رواية لا زلت في الثلاثين بقلم مارتينا. الجزء الثاني.

سعادتك ولو عليا أنا قولتلك على هبه لانى عارفه انها بتحبك وهتسعدك بس
قطعها محمود من غير ما يديها فرصه تكمل جمله هتدبحه
محمود من غير بس ما انتى قولتى بتحبى وهتريحنى وهو أنا عاوز ايه اكتر من كده
سعاد بس ده من يوم وليله كده
محمود دعوتك شكلها وصلت السما ويمكن لو محصلش بسرعه أو بالطريقه دى كنت اتعقدت
سعاد بعد الشړ عنك يا ابنى فال الله ولا فالك يعنى اكلم خالتك
محمود اه كلميها
شكرى استنى يا سعاد وانت فكر يا محمود بلاش دماغك دى
محمود يا جماعه والله أنا مقتنع جدا بهبه وعاوزها مراتى ومش مضغوط أو بحاول انسى
أنا قلبى خدعنى طول العمر ومش راضى يسعدنى وانا عارف يعنى ايه قلب تعيش وعلشان كده أنا اخترت هبه وهي بتحبى وانا لا يمكن اتعسها زى ما المهم وعاوز افرحك يا امى انتى مش عاوزه منى عيل صغير ولا ايه
سعاد هو ده املى الوحيد يا محمود
دخل محمود اوضته بعد كلام طال بينهم على وعد أن سعاد تكلم خالته هو مقتنع جدا باللى عمله واعتبر نفسه ركن قلبه في سلسله هاجر اللى شالها مع قلبه في الدولاب وقرر يسعد قلوب غيره يمكن ربنا يسعد قلبه
...
دخلت هاجر مطعم شيك في مدينه نصر شافت على مستنيها
هاجر ايه بقى اللى أنت قولته ده
على ايه يا قلبى
هاجر عاوزنى اعد معاك في بيت واحد صحبك علشان خاطر ايه يعنى
على أبدا ناخد راحتنا أنا نفسى اتكلم معاكى لوحدنا
هاجر ما احنا لوحدنا اهوه
على يا هاجر أنا عاوز نبقى لوحدنا نتكلم براحتنا تتجوزينى يا هاجر
هاجر تتجوزنى
على اه عادي نتجوز
هاجر أنت فجأتنى يعنى عاوز تتقدملى
على اه طبعا ما أنا هتقدملك بس مش دلوقت
هاجر يعنى ايه يعنى
على نتجوز احنا
هاجر ااااااه نتجوز احنا وليا يعنى نستعجل
على يا هاجر أنا بحبك انتى مش عارفه يعنى ايه بحبك
هاجر سبنى افكر طيب
على وعد
هاجر قولتلك هفكر
...
قضت رقيه اليوم ده وهي غايبه عن الواقع لكن بالطبع موجوده فيه اينعم جسديا بس اهى موجوده علشان تقضى يومها وخلاص مع أن كل تفكيرها مع واحد مش عارفه طلعلها منين هو بيحبها بس لاول مره تسال نفسها هو بالنسباله ايه مجرد أول واحد يقولها كلام حلو ولا حاجه تانيه يمكن عاوز منها حاجه بس تفكر تقول هيعوز ايه فيه احلى مني واشيك واسهل بكتير يمكن علشان حاجه نفسه يجربها واتوصلت لقرار انها لازم تحاول تمسك مشاعرها
عمر رجع من مع رامى مستنى اليوم ده يفوت بفارغ الصبر لان بكره هيبتدى الشغل في الفيلا اللى قرر انه لازم يفضل فيها في الفترة دى مهما تعب لان هتكون موجوده رقيه اجمل بنت شافها فى حياته
هاجر لاول مره بتفكر مش عارفه تعمل ايه تقبل بعلى أو لا مش عارفه تقرر من وجهه نظرها على عريس ممتاز وشايفها حاجه كويسه وحلوه اوى بس افتكرت عمر اللى سابها ورجع فجأة بس هو مش في دماغا غير انها عاوز تردله القلم أما على فحاجه جديده وفي الاخر قالت ليه لا مش جواز
على في البيت قاعد بيتخيل هاجر عروسته ومش رايحه الفكره عن باله فيها ايه لما يتجوزها هو مش هيطولها غير بالطريقه دى ومنى غلبانه وهترضى بالامر الواقع لانها بتحبه أو حتى مترضاش اهم حاجه عنده هاجر هاجر وبس
...
سعاد زى القمر يا حبيبى
محمود ربنا يخليكى يا امى
سعاد اسكت يا واد ده أنت حظك من السما البت هتتجنن عليك ما صدقت ومش هيعرضوا في أي حاجه هما مش حيلتهم غيرها بس وحياه امك عندك يا محمود ما تزعلهاش دى غلبانه وبنت حلال
محمود يا ماما يا ماما دى هتبقى شريكه عمرى مټخافيش أنا مختارها بكامل أرادتى
سعاد ربنا يكرمك يا ابنى ويهديك يا ابن عمرى
ضحكت محمود ونزلوا هما التلاته على بيت خاله محمود ساميه
ساميه منورين يا جماعه
سعاد اومال فين عروستنا يا اختى هي مكسوفه مننا
ساميه عروسه بقى وبتدلع أنا هقوم اجيبها
دخلت هبه عليهم برقتها وفستانها الروز الهادى وشعرها المفرود والميك أب الهادى البارز كل نقطه جمال في وشها برع فيها الله سبحانه وتعالى
شكرى بسم الله ماشاء الله
سعاد اتكلم بقى يا أبو محمود
وجهه كلامه لوالد هبهإبراهيم واتفقوا لان مفيش داعى للاختلاف أو مجال لان كل اسره فيهم معندهاش غير ابن واحد تتمنى سعادته
وبعد ما خلصوا واتفقوا
كلمت هبه محمود
هبه هو أنا ممكن اتكلم معاك شويه
محمود طبعا بعد اذنك يا عمى ممكن اتكلم مع هبه شويه
إبراهيم اتفضل يا ابنى
...
دخل محمود وهبه البلكونه واول ما دخلوا
محمود مبروك يا هبه
هبه أنا بحبك
اتفاجأ محمود ولقا نفسه مش عارف يرد بس اللى نقذه من الموضوع انها كملت كلامها
هبه ا أنا بحبك مكنتش اقدر اقولك الكلمه دى لكن أنت اختارتنى بأرادتك لانى عارفاك كويس وعارفه انك مش هتظلمنى حتى لو مكنتش بتحبنى بس اوعدك انى هخليك اسعد زوج في الدنيا أنت متعرفش أنت عندى ايه أنا