انتشلني مچنون بقلم إيمان شلبي

الثاني بقلمي ايمان شلبي
معرفش فات وقت قد ايه بالظبط وانا فاقده الوعي !
يمكن ساعه اتنين يمكن اكتر او يمكن مفاتش غير دقايق
مكنتش عارفه انا فين ياتري لسه في مكاني علي الارض
او ياتري حد شالني بعيد عن الناس المؤذيه ديه كلها
طب وانا هعرف ازاي وانا مش شايفه اي حاجه !
من المؤكد نظارتي اتكسرت من الوقعه
طب هعمل ايه !
هشوف ازاي دلوقتي
مين هيوصلني بيتي
الف سؤال وسؤال جه في بالي في الثانيه الواحده وانا فاتحه عيني ومش شايفه غير طشاش حتي مفيش قدامي بني آدم واحد يطمني
حاولت اقوم سندت ذراعي علي شيئ ناعم من الواضح أنه جلد
قلبي دق بړعب وانا ببلع ريقي وبسأل بنبره كلها خوف ودموعي علي خدي
ا انا فين
مفيش رد
فزاد خۏفي وانا حاسه ان قلبي هيقف من كتر ما هو مړعوپ من المجهول
قومت وقفت وانا بلف يمين وشمال پخوف
انا فين حد يرد عليا أنا فين
ثواني وسمعت صوت باب بيتفتح وحد بيجري بسرعه رهيبه نحيتي
خۏفت اكتر وفضلت ارجع لورا وانا بهز راسي پخوف ودموعي بتزيد علي خدي وبتخلي الرؤيه معدومه تماما
ااااه لا لا ارجوك لا متأذنيش ا ارجوك
قولتها لما خبطت في حاجه صلبه من الواضح انها حيطه وفي شخص بيقرب مني لحد ما وقف قدامي مباشره
وفجأه حط حاجه علي عيوني اول ما حطها شوفت كل حاجه
ديه نظارتي
واللي زاد صدمتي الشخص اللي شوفته واقف قدامي
ي يوسف
ابتسم ابتسامه خفيفه وسألني بهدوء
انتي كويسه
بصيت حوليا وانا بسأل بجهل وتوهان
انا فين
متقلقيش انتي هنا في مكتبي
مكتبك !
حط أيده في جيبه وهز رأسه
انا اللي جيبتك هنا
ازاي انا مش فاهمه حاجه انت عرفت منين
اتنهد وشاولي بهدوء علي الكرسي اللي قدام مكتبه
طب اتفضلي اقعدي وانا هفهمك كل حاجه
بلعت ريقي وهزيت راسي بتوتر وقعدت علي الكرسي وهو قعد ورا مكتبه
سند أيده الاتنين علي المكتب وسألني بهدوء
انتي كويسه دلوقتي
فركت ايدي بتوتر وانا ببص في الأرض وبرد بهمس
ا الحمد لله
ورفعت راسي وسألت بتوتر
ممكن اعرف ايه اللي حصل بالظبط
اللي حصل اني كنت داخل المدرج وشوفتك بټضربي بنت بالقلم وفجأه وقعتي علي الارض
وانت كنت في المدرج بتعمل ايه انت طالب معانا
ضحك علي غبائي وبص حوليه وهو بيسأل بسخريه
وهو من أمتي الطلاب عندهم مكاتب في الكليه !
هبدت علي المكتب بعصبيه
اومال انت مين !!
انا ابن دكتور عبد الرازق كنت هدي المحاضره بداله النهارده
دكتور عبد الرازق اللي بيدينا مهارات !
بالظبط
انت كداب
رفع حاجبه بذهول
كداب
ايوه كداب لانك جاري وساكن قدامي وعايش لوحدك
رد بحزن
مش يمكن انا حابب كده
رديت بتلقائية
مفيش حد بيحب يعيش لوحده
بصلي في عيوني بحزن اكبر
لما تكوني عايشه مع ناس مش عارفين قيمتك ولا بيحبوكي ولا حاسين بوجودك هتختاري تعيشي لوحدك اهون من ده كله
بصيتله والدموع بتلمع في عيني
بس دكتور عبد الرازق بيحبك
ضحك بسخريه
مين قال كده
هو دايما يحكي عنك دايما يقول انك اغلي حد في حياته
ضحك بۏجع
بيحكي عن ابنه مش عني
رديت
باستغراب
طب ما انت ابنه!
انا مش ابنه يا ايمان
رديت پصدمه
مش ابنه !!!
هز رأسه بنفي
انا ابن اخوه هو اللي رباني بعد مۏت اهلي
رديت بحزن
الله يرحمهم
مراته مش بتحبني ولا حتي ابن عمي عشان كده انا قررت اعيش لوحدي
وعمك وافق !
ضحك بسخريه
كأنه ما صدق لما قولتله اني هعيش لوحدي
ب بس اكيد هو مش ذنبه اكيد مرات عمك هي اللي بتضغط عليه
ايا كان مبقاش فارق معايا انا كده حاسس براحه اكتر
ابتسمت بحزن
بكره تتجوز ويبقي عندك زوجه وعيال مش هتبقي محتاج لوجود حد
ابتسم بخفه وهو بيبصلي بغموض
قريب اوي
اتوترت ووشي احمر وانا ببلع ريقي بتوتر
ا احم ا انا