معذب القاصر بقلم ندى أحمد

عارفة هتروح فين قعدت تلف على المحلات والمطاعم لحد ما حد دلها على حد  يشغلها وراحت لنعمات بتشتغل البنات يخدموا فى البيوت وهى دبرت شغل لورد فى قصر أصحابه مسافرين بس بيجوا من وقت لتانى عليه ولازم الخدم يكونوا فى القصر دايما لان ملهمش ميعاد ثابت بيجوا فيه ورد اتطمنت شوية والمرتب كان كويس ونعمات ساعدتها انها تدخل مدرسة هنا 
عند فارس فضل يدور فى كل حتة فى المستشفيات والاقسام وكل مكان وبرده ملهاش اثر فارس رجع وهو مش عارف يعمل ايه 
مراد .. انت السبب فى كل ده انانيتك اللى وصلتنا لكده انت متعرفش حاجة عن الرحمة ولا الإنسانية ده ممكن ربنا حرمك من الأطفال علشان قسوتك ديه 
سعاد .. فى ايه يا مراد فى حد يتكلم مع اخوه الكبير كده تلاقيها هربت مع حد الصاي..
فارس .. محدش يغلط فى ورد ...ورد محترمة 
سعاد .. والمحترمة هربت ليه ان شاء الله لو هى محترمة
فارس .. مش عايز حد يتكلم فى الموضوع ده تانى انا عارف ورد مشيت ليه من طريقتك انتى ومنى حاسستوها انها ملهاش مكان وسطنا مشيت علشان الست منى كانت حاطة دماغها بدماغ ورد وبتقول يا انا يا هى وهى رياحتك يا منى ومشيت 
منى .. وانا مالى انا مقولتلهاش أمشى 
فارس ضړب منى قلم كفاية كدب انا عرفت كل حاجة انتى اللى عملتى الفيلم  ده وبليل خرجتى لورد وخلتيها تمشى وكمان خليتى الحرس يسيبها تمشى انتى ليه عملتي كل ده يا منى ورد عملتلك ايه 
منى .. يا فارس انا 
فارس .. انا مش عايز اسمع منك كلمة وانتى طالق يا منى 
منى .. طلاقتنى علشانها انت طول عمرك كده وتلاقى انت اللى معيوب مش انا ومش بتخلف ده انا مستحملة قرفك 
ومنى اخدت هدومها ومشيت وفارس طلع أوضة ورد هو اتعلق بيها اوى رغم انه مقعدش معاها كتير وخرج من الدولاب الفستان الأسود اللى كانت لابسة ورد وقعد يعيط عليها واخد الفستان فى حضنه 
فارس .. يا ترى انتى فين يا ورد
فات ٣ سنين على غياب ورد وفارس مكنش بييأس انه يدور عليها بس بدون فايدة ومكنش بيرضا يسيب البيت اللى فى البلد علشان ديه الحاجة الوحيدة اللى باقية من ورد لكنه اضطر انه يسافر القاهرة علشان فى مشكلة فى الشغل لازم يكون موجود هناك بشكل دائم سافر فارس ولم هدوم ورد اللى كانت بتلبسها وكل حاجة تخصها وفيها ريحتها 
عند ورد أصبحت فى تالتة ثانوى بمساعدة نعمات اللي خلتها تقدم فى صف اكبر من صفها بسنة
احد الخدم .. فارس بيه وصل يلا روحوا خدوا الشنط وحد يشوف البيه يشرب ايه 
فارس دخل البيت ولمح ورد 
فارس .. ورد 
فارس فرك فى عينه ممكن بيتهياله ورد شافت فارس وطلعت جرى فارس فتح اعينه ملقهاش قدامه وزعل وطلع الجنينة وورد قررت انه لازم ميعرفش انها هنا راحت حكت لنعمات 
نعمات .. وهتعملى ايه يا بنتى 
ورد .. مش عارفة يا خالة 
نعمات .. اكيد هيشوفك ده القصر كله مفيش غير ست او سبع خدمات يعنى اكيد هيلمحك فى يوم 
ورد .. طب اعمل ايه 
نعمات .. انتى مش عايزة ترجعيله 
ورد .. لاء يا خالة كفاية اللى انا عملته فى حياته مش عايزة اسببله مشاكل تانى مع مراته 
نعمات .. بس فين مراته مجتش يعنى 
ورد .. معرفش انا كنت عايزة اتنقب من زمان يا خالة وخلاص انا هتنقب 
نعمات .. يعنى هتتنقبى علشان ميشوفكيش 
ورد .. لاء فعلا كنت بفكر اتنقب بقالى فترة ده انا حتى اشتريته 
نعمات .. مش عارفة يا ورد مش مطمنة 
ورد .. ربنا يستر ادعيلى يا خالة 
نعمات.. بدعيلك يا بنتى 
ورد خلاص اتنقبت وكانت واقفة فى المطبخ 
..حد يطلع ينضف أوضة فارس بيه روحى يا ورد انتى اللى فاضية فينا 
ورد طلعت وكانت خاېفة فضلت تخبط فى الاول محدش فتح راحت دخلت وبدأت تروق الأوضة بصت لاقيت شنطة سفر لسه متفتحش ورد راحت فتحتها افتكر انهم نسيوا يعملوا ولما فتحت الشنطة لاقيت حاجاتها فساتنها فرشة شعرها لكل حاجة كانت ليها ومسكت الفستان الأسود هنا فارس خرج من الحمام وپغضب اخد الفستان من ايدها 
فارس پغضب .. ايه اللى خلاكى تفتحى الشنطة ديه 
ورد بعياط .. انا اسفة مكنتش اعرف
فارس .. اطلعى بره 
ورد خرجت وفارس غير هدومه ونزل علشان يفطر ورد عملت لفارس سندوتشات بلح رطب بالسمنة حاجة زى العجوة كده هو بيحبها فاستغرب لما لقها على الفطار 
فارس .. ايه ده هو مين اللى عمل السنتدوتشات ديه 
احدى الخادمات بصت لورد .. قولتلك فارس بيه مش بيحب العك ده  احنا اسفين يا بيه وجت تشيل الطبق 
فارس.. لاء