ابنة خالتي قمر لمروه حمدي
كنت طلعتى باللحم يا حبيبتى احمدى ربنا انى منزلتش بالبوكس على دماغك ده اهى لسه معلمه فى ايدى زى الوحمه اهى.
رفعها بوجهها يريها إياها وعلى الرغم من تلك الكلمة التى نطق بها بعفويه اللي أنها بعثرتها بالكامل ومع ذلك صمدت يجب أن تغلق معه كل ما يؤرقها.
_ اللي بيحب حد حتى لو مش عارف انه بيحبه او
كان تعلق بيهتم بيه بيدور عليه يسأل مش يفضل فوق الست سنين ميعرفش عنه حاجه!
قمر وهى تشير على نفسها _ غبائى!!
_ اه ما هو التقل صنعه مش خشوميه.
أطلق تنهيدة مكملا بعدها.
_ مش هنكر انى كان عندى فضول اشوفك دخلت صفحتك اكتر من مرة وفرحت لما مالاقتش ولا صورة وامى تليفونها العادى مش عليه صور وليلى مكنش ينفع انى اطلب اشوفك أو اتفرج على صورك من عندها سوا بعلمها او لا كنت وقتها هستصغر نفسى اوى وحتى مكنش فى سبب ينفع اقوله ليها لو سالت غير انى مكنتش عايز أفضل متعلق بصداقه طرف فيها بيحاول ينهيها.
_ بلا خيبة اللي ما فى عروسة واحده قعدت معاها اكتر من ربع ساعه على بعض.
_ يا سلام وعلشان كده بقت جاى ليا انا دلوقت مش لاقى اللي بتدور عليه
_ ليه ما تقوليش علشان مالقتكيش انتى عندهم.
هز رأسه بتأكيد _ انا شفت البيضاء السمرا المحجبة اللي بشعرها المتحفظة المتحررة ولا واحده فيهم شدتنى لحظه واحده مكنتش عارف العيب فين فيا ولا فيهم لحد ما قررت انى مش هخبط على باب لحد قلبى ما يدق لصحبته وشفتك هنا من غير ميعاد وبعد بعاد سنين.
قمر بصوت مبحوح _ ودق.
_ عايز تقولى انك حسيت ده كله فى يومين .
_ لا من زمان بس اللقاء بعد البعد زاح الغشاوة من على القلب.
بعد ثلاث شهر بحفلة نهارية على ذات الشاطئ يراقصها بخفه رقصتهما الأولى بحضور قلة قليله من الأصدقاء والأهل من يثقون بمحبتهم لهم متناسى العالم من حوله ينظر لعيناها بهيام وتلك النظرات خاصتها المسلطه نحوه كسهام جعلته يطلق اه خافته بدفء رفعت له حاجبيها عنها باستفهام ليباغتها بالكلمات.
ابتسمت له بدلال وكلماتها تقطر حياء_ وماذا عنها الان.
بسعادة يحملها يدور بها وسط تصفيق من الحضور هامسا بأذنيها_ حلال حلال حلال.
تذيح دموع عينيها بسعادة لفرحه ابنتها لتقترب منها كريمه _ ادعيلهم يا أختى ادعيلهم
_ ربنا يباركلهم فى حياتهم ويبعد عنهم العين ويطمئنك على ليلى زى ما اطمئنت على قمر يارب.
كريمه وعيناه لا تحيد عن ذاك الشاب المراقب لابنتها خلسه_ ان شاء الله
توجهت إلى ابنها الجالس جوار زوجته تميل عليه تشير على احدهم _ قولى يا آسر مين الشاب ده
آسر بابتسامه_ اهو ده قاسم صاحبى بتاع إسكندرية واه قبل ما انسى هو قبل كده لمحلى انه عايز يتقدم لليلى.
والدته وهى تلكزه بكتفه_ وما قولتليش ليه
آسر وهو ينظر لليلى المشغولة مع إحدى صديقاتها وضحكتها تخرج من القلب وكريم بالجهة الأخرى يجلس جوار خطيبته منعزلا بها_ كنت مستنى الوقت المناسب.
تمت.
