بص كرم پغضب بسيط لسونه ورجع بص بسرعه لدره وعشان هو اكتر حد فاهمها كان عارف ان الابتسامه والهدوء اللي هي رسماهم مش حقيقين عارف انها غيرانه
واكيد اتوجعت وعشان هما متفقين محدش يعرف حاجه فا كان طبييعي ميقدرش بتكلم معاها او يبررلها قدام سونه بالذات.
دره.....طيب زي ما تحبوا يومكم جميل سلام يا سونه.
سونه.....سلام يا دكتوره
دره....سلام يا كرم
كرم....مقدرش كرم يتحمل نظرتها ولا قدر يشوف اغلي حاجه عنده مضايقه او موجوعه بص لسونه لحظه يا سونه راجع
لف بسرعه وراحلها دره لحظه
كانت ركبت وقف قدام الشباك رفعت دره عينها بهدوء وبصتله
كرم.....متروحيش يا دره اقفي في المكان بتاعنا وهنجيلك عشان نفهمك
دره....معلش يا كرم انا مستعجله ومتأخره علي البنات
كرم ...ده بنقولك جاي وراكي مش هنأخرك عايز بس نوضلحلك سوء التفاهم ده.
دره....ببرود عكس اللي جواها ابتسمت سوء تفاهم مش فاهمه هو حصل ايه مفيش أي حاجه يا كرم محتاجه انك تفهمهالي ويلا روح عشان متتأخرش علي سونه
كرم....يادره
دره....بابتسامه سلام يا كرم
دورت دره العربيه رفع كرم ضهره وفضل باصص عليها
بصت دره لسونه وابتسمت باي يا سونه
سونه....سلام.
طلعت بسرعه من غير ما تبص عليه كان نفسها تولع فيه وفي سونه وفي نفسها بس مسكت نفسها للاخر
بص كرم پغضب علي سونه حاول يمسك نفسه علي قد ما يقدر عشان متلاحظش اي حاجه.
سونه....بأبتسامه كنا بنقولوا ايه يا كرم
كرم ....بنفاذ صبر سونه اسمعيني كويس عشان نقفلوا الموضوع ده خالص اللي انتي عيزاه مستحيل تلاقيه عندي انا مش هنقدر يا سونه مش هنقدر افهمي انا بقالي عشرين سنه لوحدي انا لا بتاع جواز ولا حب.
و لا حتي بنعشم اي ست بحاجه مش هنقدر نعملوها وانتي مش اي ست يا سونه انتي غاليه عندي بنعزك وبنعتبرك من الناس القريبين علي قلبي مش عايز نخسرك ولا عايز نزعلك اكتر من كده الكلام اللي بقالي عشرين سنه بنقولهولك مش سهل عليا صدقيني مش سهل نقف كل شويه نقولك كلام يوجعك يا سونه انتي تستاهلي تتحبي بجد من حد يقدر قيمه الحب اللي جواكي ده مش من واحد يضحك عليكي او واحد قلبه مش ملكه.
سونه....بۏجع بصتله وهي دموعها بتجري وانت قلبك ملك دره يا كرم مش كده 
طب لما انت بتحبها اوي كده ما بتروحش تقولها ليه يا كرم كرامتك ۏجعاك ولا خاېف تفضل رافضه زي زمان روح يا كرم وقولها سيبك من كرامتك اللي هتضيع عمرك ولو رفضت مش هتبقي خسړت حاجه علي الاقل يمكن تقدر توقف قلبك عن حبها وتبص للي بيحبوك مش للي انت بتحبهم.
كرم.....الموضوع لا ليه علاقه بكرامه ولا ليه علاقه برفضها في حجات جوانا مينفعش تتغير يا سونه وقبل ما تنصحيني انصحي روحك قدرتي توقفي حبك لما قولتهالك اكتر من مره اني مش بنشوفك غير اخت مقدرتيش يا سونه ولحد اللحظه اللي واقفين فيها انتي بتحاولي ومع ذلك رفضتي ناس حبوكي من قلبهم ومكملتيش مع رجاله اتجوزتيهم وكانوا رجاله جدعان ومقدرتيش تقولي لروحك اللي بتقوليه ليا الوقت انك تكملي مع اللي بيحبوكي وسيبك من اللي مش بيحبك.
متنصحنيش بحاجه يا سونه انتي نفسك مش قادره تعمليها
بصت سونه علي البحر وهي دموعها نازله بۏجع هي عارفه انه معاه حق بس ڠصب عنها.
كرم....حبي نفسك يا سونه انتي غيري علي الاقل انتي عندك بنت زي القمر ربنا رزقك بيها عندك حاجه تعيشي بجد عشانها كفايه يا سونه كفايه ۏجع ومحاولات مش هتفيدك بأي حاجه غير انها هتوجعك صدقيني يا سونه هنقولهالك تاني خسارتي ليكي مش سهله وانا مش عايزها مش عايز نخسرك يا سونه عايز نشوف سونه الجدعه اللي بمېت راجل