مسك الليل بقلم إيمان شلبي

٢٠٩ ١٣٧ ص Emy مسك_الليل
نعممممممم عايزاني اتجوز واحده ملبوسه ياماما ومن جن عاشق !
قال جملته پصدمه وذهول وهو بيبص لمامته اللي بلعت ريقها بتوتر وخوف وهي بتبص يمين وشمال پخوف
قربت منه وهي بتقول بصوت واطي هش هش اخرس لتولع مكانك وانت واقف الجن يسمعك ويأذيك
بلع ريقه پخوف وهو بيقول بنفس الهمس هي ملبوسه من جن عاشق
مامته بنبره صوت أوشكت علي البكاء اه وطي صوتك ھيأذيك
لطم بطريقه مسرحيه وهو بيبص علي الخيال اللي كان واقف علي باب اوضته بيسمع الحوار اللي داير ما بينه وبين مامته
مامته بهمس ليل حبيبي عشان خاطري وافق ديه أوامرها هي لو موافقتش برضاك هتتجوزك ڠصب عنك
هو في ايه ياماما هو انا بنت عشان اتغصب!
مامته پبكاء مصطنع أتقنت في تمثيله ببراعه لا يابني بس هتأذيك
ليل بغيظ وصوت واطي هو مش المفروض الجن العاشق يغير عليها وكده يعني لو اتجوزتها الدنيا هتتطربق فوق نفوخي ونفوخها مش بعيد ابقي حديث السوشيل شاهد قبل الحذف عروسه ټقتل زوجها ليله الزفاف والأسباب مجهوله !!
يالا خالتو الاكل جاهز
اتنفض ليل وهو بيرجع تلقائيا خطوه لورا تزامنا مع دخولها الأوضه وهي بتتكلم بكل برود وجمود وكأنها شخص طبيعي جدا
ام ليل وهي بتبلع ريقها بتوتر ح ح حاضر ياحبيبتي خارجين
هزت راسها بتحفز وهدوء وخرجت من الاوضه بلا مبالاه
اما عن ليل اخد نفس براحه بعد ما كان حابسه وهو بيبص في عيونها بړعب من جواه خاېف تأذيه أو بمعني تاني الجن العاشق يأذيه
أمه بلهفه يالا ياليل يالا بسرعه
هز رأسه وخرج مع مامته وهو بيحاول ميبينش خوفه قدامها قعد علي الكرسي المقابل ليها وهو بيبص لملامحها بحذر
كانت قاعده تبص في الأكل بجمود ماسكه سکينه صغيره في ايديها بتهبدها علي السفره بغيظ
ليل وهو بيبلع ريقه بتوتر
ا ايه ياكرمله مش بتاكلي ليه الاكل مش عاجبك انزل اجبلك نص فرخه مشويه لا نص ايه اجبلك خمس فرخات ترم عضمك
بصتله وهي بتقول بغيظ ليه كنت شايفني بقره زيك باكل كل خمس دقائق
اتعصب وهبد علي السفره وكان لسه هيرد عليها مسكته مامته من دراعه وهي بتقول بهمس عديها عديها لتلاقي سکينه رشقت في رقبتك
بلع ريقه وهو بيبصلها پخوف انا مش هرد عليكي عشان انا ست مؤدبه
ست !
قالتها برفعه حاجب وابتسامه بارده وهي بتبصله بسخريه
ا احم أ اقصد أنا راجل محترم مش هرد عليكي ربنا يسامحك
بصتله وهي بتاكل ببرود ويسامحها خالتي علي البلوه اللي جابتها في حياتنا
سيبني سيبني ياماما متمسكنيش بقولك سيبني عليها
مامته ليل حبيبي انا مش مسكاك
ليل وهو بيبلع ريقه بتوتر وړعب اصلا
مسك وهي بتهز رأسها بقله حيله ربنا يعينك علي المهلبيه اللي في دماغك
قام وقف مره واحده وهو بيسقف بأيده وبيردح وكأنه ست لااااا بقولك ايه ياعنيا هو أنتي فاكره عشان بتتحامي في جن عاشق اني هسكتلك لااااا ياعنيا ده انا اطربق البيت علي نفوخك ونفوخه اااااه هو انتي مفكراني بخاف ولا اييييييه
يعني انت مش خاېف !
قالتها بصوت خشن مكانش صوتها نهائيا وهي بتقوم تقف ببطئ وعيونها حمراء ډم وكأنها علي وشك تنقض عليه وتخلص منه وتخلص البشريه من غروره
اما عن ليل رمش عينه اكتر من مره وهو بيقول بتوجس انا مبقتش اخاڤ زي الاول انا بقيت اخاڤ اكتر الحقوناااااااااااي
مسك وهي بتجري وراه وبتصرخ پجنون
بقي انا ملبوسه ياللي يلبسك عشر عفريت ينططوا امك لا مؤاخذه ياخالتي
خالتها وهي بتبصلها بلا مبالاه ولا يهمك ياحبيبتي
ليل وهو بيقف في نص البيت وبيسقف بأيده وهو بيردحلها وكأنه ست
عفريييت عفريت مين يام عفررريت ليه هو انا اهبل زيك يابت كل يوم اقف قدام المرايه وافضل اتنطط وارقص ماهو حقه يعشقك مانتي بترقصيله ياختي بترقصي للجن في المرايه مانتي عليكي هزه وسط تخلي اللي ميحبكيش يحبك اه وربنا حقه يحبك
عاااااا ياحيوووان ياقليل الادب ياللي متربتش ياللي اهلك معرفوش يربوك لا مؤاخذه ياخالتي
خالتها وهي بتاكل ببرود ولا يهمك هو فعلا مترباش معلش اصلي مكنتش فاضيه كنت بحب في ابوه فتلاقيه مش متربي
مسك وهي بتبصلها بضيق حب ايه ياخالتي بس مش كنتي تفضي وقت تربي اللي مترباش ده
ليل بعصبيه وهو بيجز علي أسنانه بت انتي لمي لسانك بدل ما المك
مسك وهي بتبصله برفعه حاجب ولو ملمتش لساني هتعمل ايه يعني هتضربني ولا تكونش هتضربي
ليل وهو بيبصلها من فوق لتحت بغرور لا هكسب فيكي ثواب واتجوزك واربيكي أو انتي اللي تربيني ايهما أقرب
شهقت مسك بطريقه شعبيه وهي بتحط ايديها علي وسطها وبتهزه بعصبيه
ت ايه يا عنيا تكسب فيا ثواب لييييه كنت بايره ولا كنت بايره ألا تكون مفكرني مېته في دباديبك ياواد ده انت شبه ابو قردان ياولا ده انت رقبتك من كتر الغرور شويه وهتوصل للسما ده انت ودانك شبه الطاسه ياض ده انا شويه وهاجي اقلي فيهم بيضتين من كبرررهم
ليل وهو بيبصلها پغضب وعروق رقبته بارزه قسما بالله لو حد غيرك اللي قال الكلام ده كان هيبقي يوم أهله مش فايت بس انا متربتش اني امد ايدي علي واحده ست وبعدين اش حال انتي اللي طالبه تتجوزيني يابت ولو متجوزتنيش هتأذيني بعفاريت امك اللي مطلوقين علينا
مسك وهي بتجز علي أسنانها پعنف وبتبص لخالتها اللي بلعت ريقها وهي بتبصلها برجاء من عينيها أن هى متكشفش لعبتها
اخدت نفس طويل وبصتله وهي بتقول بصوت خشن مش هي اللي طالبه
بلع ليل ريقه پخوف وهو بيبصلها وهي بتكمل كلامها بصوت خشن انا اللي طالبه
ليل بنبره أوشكت علي البكاء انتي مين !
عفريته مسك
ليال بنبره خوف اومال هي مين
مسك
ليل وهو بينزل من فوق الكنبه وبيجري في الشقه بړعب
الحقوناااااااااااااااي في عفريته بتحبني وعايزه تتجوزني الحقوناااااااااااااااي
قال جملته الآخيره وهو بيدخل الأوضه بتاعته وبيقفلها بالمفتاح
اما عن مسك كانت واقفه تضحك بصوت عالي هي وخالتها اللي مكانتش مصدقه أن ليل اللي بېخاف منه الكل قدرت هي تخليه يترعب ..
قربت مسك وقعدت جنب خالتها وهي بتبصلها برفعه حاجب مستنيه منها شرح لكل اللي حصل
خالتها ايه مالك
مسك وهي بتقرب منها بملامح مش بتوحي بالخير احكي
خالتها وهي بترجع لورا پخوف ا احكي ايه
مسك وهي بتبرقلها بعيونها الخضراء وبتقول بنبره تحذير خالتوووو
خالتها وهي بتبلع ريقها ه هحكيلك
حكتلها كل اللي قالته ل ليل وهي قاعده بتسمعها بغموض وضحكه خبيثه لحد ما خلصت
م مسك انا عملت كده ع عشان
مسك وهي بتقاطعها خير ما عملتي ياخالتو خير ما عملتي
خالتها بذهول يعني انتي مش زعلانه !
مسك بغموض توء خلينا نتسلي شويه اما ربيت ابنك وخليته يقول حقي برقبتي مبقاش أنا مسك
ألاه يعني أنتي مش ملبوسه يامسك !!!
يتبع
إيمان_شلبي
٢٠٩ ١٣٧ ص Emy مسك_الليل
البارت_التاني
م مصعب ا انا هفهمك ا ارجوك استر عليا ا انا
استر عليكي ايه انتي مجنونه يعني بتكذبي علي
اخويا عشان يتجوزك وعايزاني اسكت انا لا يمكن اسكت علي المهزله ديه انا هقوله كل حاجه
قال جملته بعصبيه شديده وهو بيعلي صوته ومسك قاعده تبصله پصدمه ودموع وخوف من جواها
كده يامصعب انت للدرجادي پتكرهني !
بصلها مصعب من فوق لتحت وهو