عريس من بلد أخرى بقلم هند إيهاب

أيه أتعرفتوا علي بعض
آه
طب كويس مسيركوا تاخدوا علي بعض وتعرفوا بعض أكتر
آه آه
قولتها ودخلت الأوضه كنت مضايقه منهم خرجت مني تنهيده للحظه أفتكرت أحداث الخروجه ولقيت نفسي ببتسم روحت ناحية الصاله وشاورت لماما
دخلت الأوضه ولقيت ماما أجت ورايا وقولت بتردد
كنت عايزه الرقم عشان هو دلوقتي مسافر
ماما ضحكت وقالت
ماشي استني هنا هاخده من أبوكي
طلعت وأجت أخدت منها الرقم وفضلت قاعده متوتره كنت خاېفه فضلت أبص علي الرقم وأنا متردده وفي الآخر قررت أني أتصل
الو
كنت لسه بفكر فيكي
أنت عرفت أزاي أنه أنا
اللي يسمع صوتك مره مستحيل ينساه
ابتسمت من طريقته وقولت
لقيتك مسافر قولت أتصل أطمن
أوبا بقا أخيرا حد هيطمن علي ويخلي باله مني
اتحرجت وقال
بس كويس أنك أتصلتي كنت بنام وأنا سايق
لاء ده أنا بقا أفضل معاك لحد ما توصل
دي حاجه تفرحني علي فكره أني أفضل سامع صوتك كده
سكت وقال
هو أنا ينفع أسألك سؤال
أكيد
هو أنت كنتي حابه تقعدي معاي وتشوفيني ولا
سكت وحسيت پخوف وقال
عادي علي فكره لو قولتي اللي حصل بجد أدينا بندردش وكمان أنا عايزك تبقي صريحه معاي
اتنهدت وقولت
عملت مشكله مع أهلي أول معرفت بالموضوع ومكنتش عايزه أقعد بس مش عشان حاجه هي الفكره مش حلوه بالنسبالي في موضوع الخاطبه وكده
طب ولما شوفتيني أيه اللي حصل
مش عارفه بس حاسه أني مرتاحه وطول الخروجه كنت حاسه أني مبسوطه بص هو أحساس غريب كده
أحساس غريب بالنسبالك بس بالنسبالي دي حاجه تفرحني وتديني أمل أنا مش طالب منك غير أنك تدينا فرصه نعرف بعض أكتر
أمم
هتروحي الكليه بكره
آه أكيد
أتكلم بتوتر وقال
كنت عايز أطلب طلب
أكيد
كنت حابب أعرف يعني تفاصيل يومك
قصدك يعني أكلمك وأعرفك أنا فين وكده
بفرحه قال
آه حابب تكلميني كل شويه وأنا برضو أكيد هكلمك أطمن عليكي
ابتسمت وقولت
وماله بحب كده
بجد
آه والله
طب يلا عشان تلحقي تنامي أنا خلاص أهو بركن
تصبح علي خير
وأنت من أهلي
سكت وكأنه بيشوف ردة فعلي ابتسمت وقفلت معاه رميت نفسي علي السرير وأنا مبسوطه وروحت في النوم صحيت علي صوت تليفوني
الو
صحيت عشان أصلي الفجر فحبيت أصحيكي تصليه
فرحت أوي وقولت
دي حاجه حلوه أوي هقوم أهو
هكلمك شويه كده
قفلت معاه ودخلت خدت دش بسرعه وأتوضيت وصليت وأنا حاسه أني نشيطه فرحت من طريقته احساس أن حد عايز يمسك أيدك ويقربك من ربنا عشان تكونوا سوا في القرب احساس جميل اوي أول مخلصت لقيته بيرن
تقبل الله
ابتسمت وقولت
منا ومنكم يارب
ها بقا هتعملي أيه دلوقتي
فتحت الأسبيكر وقولت
أول حاجه هلبس وبعدين هجيب الشنطه أحط فيها أچندتين أحتياطي
وقلم وهاخد معاي شوية حاجات كده
أها
صورت الطقم وبعت له حسيته فرح وقال
حلو أوي الطقم
بجد
آه بس طبعا ده بسبب أن أنت اللي لابساه
ضحكت وقال
هتفطري أيه بقا
لاء أنا مش بفطر
عشان خاطري مينفعش تنزلي كده من غير متاكلي حاجه سندوتش واحد علي الأقل
دخلت المطبخ وهو مازال معاي وقولت
فيه عصير
حلو أوي يبقا سندوتش مع كوباية عصير كده تمام أوي
ضحكت وقولت
وأيه كمان ياسي تميم
ضحك وقال
عشان أنا كمان أكل
ماشي يا سيدي عمتا بعمل السندوتش أهو
وأنا كمان بعمله أهو عشان هشاركك الفطار
قعدت بعد معملت السندوتش وأخدت كوباية العصير وقعدنا ناكل سوا كنا بنتكلم علي يومنا واللي هيحصل فيه فضلنا مع بعض في المكالمه لحد ما دخلت المدرج وهو دخل الشغل قفلت وبدأت أركز في المحاضره ولما المحاضره خلصت طلعت وكلمته
عملتي أيه
أهو الدكتور كان بيشرح وكنت بكتب الحاجات المهمه وراه بس
عايز أمتياز بقا
أن شاء الله بتعمل أيه كده
ولا حاجه قاعد علي المكتب أهو خلصت شوية شغل وخلاص
أستاذ تميم حضرتك فاضي
كان صوت
واحده حسيت طريقتها
وحشه في الكلام