سجينة الماضي الجزء الأول بقلم هبة ..

وعدى هاتزوج جنة لما تفرج
صدفة _ بتهرجى صح
جنة _ هى دى الحقيقة وأبويه راح لأهله كان ردهم د فى مكانه زوج بنتك مفهاش حاجة لما تساعده
صدفة _ يا نهار الوان كان واخد فلوس ودهب كتير
جنة _ فلوس جهاذى ودهبى انا وامى وسمية اختى
صدفة _ بالشفا ياشابة هنلم ليكم تبرعات
جنة _ ياريت أبويه ھيموت وبيقولى انتى السبب ومسكين فى رقبه بعض هو وامى
صدفة _ احسن واحد ېموت والتانى يتعدم وانتى تعيش يتيمة وتشحتى على اختك جاتك الغم فصلتينى
حورية _ يلا يا فاشلة ادامى
صدفة _ اقفلى ابت يخربيت معرفتك هاكلمك واتساب كمان شويه بقولك خدى اختك الغلبانة و ادخلى اوضة فيها ترباس واقفلى على نفسك الحياة حلوة وانتم لسه صغيرين وقفلت ونزلت ادام حورية فرحانة أنها قدرت تقنع حورية بالنزول لتحت
الحاجة صالحه _ يا مرحب بالغالي بنت الغالى
حورية _ اشك لو كان غالى مكنش اخوه رفع السلاح عليه عاوز يخلص منه
شادية _ شوفوا بتعلى صوتها وتبجح ادام الكل ازاى مهى تربيه البندر
صدفة _ شكلك بتلعبى فى عداد عمرك يا شادية
شادية _ خلاص يا فقر ساكتنا
الحاجة صالحه _ اهدئ كده وانسى الماضي
صدفة _ بصوت واطئ اطلبى تشتغل يا هبله فرصة محدش هيرفض طلبك
شادية _ شدت صدفة من طرحتها وقالت تعالي هنا افهم في ايه وانتى بتقولي لها ايه
صدفة _ اعدامك لو قلت حاجه انا بقوللها دول اهلك بلاش تبيعيهم
شادية _ طب اقعدي جنبي وما تتحركيش
صدفة _ هاشوف ستي عاوزه ايه وجاية
هاشم _ انتى بنت قليلة الحياة اقسم بالله اجاى اقټلك ما انتى وراثة قله الادب من المرحومة
حورية _ بصوت عالى ولا كلمة زياده الا و ربنا ولا يهمنى حد وافرج عليك البلد كلها
عمار _ اسكت ابوك جاى
فوزى _ قوم احكم مرأتك يا عريس والله عشنا وشوفنا الستات صوتها بقى أعلى من صوت الرجاله
ادهم _ قام مسك أيد حورية جامد انتى هتتحبسى فوق من غير لا اكل ولا ميه لحد ماتموتى يا تأدبى
حورية _ رخت أيدها شوية وشدتها وزقته جامد كاد أن يقع على الأرض لولا سند على الحائط انت غريب عنى متلمسنيش
صدفة _ يانهار الوان زينة جت عندنا وضحكت جامد
شادية _ بغل بتصحكى على ايه يا موكوسة
صدفة _ لو كنت اعرف الاكشن اللى هيحصل كنت صورته صورة للذكرى
خديجة _ سحبتها للاوضة انتى فرحانه فى اخوكى يا بت
صدفه _ الصراحة أيوة ولا نسيتى العلامات اللى على جسمك منه هو وباقى الورق اقصد رجالة البيت
خديجة _ عندك حق وحطت أيدها على قفاها وطلعت
حورية _ انت مش زوجى الزواج بيكون بالرضا والقبول إنما أنت خليت عباس زوج امى شربنى العصير بالڠصب علشان أمضى على الموافقة كل ده علشان ايه عوزة سبب واحد يخلى جد اللى هو المفروض يكون رحيم بالصغير واليتيم ولا عم كان عاوز ېقتل اخوه و المفروض يكون اب حنين لاولاد اخوه ولا ابن عمى اللى الطبيعي يكون اخ وسند لبنت عمه المکسورة اليتيمة قولوا ليه كل ده و طلعت فوق جابت شنطة أيدها انا كاتبه تنازل عن كل ورثى ليك يا اللى المفروض تكون جدى مكان أبويه و من خمس سنين من يوم ما أكمل 21 سنه وحدفت الورقة فى وشهم
الحاج محمد _ أهدى يا بنت الغالى
حورية _ بلاش كلام الشعارات ده انا هابعت اجيب ملفى من المستشفى اللى كنت شغالة فيها وهاشتغل فى اى رعاية قريبة من هنا وهاسكن لوحدى مع نفسى وخيال المائته ده مش زوجى الزواج تحت الټهديد والغياب عن الوعى بيكون باطل و لو رفض يطلقنى هارفع عليه قضية خلع و انتم عارفين سمعه الراجل المخلوع من مرأته بيكون شكلها ازاى وخاصة فى الريف
شادية _ انتى بنت عديمة الرباية
صدفة _ صقفت هو ده الكلام الموزون بجد
هاشم _ انتى هنا أقل من الجزمه ملكيش طلبات و لا حقوق
حورية _ ليه كنت جاريه اشترتها بفلوسك انا بنت طاهر مش ملك حد و يا طلباتى تتنفذ يا هاطلب البوليس وارفع عليك قضية انك اتحرشت بيه وفين على ما تثبت العكس هتكون اتفضحت فى البلد ياكبير العيله
الحاج محمد _ انا موافق على كل