عشقت مشوه بقلم إسراء إبراهيم

اسكربت
عشقت مشوه
إنتي فعلا بتشتغلي عند بدر الصياد! ده انتي الله يكون في عونك
فرح رفعت حاجبها باستغراب
أيوة ماله يعني بدر الصياد هو بياكل البني آدمين ولا إيه ما راجل زي كل الرجالة ولا عشان غني شوية وبعدين يا ستي أحسنلي من مرمطة الشوارع.
روضة بتضحك بس ضحكة قصيرة مليانة معنى
إنتي بتتكلمي كإنك مش هامك حاجة... اصلا انتي شوفتيه يعني قبل كدة
فرح باستغراب اكبر وفضول
قصدك إيه عني بشوفته ولا لا ما هو راجل زي اي راجل عنده قصر وفلوس وأنا شغالة هنا باخد أجرتي وخلاص... قوليلي ليه بتسأليني السؤال ده
روضة هزت راسها بتفهم
قوليلي بس الاول انتي بجد شوفتيه ولا لا
فرح بفضول وتردد
أنا! لأ مشفتوش..... أنا لسه اصلا مكملتش كام يوم هنا وشغلي كله في المطبخ تحت.... بس انتي خليتيني عندي فضول قوليلي بقى ماله بدر الصياد! وإيه لازمة سؤالك إني شوفته ولا لأ جاوبيني
روضة وهي بتديها صندوق الخضار
بصي يا حبيبتي بدر الصياد ده محدش يعرفه كويس.... اللي سمعته إنه شديد قوي وقاسې ومعندوش قلب
فرح بتوتر وقلق
قاسې يعني إيه بيضرب اللي بيشتغلو عنده يعني ولا ايه
روضة بصوت واطي وكأنها بتحكي سر
اللي اعرفه من الناس إنه حصلتله حاډثة زمان ومن بعدها مظهرش قدام حد ولا حد شافه ابدا
فرح بقلق واستغراب
حاډثة! طب وإيه يعني ما اي حد ممكن تحصله حاډثة
روضة بتلقائية
بس مش اي حد بيختفي من بعد ما تحصله حاډثة.... بقولك من وقتها مظهرش ابدا ولا حد شافه وفي ناس بتقول اټشل وفي ناس بتقول اتعمي. وفي اللي يقول اتلبس اللهم احفظنا و الكلام كتير
فرح پخوف وهي بتترعش
إيه ده! انتي بتخوفيني ليه طيب انا كدة مش هعرف اشتغل هنا
روضة بتبتسم
أنا ما بخوفكيش أنا بقولك اللي سمعته.... والليبس اللي كل الناس متأكدين منه إنه من بعد الحاډثة بقى أقسى من الأول و قلبه بقي حجر.
فرح بحيرة وهي بتعض شفايفها
يعني إيه أقسى! انا كدة خۏفت اكتر
روضة بهدوء
يعني بقي معندوش رحمة. اللي يغلط معاه بيروح في ستين داهية. وبصراحة في ناس كتير شمتانين فيه عشان أيام زمان كان مش مظبوط في حياته ولا في شغله.
فرح بتتنهد بحيرة وقلق
فعلا انا من وقت ما جيت ومحدش حتي جاب سيرته... معقولة للدرجادي خايفين منه وهو راعبهم
روضة بثقة
واكتر... انا من اللي سمعته عنه اليوم اللي باجي اسلم فيه الخضار كل شهر بيبقي اسوأ يوم بالنسبالي
فرح بصوت مهزوز
بصي أنا ماليش دعوة بكل ده. أنا شغلي في المطبخ تحت. وأوضته فوق محدش بيطلعها. ولا حتي أنا
مفيش غير ست صفية ودي هنا من زمان
روضة بابتسامة
اهي صفية دي عارفة كل حاجة واصل الحكاية
فرح بتوهان
لا لا... أنا مالي اصلا. هو فوق وأنا تحت. يبعد عني وأبعد عنه ولا يمكن هسأل حاجة صفية
روضة بابتسامة تشجيع
جدعة خليكي في حالك وخلاص بس خلي بالك برضه....بدر ده ليه سر
فرح بتوتر وخوف
سر إيه.... أنا مليش دعوة بيه اصلا انا جيت عشان اللقمة..... إن شا الله يطلع قتال قتلة ولا عفريت ربنا يستر وخلاص
روضة ضحكت وهي بتمشي و تسيب فرح واقفة عند باب القصر متبعاها بتوتر وهي مړعوپة من كل اللي سمعته منها وبتلعن نفسها انها هي اللي خرجت تستلم منها الخضار
..............................
كانت فرح واقفة في المطبخ بتقطع خضار وفضولها غلبها وبتفكر في كلام روضة واللي قالته عن بدر الصياد فرفعت عينيها على صفية اللي كانت بترتب حاجة فوق الرف وقربت منها
فرح بنبرة مترددة
ست صفية هو ممكن أسألك سؤال
صفية ببصلها باستغراب وبحدة
انتي لسه جاية ليكي يومين وبدأتي تسألي شكلك مش هتطولي هنا
فرح اتوترت وردت بسرعة
لا والله أنا ما قصدتش أضايقك. بس يعني أنا من ساعة ما جيت هنا مشوفتش أي حد. لا داخل ولا طالع كإن القصر دا مقطوع من الدنيا ف جالي فضول يعني اسالك
صفية ضړبت كف بكف وهي بتطلع تنهيدة طويلة منها
يا نهار مش فايت وفضول كمان.... يا بنتي إنتي شكلك غلبانة أوي. اسمعي نصيحتي ابعدي عن الأسئلة دي وخليكي في شغلك. لو عاوزة تفضلي هنا وتاكلي لقمة عيش وإياكي تدوري ورا اللي مش يخصك ولا عاوزة تقطعي عيشك وترجعي للشارع
فرح بلهفة ودموع لمعت في عينيها
لا بالله عليكي ما تقوليش كدة... أنا محتاجة الشغل دا اوي محتاجاه أكتر من أي حاجة..... لو ما مفضلتش هنا همشي أروح فين
صفية بتبصلها بتقيم وبتلمح الخۏف في صوتها
هو إيه اللي جابك هنا يا فرح شكلك مش زي البنات اللي بييجوا من بيوتهم انتي جاية منين
فرح عضت شفايفها وقالت بسرعة كإنها خاېفة تضعف
أنا أنا جاية من الملجأ... من يوم ما مشيت منه وأنا بدور على سقف يلمني كنت بنام في بيوت ناس يومين تلاتة وفي أيام ما لاقيش غير الشارع.... والله لو ما مكنتش اشتغلت هنا كان زماني دلوقتي مرمية برا زي الكلاب في الشارع
صفية قلبها رق ڠصب عنها وحطت إيدها على كتف فرح
يا ساتر يا رب انتي عديتي كتير أوي يا بنتي.... بصي انتي صعبتي عليا بس نصيحتي ليكي حافظي علي اكل عيشك وليكي عليا هعتبرك بنتي اللي مخلفتهاش
فرح بسرعة والدموع بتنزل على خدها
حاضر والله وبالله عليكي ما تخلنيش أمشي. وأنا هسمع كلامك و أوعدك هتعلم منك كل حاجة وهعمل شغلي زي ما تقولي بالظبط ومش هسأل ولا كلمة تاني عن اي حاجة متخصنيش
صفية ابتسامتها وسعت أكتر ومدت إيدها ومسحت دموعها
خلاص يا بنتي ما تعيطيش. واعتبريني أمك من النهاردة.... وطول ما انتي هنا في أمان ومتقلقيش محدش يقدر يمد إيده عليكي ولا يظلمك طول ما صفية عايشة.
فرح ما قدرتش تمسك نفسها ورمت نفسها في حضنها
ياااه والله أنا كنت محتاجة حد زيك في حياتي... أنا من ساعة ما جيت الدنيا دي مسمعتش حد يقولي اعتبريني أمك..... ربنا يخليكي ليا.
صفية ابتسمت وهي بتطبطب على ضهرها
خلاص يا فرح والمهم توعديني بقى ان مفيش أسئلة ولا كلام فاضي.... شغلك وبس و القصر ده ليه أسراره وأنا مش هقدر أقولك أكتر من كده.
فرح وهي لسه ماسكة فيها
أوعدك أوعدك ماليش دعوة بأي حاجة. أنا هنا عشان أتعلم منك وأشتغل وخلاص.
صفية بهدوء فيه حنية
يبقى كده تمام. من انهاردة هتتعلمي كل حاجة على إيدي. ولو حصلت معاكي ولاحد ضايقك هنا من البنات اللي بتشتغل هنا تعاليلي و أنا هنا هتصرف
فرح ابتسمت وهي ماسكة إيد صفية
حاضر ومش هنسالك المعروف ده طول عمري.
صفية وهي بتضحك ضحكة صغيرة
يا ستي ربنا يكتبلك الخير.... يلا بقى نكمل شغلنا قبل ما المغرب يأذن
فرح بحماس لأول مرة من يوم ما دخلت القصر
حاضر يا أمي قصدي يا ست صفية
صفية لمعت عينيها بالدموع من الكلمة بس ابتسمت وقالت
قولي يا أمي وخلاص يمكن ربنا جابك هنا عشان تسدي مكان فاضي في قلبي.
فرح ضحكت والدموع في عينيها
وأنا كمان كنت محتاجة مكان أرتاح فيه ومش مصدقة إني لقيته.
ووقفو الاتنين يكملوا الشغل والاتنين جوة قلبهم حاجة بتتغير صفية لأول