معذب القاصر بقلم ندى أحمد

استنى متشليش الطبق روحى انتى 
ورد جت تمشى مع الخادمة 
فارس بص لورد .. لاء استنى انتى 
ورد وقفت 
فارس .. تعرفى انى بحب السندوتشات ديه انتى عرفتى منين 
ورد .. بجد انا مكنتش اعرف خالص 
فارس .. انتى اسمك ايه 
ورد .. أسمى ورد 
فارس بعدم تصديق .. ورد ..
ورد .. هو الاسم فيه حاجة 
فارس.. لاء ابدا شكرا على الفطار 
ورد استاذنت ومشيت وهى مړعوپة 
ورد فى نفسها .. ايه الغباء ده يا ورد 
على بليل ورد كانت بتتعشى فى المطبخ وكانت رافعة النقاب ومقفلتش الباب بالمفتاح ظنا منها ان مفيش حد بيدخل المطبخ غير ستات فعادى فالوقت دا فارس كان داخل يعمل لنفسه قهوة لانه ساعات بيحب يعملها لنفسه دخل المطبخ وورد اول ما شافت فارس قدامها لفت وشها ونزلت النقاب بسرعة واتخضت جدا منه 
وفارس لف وشه بسرعة ومشفش وشها انا اسف مكنتش اعرف انا كنت جاى اعمل قهوة بحسب محدش فى المطبخ وخرج بسرعة 
ورد بعض مخرج .. الحمدلله لازم اخد بالى بعد كده 
فارس كان فى المكتب وورد كانت جايبة القهوة خبطت على الباب ودخلت 
فارس .. ايه ده 
ورد .. ديه القهوة اللى حضرتك نزلت علشان تعملها 
فارس ر شكرا 
فارس شرب من القهوة 
ورد جت تخرج 
فارس .. استنى يا ورد 
ورد اتخضت .. نعم 
فارس .. انتى عرفتى منين انى بحب اشرب القهوة سادة 
ورد افتكرت اول مرة لما عملتله القهوة و طلعتها مكتبه 
ورد .. انا سالت وعرفت حضرتك بتشربها ايه 
فارس .. انتى من اول اليوم بتعملى كل حاجة زى ما بحبها سبحان الله 
ورد .. انا هنا فى خدمة حضرتك 
فارس .. شكرا على القهوة ممكن اسالك عندك كام سنة 
ورد .. اه طبعا عندى ١٨ سنة 
فارس .. بتتدرسى على كده ولا لاء 
ورد .. لاء طبعا بدرس انا فى ثانوية عامة 
فارس .. بسم الله ماشاء الله يا ورد بالتوفيق 
ورد .. شكرا عن أذن حضرتك 
فارس جوه حس انه مشدود لورد 
فارس فى باله .. سبحان الله نفس اسمها وسنها يا ترى انتى فين يا ورد
فارس جاله تليفون من أحد الأشخاص اللى مخليهم يدوروا على ورد 
الشخص .. فارس بيه عندى ليك اخبار مش كويسة 
فارس .. فى ايه 
الشخص .. احنا تقريبا لقينا حد بمواصفات ورد فى النيل بس الچثة مشوهة لو سمحت تيجى تتعرف عليها 
فارس راح بسرعة  وكانت الچثة مشوهة بس فيها فعلا شبه من ورد فارس كان حاسس ان مش هى بس لما شاف انها شبها الشك تسرب لقلبه رجع على بليل وفضل قاعد فى الجنينة بيعيط على ورد ومش مصدق وكان الجو فى اليوم ده عاصف و ممطر جدا فضل قاعد تحت المطر بيدعى ربنا ان ورد تكون لسه عايشة.. ورد شافته من بعيد وكانت مش عارفة ماله بس قلقانة عليه فارس دخل بليل بعد ما المطر غرقه 
فارس دخل وطلع اوضته ونام 
الصبح جيت ورد تصحيه فضلت تخبط وبعدين دخلت 
ورد من بعيد.. فارس بيه 
فارس كان بيهلوس من الحمى ورد قربت عليه وشافت حرارته كان سخن ڼار فجريت اتصلت بالدكتور 
الدكتور .. محتاج ياخد الادوية فى معادها والراحة التامة 
ورد.. حاضر يا دكتور شكرا 
ورد فضلت جنب فارس تعمله كمادات لحد بليل 
فارس صحى بتعب 
ورد .. انت كويس يا فارس 
فارس .. ايه اللى حصل 
ورد .. انت تعبت شوية عامل ايه دلوقتى 
فارس افتكر وزعل .. انا كويس شكرا 
ورد .. على ايه انا هنزل أحضر لحضرتك العشا 
فارس .. ملوش لزوم مليش نفس 
ورد .. لاء ملوش لزوم ازاى حضرتك لازم تتغذى علشان تخف وتبقى كويس 
فارس .. انتى غريبة اوى يا ورد 
ورد .. ليه 
فارس .. بتتعملى معايا كأنك تعرفينى 
ورد .. لاء بس حضرتك طيب وتستاهل كل خير 
ورد نزلت حضرت العشا وطلعت تانى 
فارس  ..  ممكن اطلب منك طلب 
ورد ..  طبعا اتفضل 
فارس.. ممكن تقعدى معايا وانا باكل 
ورد .. حاضر 
ورد .. هو ممكن أتدخل واسالك سؤال 
فارس .. اتفضلى 
ورد .. هو حضرتك كان باين عليك انك حزين امبارح وفضلت قاعد تحت المطر هو حضرتك كويس 
فارس حس انه عايز يحكى لحد .. لاء انا مش كويس يا ورد انا فى حد عزيز عليا معرفش عنه حاجة وبدور عليه امبارح كلموني انهم ممكن  يكون لاقوا جثتها  بس انا مش مصدق ان هى انا حاسس انها لسه عايشة 
ورد بذهول انه لسه ممكن يكون بيدور عليها ان شاء الله خير يا فارس بيه انا هعملك ليمون سخن تشربه علشان تبقى كويس 
فارس .. شكرا يا ورد 
ورد نزلت وطلعت