سكريبت عمي

المفروض انى اطلبها منك .. و كفاية بقا .. كل مرة تقوليلى نفس الكلمتين دول .. انا بردو بنى آدم و بحس .. انا من حقى احس انى عايش مع حد بيحبنى و عايزنى و بيهتم بيا .. مش كل شوية يفكرنى إنى مكروه و غير مرغوب فيا و مفروض عليه .. تعبت من انى بادى من غير ما باخد .. من حقى اكون مع حد بيقدر اللى بعمله عشانه و بيحاول عشانى زى ما بحاول .. بيفهمنى و يحس بيا مش من أقل حاجة يعمل معايا مشكلة و كأنه واقفلى على
عمي ميصحش
موقع أيام نيوز
غلطة
كنت بتكلم بعصبية لدرجة إن عروق رقبتى كانت بارزة .. حسيت انى موجوع .. اڼفجرت بعد ما كنت كاتم كل ده جوايا .. خلاص مبقتش قادر استحمل اكتر من كدة
انا كنت ببقى فى عز تعبى و ضغطى من الشغل و كنت بستحمل عنادك و خناقك و مبتكلمش .. كان نفسى فى مرة اسمع منك كلمة حلوة تهون عليا تعبى .. كلمة واحدة كانت هتخلينى طاير فى السما .. كان نفسى احس انك بتحاولى تقربى زى ما بقرب .. بس حتى المحاولة كنتى مستخسراها فيا .. الفكرة مش انك مش قادرة تحبينى .. انتى مديتيش نفسك فرصة أصلا
كانت بصالى بهدوء
و عينيها فيها دموع .. باين عليها انها متفاجئة بكلامى لإنى عمرى ما كلمتها بالطريقة دى قبل كدة و يمكن هى مكنتش متوقعة منى انى اڼفجر كدة ضحكة صغيرة طلعت منها و بعدين قالت
و مادام كدة بقا ايه اللى جابرك تعيش معايا .. فى راجل محترم بردو يقبل على نفسه يعيش مع واحدة مش عايزاه و عاملة فيه كل ده
مټخافيش اوى كدة انا مش همجى زى ما انتى فاكرانى .. و لا هرجعك لابوكى بوشك وارم و لا دراعك مكسور زى ما بتقوليله ..
ابتسامتى اختفت
الحمدلله ابويا و أمى علمونى ازاى احترم الست اللى هتبقى مسؤولة منى
سندت ايدى ورا راسها و بصيت فى عينيها
و عايزك تعرفى حاجة واحدة .. انا طول الفترة اللى فاتت كنت بعاملك بما يرضى الله عشان مش عايز اخون الأمانة اللى ابوكى مأمنى عليها و عشان ميهونش عليا انى ازعل عمتى الله يحرمها و هى نايمة ف تربتها مش عشان بعيد و مبحسش .. كنت فاكر انك فاهمة حاجة زى دى
بعدت عنها و دخلت اوضتى لبست بسرعة و نزلت من غير كلمة تانية .. و سايبها ورايا بټعيط كنت مخڼوق بطريقة متتوصفش .. مكنش نفسى ابدا اوصل معاها لكدة بس خلاص مبقاش فيا طاقة و مبقتش مستحمل انا مكنتش بتضايق من عصبيتها و عنادها و كنت بجاريها و بحتويها .. و كنت مستعد اعمل اى حاجة عشان علاقتنا تتصلح و تقوى و نعيش حياتنا بسعادة مع بعض .. بس خلاص فاض بيا و خاصة لما ملاقيش تقدير لأى حاجة بعملها .. كان نفسى بس احس منها بأى خطوة نحيتى .. خطوة واحدة بس ..
قضيت باقى اليوم كله فى الشغل و فضلت بايت فى القسم .. و تانى يوم بردو فضلت هناك لحد الساعة 10 بالليل كنت بقرا ورق قضية لما موبايلى رن و لقيته حمايا مكنتش فى مزاج خالص انى اكلمه دلوقتى و خاصة لو متصل عشان يارا اشتكتله منى اتنهدت بعمق و رديت عليه
انت فين يا استاذ
و عليكم السلام يا عمى .. انا فى الشغل يعنى هكون فين .. خير
البت
يارا برن عليها من امبارح بالليل و تليفونها مقفول و عديت عليها فى البيت برن الجرس محدش بيفتح
يتبع ..
تسلمولى يجماعة على تفاعلكوا و تعليقاتكوا القمر دى بحبكوا مستنية رأيكم فى الكومنتات
اسكريبت
البارت الرابع
البت يارا برن عليها من امبارح بالليل و تليفونها مقفول و عديت عليها فى البيت برن الجرس و محدش بيفتح
ازاى يعنى .. ما يمكن فى الصيدلية
صاحب الصيدلية قالى انه مشفهاش خالص النهاردة
يعنى ايه الكلام ده .. طب انا جاى
ماشى و انا هحصلك ع الشقة
طلعت من مكتبى و ركبت عربيتى بسرعة و انا قلقان .. ليكون جرالها
حاجة و لا عملت فى نفسها حاجة دى مچنونة و انا عارفها .. ده لو حصل فعلا ابوها هيقتلنى .. يا الله بجد دايما مشيلانى همها كدة و انا معاها و انا بعيد عنها ..
وصلت البيت لقيت حمايا واقف اودام العمارة
انت ازاى متعرفش حاجة عن مراتك كدة
قالهالى و انا بفتح الشقة بالمفتاح
معرفش ايه بس يا عمى انا بايت فى مكتبى من امبارح
دخلت الشقة انا و هو و ملقناش صوت خالص ابوها نده عليها و انا دخلت بصيت فى كل الأوض و الحمام بس الغريب إنى ملقتهاش فى اى حتة
ازاى مش موجودة
مش عارف هى مقالتليش إنها خارجة
شټمتها فى سرى لإنى منبه عليها مليون مرة إنها لو هتخرج تبعتلى رسالة حتى لو انا بايت برة البيت حتى لو مټخانقين و مقطعين بعض .. يخربيت عندك اللى مش عارف هيودينا لفين ده يا يارا طلعت موبايلى اتصل بيها و بردو مقفول و للأسف الجيران اللى ف وشنا مسافرين مش هعرف اسألهم شافوها و لا لأ
طب معاك رقم اى حد من صحابها يا عمى
معايا أچندة فيها كل ارقام صحابها فى البيت عندى
نزلت مع حمايا من العمارة و روحنا على بيته بس قبلها عدينا على الصيدلية اللى شغالة فيها و صاحبها قالنا انه مشافهاش بردو و حتى متصلتش بيه تبلغه انها مش جاية عمى طلع الأچندة اللى فيها الأرقام و اتصلنا على كذا واحدة من صحابها بس قالوا انهم مشافوهاش
بص بقا ده رقم سلوى .. انا اعرف انها مقربة من يارا يعنى .. ان شاء الله هتفيدنا
هزيت راسى و انا بفتكر الاسم ده كويس .. دى صاحبتها اللى كانت عندنا فى الشقة يوم ما سمعتهم بيتكلموا عليا كتبنا رقمها و اتصلنا بيها
لا يا عمو للأسف مشوفتهاش النهاردة و امبارح خالص و لا كلمتنى
بردو .. طب يبنتى الله يسترك لو كلمتك و لا عرفتى حاجة عنها طمنينى
حاضر يا عمو متقلقش
قفل معاها و بصلى بقلق .. اتنهدت بعمق و مسحت وشى بكف ايدى بعصبية .. يعنى ايه مش لاقينها .. هتروح فين فى وقت زى ده
_________________
اوووف اعصابى سابت .. انا ازاى طاوعتك فى حاجة زى دى
ما تجمدى كدة يا سلوى فى ايه
هو ايه اللى اجمد يا يارا انتى مشوفتيش ابوكى كان بيتكلم ازاى .. بصراحة شكله قلقان عليكى اوى
عارفة انه قلقان بس اعمل ايه يعنى
كملت بعصبية و الدموع ابتدت تتجمع فى عينيا
انا تعبت و من ساعة ما اتخانقت مع مراد و انا مبقتش طايقة اقعد فى البيت ده دقيقة واحدة .. و لو روحت لبابا هيقعدنى معاه يومين و فى الأخر هيخلينى اروح معاه بردو و انا مش عايزة
هو للدرجة دى الخناقة بينكوا كبيرة المرة دى ..
اصل انتو دايما بتتخانقوا يعنى و عمرك ما قررتى تختفى