تركت حبيبي لاجلها بقلم إسراء إبراهيم

تعمل ايه فاستسلمت للامر الواقع وقالت الرقم لاحمد وانتبهت فاتن ان احمد بيكتب في تليفونه رقم سلمي فاتعصبت وقامت جري عليهم
فاتن بخبث علي فكره يا احمد سلمي بعد الساعه 12 بالليل بتبقي مشغوله فمتكلمهاش بعد 12 صحبتي بقي وانا عارفاها
وضحكت فاتن ضحكة خبيثة ومشيت تحت نظرات سلمي المزهوله من كلامها لحد ما انتبهت لصوت احمد
احمد باستغراب يعني ايه بتبقي مشغوله بعد 12 بتكلمي مين يعني
سلمي بارتباك
فوني بيفصل شبكه لوحده بس انا صلحته ونسيت اقولها
ابتسم احمد لسلمي طيب كويس انك صلحتيه عشان نعرف نرغي براحتنا
سلمي بلعت ريقها واتنفست وقالت
بابتسامه ان شاءالله
...............................
انتي هتعملي ايه بالخط الجديد ده يافاتن
قالت كده ساره صحبت فاتن وسلمي وجارتهم برضه
فاتن بغل مفيش حاجه محتجاه وخلاص
ساره باستغراب ماانتي معاكي خطين يابنتي في تليفونك
فاتن بزهق قولتلك محتاجه هجبلو فون وهستخدمه بدل الكبير ده في الاماكن القريبه ها ارتحتي
ساره بتفهم اااه يابنتي ما تقولي كده من بدري
فاتن بضيق وانتي ادتيني فرصه اقول حاجه
ساره بضحك حقك عليا بس كنت مستغربه مش اكتر المهم هتعملي ايه مع سلمي يابنتي انا كلمتها ولقيت انها مجبوره علي الخطوبه فترة قصيره بس
فاتن بستهزاء ودخل عليكي كلامها دي مفكراني هبله دي شكلها كانت بتشاغلو من بدري يابنتي ده بابا بيقولي ان احمد شكله بيحبها
ساره بعتاب يابنتي وايه عرفك بس انها كانت بتشاغله سلمي مش بس صحبتنا دي اختنا من واحنا عيال وعمرها ما كانت كده ولا تعرف تعمل ده
فاتن بغل لا ياحبيبتي كنا مغشوشين فيها كانت عامله دور الصاحبه الجدعه لكن دي عمرها ماكانت سالكه انتي مشوفتيش كانت فرحانه ازاي وخصوصا وهي بتديله رقمها
ساره پصدمة ياشيخه حرام عليكي متظلميهاش استني فترة ولو مسبتوش زي ما قالت يبقي كان معاكي حق لكن لو سابته يبقي انتي كنتي ظلماها
فاتن بلا مبالاه اما نشوف ياست ساره
....................................
وحشتيني
قال كده احمد في اول مكالمه لسلمي
سلمي بس سلمي مردتش وكان قلبها بيدق ومتوترة
احمد بقلق فينك يابنتي ساكتة ليه اوعي تكوني قفلتي في وشي
سلمي بكسوف احم معاك
احمد فهم انها مكسوفه فقال بابتسامة
معايا فين بس دانا بكلم نفسي
سلمي بتلقائية لا معاك والله
احمد بخبث وادام معايا مش بتردي ليه بقولك وحشتيني
سلمي بارتباك احنا لسه مخطوبين من يومين
احمد بصدق هو احنا لسه مخطوبين من يومين اه بس انا بحبك من زمان اوي وكنت اتمني تبصيلي وتشوفيني
سلمي بهدوء انا مكنتش اعرف حاجه غير المذاكره عشان شهادتي مكنتش ببص لاي حاجه تانيه بس هو انا ممكن اسألك سؤال
احمد بحب اكيد يا حبيبتي اسألي
سلمي بتردد هو انت ليه مخطبتش فاتن بنت عمك دي جميله ومش هتلاقي زيها
احمد بتفكير مع انه سؤال غريب بس بصي ياستي اولا فاتن دي اختي وعمري ما بصتلها غير اختي ولو علي الجمال فمفيش حد فجمالك انتي ولو لفيت الدنيا كلها عمري ماهلاقي زيك
اتكسف سلمي من كلام احمد وسكتت
فاحمد كمل كلامه وقال
وانا مبحبش البنت الجريئه وفاتن جريئه شويه فممكن ده سبب تاني
سلمي باندفاع لا علي فكره فاتن مش جريئه بس هي تلقائيه وبريئه
احمد باستغراب بصي ياسلمي في فرق بين البنت التلقائيه اللي بتقول كل حاجه في قلبها وفي فرق بين الجريئه في لبسها وشكلها واسلوبها ومتهيقلي انتي فاهمه قصدي وبعدين يا ستي انتي خدتيني في حته تانيه خالص انا مش عايز حد غيرك
سلمي بزعل طيب بعد اذنك انا عايزة انام
احمد بتعجب كل ده عشان فاتن
سلمي بحزن لا ابدا بس عايزة

انام عندي محاضرات بكره بدري
احمد بيأس