تركت حبيبي لاجلها بقلم إسراء إبراهيم

اسكربت
تركت حبيبي لاجلها
بحبه اوي ياسلمي ومش قادره اتخيل حياتي من غيره
قطع كلام فاتن دخول فتحي بباها وهو بيقول مبرووك ياسلمي احمد طلب ايدك من ابوكي واحنا قاعدين مع بعض وابوكي وافق
بصت فاتن لسلمي پصدمه
احمد مين يابابا
فتحي بابتسامة
احمد ابن عمك الله يرحمه الف مبروك يابنتي لو لفيتي الدنيا كلها مش هتلاقي حد زي احمد وشكله كده كان بيحبك من زمان
وغمز فتحي بعينه لسلمي وسابهم وخرج
سلمي پصدمه لفاتن
هو ايه اللي بباكي بيقوله ده
فاتن بحزن وعصبيه وهو انتي بتسأليني انا
سلمي بتلقائية والله العظيم مااعرف اي حاجه انتي عبيطه هبقي عارفه حاجه زي كده واسكت
فاتن پغضب اه ياحبيبتي عشان تاخديه ليكي وانتي عارفه ان صاحبت عمرك بتحبه بس انتي اللي من جواكي مش كويسه ومش سالكه
سلمي كانت بتسمع فاتن پصدمه وقالت بدموع
انا وحشه اوي كده في نظرك عموما انا اسفه علي حاجه مليش يد فيها
وخرجت سلمي من عند فاتن ونزلت علي بيتها وفصلت فاتن رايحة جاية پغضب .......
............................................
سلمي بكسوف بابا عايزة اتكلم مع حضرتك
عمر وهو بيتعدل في قعدته
يبقي الراجل اللي اقول عليه ايه بس ابو فاتن متبقاش في بوقه فوله وراح قالك عارفو راجل ناقص مع اني قولتله اني انا اللي عايز اقولك عشان اشوف الفرحه في عنيكي
ردت سلمي بسرعة وهي بتقعد جنب ابوها علي الكنبه لا يابابا لو سمحت انا مش عايزة احمد ومش موافقة عليه
عمر پصدمه
ليه كده ياحبيبتي دانا قولت انك هطيري من الفرحه ده الواد شكله بيحبك
سلمي بدون تفكير لا يابابا حضرتك عمرك ما غصبت عليا في حاجه لو سمحت يابابا انا مش عايزاه
عمر بتفكير
طيب هقول للواد ايه دانا وافقت وكمان الواد مفهوش غلطه يابنتي بيصلي وعارف ربنا و محترم وحنين علي امه
سلمي باصرار
يابابا قوله اني مش موافقه
عمر بتفكير مش هينفع يابنتي بعد ما اديت الواد كلمه مشفتيهوش كان عامل ازاي لما قولتله حدد معاد وتعالي انت ومامتك
سلمي غمضت عنيها بحزن فاتنهد عمر وقال بصي يابنتي ادي لنفسك فرصه طيب عرفتي تحبي تمام معرفتيش اهو اتخطبيلو فترة وخلاص و
انا عمري ما غصبتك علي حاجه فأتمني يابنتي متكسريش كلمة ابوكي واوعدك طول ماانتي مش عايزاه عمري ما هجوزهولك بس ادي لنفسك فرصه
سلمي هزت راسها بيأس وحضنت ابوها وعيونها فيها دموع مستخبيه
وعمر طبطب علي ضهر سلمي بحنية
حبيبتي يابنتي بس عايزك تجهزي نفسك علي يوم الخميس ان شاءالله عشان احمد ومامته جاين
هزت سلمي راسها وقامت دخلت اوضتها وهي بتفكر في كلام فاتن وقلبها بيتقطع وفي نفس الوقت هي عذراها لانه احمد بالنسبالها حياه او مۏت
.............................
مبروك ياسلمي قالت كده فاتن باحتقار بعد قراية فتحت سلمي وأحمد
سلمي وهي بتقرب علي فاتن وبتقول بحزن انا اسفه بس والله كل ده فترة مؤقته
بصت فاتن باحتقار لسلمي وسابتها ومشيت و قربت من احمد وقالت مبروك يااحمد ربنا ما يتمم بخير
انتبه احمد وقال بتقولي ايه يا فاتن
فاتن بتصنع بدعيلكم ان ربنا يتمم بخير
احمد بابتسامه الله يبارك فيكي
وسابها احمد وقرب من سلمي وقال مبروك عليا يا سلمي
بصت سلمي لاحمد ونقلت نظرها لفاتن اللي كانت متبعاهم وقالت بصوت خاڤت
الله يبارك فيك
احمد بابتسامه وهو بيقرب علي ودن سلمي وقالها بهمس متتخيليش انا كنت بحلم باليوم ده ازاي والحمدلله ربنا حققهولي
ابتسمت سلمي وبصت في الارض بخجل
احمد وهو متابع حركات وكسوف سلمي طيب خلاص متتكسفيش كده ممكن بقي رقم التليفون عشان اعرف اكلمك وعلي فكره انا استأذنت عمي وسمحلي بده
اتحرجت سلمي ومبقتش عارفه