ابن ليل الجزء الثالث لأميرة أسامة

أبن_ليل
صاحبة_البطل_الواحد
أميره_اسامه
البارت الواحد و العشرين.
في صباح يوم جديد كان يوم ملئ بالاحداث دره نزلت علي شغلها والبنات علي جامعتهم .
اما في الشارع الوضع كان مختلف الشغل كان في ذروته عبدالله وحسن مولعين الدنيا وكرم وبكر والشباب بيردوا عليهم كالعاده الصلح تم لكن لعبه القط والفار لسه مكمله بينهم وطبعا المستفيد من كل ده الناس اللي بتشتري.

كرم بص في ساعته وبعدين راح قرب من بكر
كرم....بكر بنقولك ايه انا لازم نطلعوا نغير ونمشوا
بكر....طيب روح يا صاحبي انا واقف.
كرم....نشوفولك احمد ولا محمد يقفوا معاك الشغل كتير انهارده
بكر....لا لا هما كمان عندهم شغل وبعدين مش مالي عينك ولا ايه انا بعون الله نقدر نقوم بالدكاكين كلها ولا ليك قول تاني
كرم...بإبتسامه قد القول يا صاحبي بس مافتحش صدرك اوي كده بدل ما تقع من طولك 
بكر.....بقي كده طاااايب يا صاحبي دمااااغنا بقي الله يباركلك ساعة شغل ومش ناقصه مرازيه
كرم.....بقت كده ماشي يا ابو العيال
سابه كرم وطلع علي فوق ياخد دش ويغير هدومه.
.............
زكريا كان قاعد بره المحل كالعاده 
بص لرفاعي
زكريا....اليافطه دي شكلها هتقع يا معلم رفاعي
بص رفاعي علي اليافطه وبعدين بصلوا
رفاعي....ربك يسترها انا شيعت للصنايعي يجي يشوفها بدل ما تقع علي حد
زكريا.....ربنا يستر ما تيجي نشربوا القهوه مع بعض
رفاعي....بإبتسامه هنيجي عنيا.
زكريا....ولا يا منكششش
جري منكش عليه
منكش.....نعمين يا سيد المعلمين
زكريا....كرسي وشيشه للمعلم رفاعي وبعدين روح هات القهوه بتاعتنا
وقف منكش ثواني ساكت ومتنح
زكريا....واقف ليه ياولا زي التمثال ما تحري تجيب اللي قولنا عليه
منكش....تاني كده عشان مسمعناش
رفاعي....ركب سماعات ياروح امك
منكش....معلم رفاعي 
رفاعي....في ايه يا ولا انت شارب ايه عالصبح
منكش....المسأله مش مسأله شرب يا معلم
رفاعي...امال مسأله ايه يا ولا
منكش....قرب من رفاعي هنقولك عارف انت يا معلم ساعة العصاري لما الواحد بيتهف في عقله ويغفل شويه ويلاقي روحه بيحلم احلام غريبه
رفاعي....عارفها انا الساعه دي ايه انت نمتها ولا ايه اصل العصر لسه مأذنش
منكش....ماهو لسه مأذنش بس بايني كده انا غفلت شويه في القهوه حتي تلاقيني الوقت بنشوف احلام غريبه
زكريا....بضحك زي ايه ياولا
منكش....ليك في تفسير الاحلام يا معلم
زكريا....امااال قول قول وانا هنفسرلك حلمك
عبدالله وحسن كانوا فاهمين وواقفين ميتين من الضحك ومركزين مع منكش
منكش....بيقولك ايه بقي خير اللهم اجعله خير شوفت يا معلم زكريا انت والمعلم رفاعي لا وايه واقفين مع بعض زي ما انتوا واقفين كده معايا وبتاخدوا وتدوا في الكلام
رفاعي....وايه تاني ياولا
منكش....المعلم زكريا طلب مني نجيبولك كرسي وشيشه وكمان قهوه
رفاعي....مطلبش منك طاوله ياولا
منكش..... لا مطلبش
حسن.....غفل شويه كمان هتكمل الحلم وهيجلب طاولة وانت الكسبان يا مغفل
منكش....تفتكر
زكريا.....غور ياولا هات الطلبات بدل ما ننط في حلمك ونجيبوك من زمارة رقبتك
منكش....احييييه ده باينه مش حلموعندك واحد تهيؤات ترجع اللي فات وصلحوووووا
ضحكوا كلهم علي منكش وقرب حسن حط كرسي لرفاعي وهو مېت من الضحك
رفاعي....عيل دماغه تعبانه بس بنحبه
زكريا.....غلبان وقلبه طيب
عبدالله.....أعذره يا معلم مش مصدق
زكريا.....اهو منكش اللي هيذيع في بحري كلها خبر الصلح بينا
رفاعي....خليه يذيع واحنا عايزين ايه غير كده خلي الخلق كلها تحت لسانها في بوئها شويه.
زكريا....بإبتسامه وهو بيبص علي الرايح والجاي باين كده مش منكش بس اللي هيذيع واخدلي بالك الناس راحه جايه تبص علينا
رفاعي.....واخد بالي عاملين زي اللي شايفين كائنات من الفضاء اللي رايح والجاي فاتح بوئه ومبرق عينه 
زكريا....بضحك خليهم يفكروا انهم نايمين ساعة العصاري زي الولا منكش
رفاعي....علي قولك خلينا نجننهم شويه ياما جننونا
زكريا......المهم متسهاش علي اليافطه دي بدل ما تقع وتجيب أجل حد مش ناقصين مصايب
رفاعي....هنكلم الولا تاني نستعجله انا من ساعه ما شوفناها الصبح وهي عملالي وش في نافوخي
زكريا....ربك يسترها
رفاعي.....منصور لا حس ولا خبر
زكريا.....ايوه بس المحامي قال انهم بعتوا جابوا وخدوا أقواله ولسه بيحققوا انا توقعت انه يجي ويتكلم معانا او حتي ينكر بس معملهاش
رفاعي...مش عايز يثبتها علي روحه ابن الحړام والخۏف يكون بيجهز لمصېبه تانيه
زكريا....بيني وبينك انا قلقان منه بس مش عايز نخوفوا حد عندي بالذات نبيله انت عارفها كمان مش حابب نقلقوا دره من وقت اللي حصل وهي خاېفه علي بناتها
رفاعي....حقها يا زكريا يعني بعد السنين دي ترجع ومره واحده تلاقي بناتها في خطړ مش ساهله بردوا
زكريا....مش عايزك تزعل منها وتاخد علي خاطرك في شكها في كرم ومها معذوره ډمها نشف من
الخضه
رفاعي.....كلام ايه ده زكريا اي حد في مكانها كان هيفكر زيها خصوصا انا عارف ولادي بردوا لما بيحطوا حد في دماغهم يلا السلامه وخصوصا المخبوله مها بس حظهم وحظها جه كده كلامهم معاها اتحقق بالمللي فا كان لازم تشك فيهم
زكريا.....دره متلغبطه يا رفاعي مش بندافعوا عنها عشان بنتي بس اللي شافته اخر فتره مخليها مش علي بعضها يعني بتعيش ألف حاجه في نفس الوقت طلاق ورجوع من الغربه بعد سنين شغل جديد ولادها مره واحده مكان دراستهم أتغير مع المشاكل اللي حصلت ومعرفتها بحجات مكانتش عرفاها يعني غصي عنها دماغها مش فيها.
رفاعي....عارف يا زكريا وعاذرها دي برده دره وانت عارف غلاوتها في قلبي
زكريا....عارف
يا رفاعي
رفاعي.....صحيح هي اتطلقت ليه بعد السنين دي كلها خصوصا ماشاء الله بناتها عرايس انا مش بندخل بس انت عارف الكلام جاب بعضه.
زكريا....عارف يا رفاعي اتنهد بحزن وبصله اتجوز عليها صاحبتها واكتشفت ده بعد ثلاث سنين من جوازه واللي خلاها اكتشفت الجواز لما عرفت انه خد بالتوكيل كل فلوسها بيعها نصيبها في الشركه كان ليها النص حتي الڤيلا اللي كانت بأسمها خدها يعني خد منها كل حاجه في لحظه ومش بس كده حتي بناته رفض انهم يفضلوا معاه
رفاعي....ابن الحړام طب وليه عمل كده
زكريا.....والله يا رفاعي منعرفوش أتجنن في عقله ولا اللي اتجوزها دي ضحكت عليه ولا ايه حكايته بالظبط خصوصا اني عرفت منها انه كان كويس معاها اوي و كان بيحب بناته جدا
رفاعي....دي سحرتله دي ولا ايه
زكريا....علمي علمك بس اكيد كل حاجه هتبان مع الوقت المهم انها رجعت هي وبناتها كويسين.
رفاعي....علي قولك أهم حاجه انهم بخير ولو علي الفلوس والشغل يتعوضوا تغور أي حاجه فدي ضافر منها هي وبناتها
قرب منكش منهم يحط الطلبات وهو باصللهم
منكش.....
رفاعي....انت هتفضل متنح كده كتير ياولا ولا ايه
منكش....طيب تكونش دي تصوير حلقه من الكاميرا الخفيه خصوصا ان رمضان علي الأبواب خلاص
زكريا ضحك هو ورفاعي وهزوا راسهم
منكش......ما انا هنتجننوا كده
رفاعي....عايز ايه يا لا في ليلتك السوده دي 
منكش.....عايز نعرفوا ايه اللي حصل 
رفاعي....فضولك هيجننك صح
منكش......بصراحه ايوه
زكريا.....تقدر تقول كده يا منكش ان كل اللي كان بينا خلاص راح لحاله ورجعنا من تاني حبايب
منكش... ده بجد
رفاعي....أنت يا ولا لمض و رغاي ليه ما قولنالك خلاص ايام زمان راحت لحالها وبعدين انت ايش حشرك فينا غور ياولا علي شغلك 
نزل كرم في الوقت ده بعد ما لبس وجهز
كرم.......بكر انا رايح عايز حاجه
بكر....سلامتك يا صاحبي
بص كرم علي رفاعي ومشي كام خطوه عليهم.
كرم....سلام عليكم يا معلم زكريا
زكريا....عليكم السلام يا ابني
كرم ....انا ماشي يا معلم مش عايز حاجه مني قبل ما نروح
رفاعي....عايز سلامتك يا حبيبي
عبدالله....بإبتسامه ايه يا معلم كرم مقدرتش تسد قدامي بتهرب 
كرم....بإبتسامه انا صحيح ماشي الوقت بس متقلقش سايبلك وحوش هيقطعوك وخاف منهم
عبدالله....بأماره ايه أديك شايف الدكان واقف علي رجل
كرم.....متفرحش اوي كده دي ناس مستعجله ومش حمل الوقفه في الطابور علي الدكاكين عندنا
بصله عبدالله ورفع حاجبه بغيظ
ابتسم كرم وهز راسه ونزل النضاره علي عينه
رفاعي.....سلام يا معلمين ولا يا منكش مايه بسكر المعلم عبدالله
ضحك رفاعي وزكريا علي كرم و وقف عبدالله يطلع ڼار من عينه 
.....................
في الجامعه.
خرج البنات من المحاضرات بتاعتهم راحوا علي الكاڤيتريا طلبوا حاجه يشربوها لحد معاد المحاضره التانيه.
دارين....دماغي ھتنفجر مصدعه اوي
دانه....عشان منمناش كويس امبارح
ديما....صحيح مقولتيش هيما قالك ايه وانتي قولتيله ايه
دارين....وايه لزوم السيره دي الوقت
دانه.....هو سر ما تقولي حصل ايه انتي يعني فكرانا مش فاهمين انك قولتي امبارح ان انتي اللي هتودي الطبق عشان تعتذري لهيما
دارين.....بتنهيده ايوه اضايقت لما انتوا وحسن حسستوني اني احرجته و قولت لازم اعتذر وشوفت انها فرصه لما حسن رفض بس ياريتني ما روحت ولا سألت فيه بني ادم قليل الذوق
ديما....حصل ايه يعني
دارين...ما كان قدامكم كل حاجه من وقت ما دخلنا وهو مش معبرني سلم عليكم وتجاهلني لما نزل وروحت اكلكه عشان اعتذرله حسسني انه مش فارق معاه اصلا اللي قولته وقالي محصلش حاجه مش زعلان وكلمني بطريقه بارده وبعدين سابني وطلع قال عايز ينام
دانه....طيب وانتي زعلانه ليه علي الاقل هو قالك مش زعلان ووقف اتكلم معاكي. زي البني ادمين مش طلع
فيكي زي القطر قدام الكل زي ما انتي عملتي واتعصبتي عليه وكان ناقص تديله قلمين 
دارين.....علي فكره انا كنت علي اخري وكنت مضايقه يعني ليا عذري
دانه....وهو ايه اللي عرفوا انك مضايقه وعلي اخرك هو عارف اصلا انتي كان فيكي ايه
دارين.....طيب ما انا اعتذرت اعمل ايه تاني
دانه....ولا حاجه بس علي الاقل متبقيش شيفاه غلطان في طريقته معاكي دارين ده ولد وانتي احرجتيه بجد هو كان بيهزر معاكي
دارين....هو مكانش بيهزر اصلا هو كان بيتحشر في حاجه ملهوش دعوه بيها واقف يقولي مالك وبتعيطي ليه
ديما....يعني الحق عليه هو شاف شكلك متغير فكر ان حد ضايقك فا سأل عادي وبعدين المشكله مش انه بيتدخل في حاجه ملهوش فيها زي ما بتقولي لو احمد او محمد او حتي حسن كانوا مكانه حتي لو مكنتيش قولتي ليهم فيكي ايه علي الاقل مكنتيش هتكلميهم بالطريقه دي.
دانه....ديما معاها حق انتي مشكلتك مع هيما نفسه
دارين...وانا ايه مشكلتي معاه اصلا
دانه.....السؤال ده تسأليه لنفسك انتي من يوم ما شوفتيه وانتي مش طيقاه وكذا مره تقوليلي دمه تقيل مش مستظرفاه مع انه شاب محترم ومؤدب دمه خفيف مشوفتش منه اي تصرف يخليكي تشوفيه بالطريقه دي انا بس عايزه اعرف انتي ايه مشكلتك معاه
دارين....بتنهيده انا عارفه بقي 
دانه....ودي المشكله دارين حاولي تهدي شويه انتي اعصابك تعبانه وفي نفس الوقت حاولي تكرري اعتذارك مره تانيه لهيما لان بجد انتي بتتعاملي معاه بطريقه سخيفه والمشكله
ان دي مش طريقتك
دارين....هو اللي مدانيش فرصه اعمل ايه يعني
دانه....هيما عداها كذا مره وحقيقي كان بياخدها بهزار بس اخر مره انتي طلعتي فيه جامد وقدامنا واكيد اي حد مكانه هيشوف حد بيتعامل معاه بالشكل ده لازم يوقف هزار وكلام ومعامله ويبعد
ديما......هو لو مش عنده كرامه كان خد الموضوع عادي المرادي كمان وتقبل اعتذارك علي طول بس هو حس انه اتجرح منك فا عشان كده خد موقف
دارين.....اتجرح ايه انتي كمان هو احنا انتين حبيبه
ديما....مش شرط يا دارين يمكن كان عايز يتعامل معاكي علي انكم صحاب زي ما احمد ومحمد بيتعاملوا معانا وعادي الصحاب بيحصل