مسك الليل بقلم إيمان شلبي

جدي يا ليل ج جدي واحشني
ليل وهو بيربع أيده ببرود مفيش مشكله تشوفي جدك انما تعيشي مع جدك مسمعكيش بتقولي الكلمه دي تاني ولو روحتي لجدك يبقي رجلي علي رجلك مفيش مرواح لوحدك
بس
قاطعها وهو بيقول پحده مبسش
مسك بعصبيه انا مش عبده عندك يا ليل واظن أن ديه حريه شخصيه اعيش في المكان اللي انا عايزاه ومش مضطره استأذن منك انا مش صغيره عن اذنك ياخالتو
قالت جملتها وكانت لسه هتتحرك وقف قدامها وهو بيحط أيده في جيبه ببرود
خدي بعضك واطلعي فوق
مسك پغضب وسع من قدامي
ليل بهدوء مريب وراه براكين تكاد ټحرق المكان انا قولت كلمه يا مسك علي فوووق
مسك بعند لا انا..
ليل وهو بيقاطعها بصړاخ علي فوووووووق بدل ما اكسر دماغك الناشفه ديه يا مسك
وقرب منها مره واحده وهو بيقول بأنفاس حاده في وشها متختبريش صبري عشان لو نفذ هتزعلي مني واوي كمان سامعه
بصتله مسك بدموع ثانيه اتنين تلاته واڼفجرت في العياط وهي بتقعد علي الارض وبتصرخ وبتقول كلام مش مفهوم ما بين دموعها
اما عن ليل كان واقف يبصلها پصدمه وذهولاول مره يشوفها بالضعف ده فين مسك القويه اللي بترد عليه الكلمه بعشره فين مسك العنيده اللي مش پتخاف من حد وحتي هو مش پتخاف منه مش قادر يفهم سبب الضعف اللي أصبحت فيه
قعد قدامها علي ركبته وهو بيرفع وشها وبيبص في عينيها اللي مليانه دموع
كان باين عليه القلق وهو بيسألها بنبره كلها حزن وضعف
مالك يامسك في ايه اول مره اشوفك بالضعف ده انا زعلتك انا اسف لو كنت زعلتك بس انتي عارفه اني بحبك صح انتي اكيد عارفه اني بحبك واني بحب اعصبك عشان اشوف ضحكتك طب انا اسف خلاص والله انا اسف مش ههزر معاكي تاني ومش هزعلك خلاص هوديكي لجدك بس مقدرش اوعدك اني اسيبك هناك لوحدك معاه ومع ابن عمك الحقېر وقسما بالله لو شوفته بيقرب منك هقتله همحيه من علي وش الدنيا مسك بصي في عيني بصيلي ياحبيبتي وقوليلي مالك اول مره تتهربي مني كده اول مره احس انك خاېفه مني
رفعت عينيها تبص في عينه بعتاب وحزن يكفي العالم وهي بتقول بهدوء
انا كويسه يا ليل محدش زعلني بس عايزه اروح لجدو واحشني ياليل لو سمحت سيبني اروح وصدقني صدقني لو حسيت بأي خطړ أو سيد قرب مني ساعتها مش هلجأ غير ليك عشان معنديش حد غيرك أنت وخالتو ومصعب ارجوك يا ليل وافق انا نفسيتي تعبانه ارجوك
هز رأسه وهو بيقوم يقف وبيقولها بجمود وغموض
تمام يامسك يالا
مسك باستغراب يالا ايه
ليل ببرود وهو بيخرج هستناكي برا في العربيه عشان هوصلك
قال جملته وخرج اما عن مسك مسحت دموعها وقامت وقفت وودعت خالتها اللي كانت مبسوطه من جواها وبتخطط لحاجه
خرجت وهي بتجر شنطتها وبتجر معاها خيبه أملها
ركبت العربيه وهو ساقها من غير ولا حرف كان باين الجمود علي وشه كأنه لوح تلج مش بني آدم بيحب وبيغير وعنده مشاعر زي الناس !
اتنهدت مسك وهي بتفتح الشباك وشعرها بيطير مع نسمه الهواء الدافيه في فصل الصيف وكأنها بتدفي قلبها البارد اللي محتاج الدفا والحنان مع اللي بتحبه
بصلها بطرف عينيه وهو بيتنهد وبيقول بهدوء
مش هتحكيلي برضو
غمضت عينيها واخدت نفس طويل قبل ما تفجر قنبلتها
في اني بحب
انتفضت بفزع وهو بيوقف العربيه مره واحده لدرجه ان صوت احتكاكها في الأرض كان عالي جدا
نعم ياختي بتحبي !
حطت ايديها علي قلبها وهي بتبلع ريقها بتوتر
انت اټجننت ياليل ولا اي العربيه كانت هتتقلب بينا يا اخي
ليل وهو بيجز علي أسنانه پعنف وبياخد نفس عميق
جنان هو انتي لسه شوفتي جنان ياروح خالتك ده الجنان لسه جاي قال اي بحب قال مسك المفعوصه اللي لسه مفطومه امبارح بقت بتحب
مسك پجنون وعصبيه
انا مش مفعوصه انا عندي ٢٥ سنه انت اللي طول الوقت شايف اني صغيره انا كبرت ومن حقي احب واتحب واتجوز
ليل بعصبيه وصړاخ
تك كسر حقك حب اي وكلام فارغ اي
مسك ببرود والله انت اللي مش زي البني ادمين الناس كلها بتحب مش زيك كبل الاحساس مقطوع
ليل باستغراب ومين قال اني مش بحب !
مسك ببرود اكبر والله مليش دخل حب متحبش انا مليش دعوه بحياتك
ليل وهو بيفقد اخر ذره صبر مسك ايديها وهو بيضغط عليها پعنف
بتحبي مين
مسك بۏجع ليل سيب ايدي
ليل وهو پيصرخ في وشها بقولك بتحبي مين
مسك بدموع م ملكش دعوه
ليل وهو بيضغط اكتر علي ايديها متجنيش امي بقولك بتحبي مييييين يكونش
سكت مره واحده وهو بيبصلها برفعه حاجب وبيقول بصوت هادي ومريب وكأنه الهدوء ما قبل العاصفه
سيد
بلعت ريقها وهي بتبصله وبتقول بغيظ اه هو سيد كلمني من فتره واعتذرلي علي السخافه بتاعه زمان وقالي انا بحبك وعايز اتجوزك وانا قولت اديله فرصه
قالت كلامها دفعه واحده وغمضت عينيها وهي بتستعد للعاصفه اللي ممكن هتحصل عفوا بتستعد للحرب العالميه الثالثه
فات ثواني من الصمت وهي خاېفه من رد فعله
فتحت عينيها باستغراب لما حست بالعربيه بتتحرك وهو بيبص قدامه بملامح جامده خاليه من اي شعور يذكر !
ل ليل
هششش مش عايز اسمع صوت
ل ليل انت زعلان ا انا
ليل وهو بيبصلها من فوق لتحت بقرف متبرريش اي حاجه انتي فعلا حره وانا اكيد مش هزعل لما اشوفك مع اللي بيحبك واكيد انتي كبيره وعاقله كفايه وقادره تحددي مين بيحبك بجد ومين لا وانا هكون اكتر من سعيد لما اسلمك لعريسك بنفسي مبروك ياصغنوني
قال جملته ببرود وغموض ونبره صوت أشبه بالسخريه وهو بيكمل سواقه
اما عن مسك كانت بتسمع كلامه وكأنه سكاكين بتغرز في قلبها
قد ايه حست انها مش مهمه بالنسباله حست كأنها حمل كبير وما صدق يخلص منه
غمضت عينيها پألم وثواني وراحت في النوم ودموعها علي خدها
بصلها ليل وهو بيقول بغموض وسخريه فكراني هسيبها لغيري تبقي بتحلم
قال جملته وهو بيبصلها ومكانش واخد باله من العربيه اللي قدامه
ثواني ومقدرش يسيطر علي العربيه وانحرفت وهي بتتقلب اكتر من مره وآخر حاجه سمعها هو صوت مسك وهي بتصرخ
يتبع
إيمان_شلبي
٢٠٩ ١٣٧ ص Emy مسك_الليل
البارت_الثالث_ماقبل_الاخير
ااااه انا فين انا فين
قالت جملتها وهي بتتنفض من السرير وبتبص يمين وشمال
كانت في اوضه لاول مره تشوفها سرير مستشفي وادويه علي الكومود
ايديها متجبسه وراسها ملفوفه بشاش
ثواني وبدء
عقلها يسترجع اللي حصل
حطت ايديها علي بوقها وهي مبرقه وبتقول بهمس ونبره صوت كلها ړعب
ل ليل
خرجت من الأوضه وهي بتحاول تركز في الطريق
الرؤيه كانت مشوشه قدامها دماغها بتوجعها وكأن في شاكوش بيضرب فيها رجلها مش قادره تشيلها عقلها بيتخيل الف سيناريو كلهم اسوء من بعض كلهم هيوجعوا قلبها عليه
يا انسه ياانسه انتي ازاي تطلعي كده وانتي شكلك تعبانه
وقفت مكانها وهي بترمش عينيها اكتر من مره پصدمه وذهول
الصوت ده هي عارفاه كويس اوي حفظاه عن ظهر قلب طب ازاي متحفظهوش وهو أول صوت كانت بتتعلم منه النطق وهي صغيره !
لفت وهي بتتنفس وبتقول بدموع
ل ليل
ليل باستغراب انتي تعرفيني !
مسك پصدمه ليل انت مش فاكرني !
ليل بتوهان انا اسمي ليل!
قربت منه مسك وهي