ورد صغيرتي كاملة بقلم خلود ناجي

عندي تجارة ...هي بتاعة جدي بس انا اللي بديرها..... جدي كمال هو اللي دعمني ...وقف في ضهري بجد بني شخصية جديدة....علم الورد ازاي تكون شوك.... هو كان أكبر عدو ليا ....دلوقتي هو اغلي شخص في حياتي....اهلي بيطمنوا عليا من خلاله وعزيز كمان ....والحقيقة اني مش حابة خالص اتواصل معاهم اصلا .... بس النهاردة قررت ارجع تعرفوا ليه.... اخيرا صفا ورحيم هيتجوزوا .... غريب البشر طول العمر استاذ رحيم هو اللي بيجري ورا صفا ولما رفضته هو سابها خالص .... بس هي ....هي تعبت كتير جدي قالي أن حفيدته اتغيرت وبقيت علطول ساكتة ومش بتتكلم مع حد ولا تتعامل مع حد ....بس رحيم علمها الأدب عن طريق أنه اتجاهلها وهي قدام عنيه ودا اكتر شي يقتلنا .... .. واخيرا قرر يحن عليها ويتجوزها طبعا بعد ما رباها علي رفضها ..... العلاقات البشرية دي معقدة بشكل ....
عزيز يا سيدي قولي هي فين ! انا طول الوقت دا ومحترم رغبتها بس خلاص بقي
انت مالك بيها وبعدين هي مش عايزاك روح شوف شغلك ومستقبلك
انت عارف اني طلبت أيدها و....
وهي رفضتك
هو انت جدي انا ولا جدها هي ...انت مقويها علينا
تعمل اللي عايزاه طول ماانا عايش ومش هرتاح غير لما اسلمها لرجل يدلعها اكتر ويدعمها مش يطردها
... انا ماشي
اقفل الباب وراك ...وجهز نفسك عشان النهاردة الدبيح وناس كتير هتيجي
طيب
صفا رحيم انا مبسوطة اوي
طيب
هو انت مجبر علي الجوازة دي انت بطلت تعاملني زي الاول
لا يا صفا انا بعاملك زي الاول بس لما تحترمي اني خلاص جوزك وكلمتي تتنفذ يبقي وقتها ادلعك زي الاول انا مش بحب اني اقول حاجة وانت تيجي قدام جدك وتعملي العكس جدك علي عيني وراسي بس كلامي هيمشي برضوا
انا مكنش قصدي
حصل خير ...
عيطت انا حقيقي بحبك يا رحيم كفاية انك تحاسبني علي رفضي ليك الفترة دي كلها بجد كفاية ...انا اعمل ايه عشان تسامحني طيب ... عارفة اني كنت مغرورة وبأذيك جامد بكلامي وتصرفاتي بس انا والله مكنتش فاكرة انك هتزعل كدا ...بس حقك عليا قولي اعمل ايه عشان ارضيك طيب
انك تضحكي ... صفا انا مش بعاقبك والله بس الفكرة اني مش هقدر اهزر وادلعك قدام اهلك هنا انا فعلا كنت زعلان منك بس أنت عارفة انك روحي ...في حد يزعل من روحه ... من النهاردة هنبدأ صفحة جديدة .. بداية جديدة لحياة جديدة....
ابتسمت وانا وقتها عرفت اني الحياة هدتني رحيم علي كل حاجة وحشة حصلت معايا ...رحيم ... احن واجمل هدية هفضل حياتي كلها عارفة قيمتها .....
عفاف يا سارا هات بنتك شوية
ام جمال بضحك البنت بتحبك اكتر مننا
ايهاب يا سارا بنتك شقية ومشاغبة
سارا طالعة لخالتها ورد ...
جمال هي ورد مش عايزة تشوفنا لحد دلوقتي
عفاف المهم انها بخير يا بني
ايهاب ورد بقيت حد تاني بقيت نسخة من كمال بكبرياءه وقوته وأسلوب كلامه بقيت تقف في نص الرجالة وتمشي كلامها علي الكل بدون خوف....شوفتها مرة وحقيقي كنت مبسوط بيها بس مشيت عشان هي مش عايزة تشوف حد فينا بس انا مطمن ورد دلوقتي تقدر تواجه الدنيا كلها لوحدها ....
ام جمال بنتك هترجع باذن الله كمان النهاردة حنة صحبتها احتمال تيجي
عفاف پبكاء مش هتيجي هي مش بتظهر خالص ...بس هي وحشتني اوي ...ووحشني مشاغبتها
سارا الله ليه العياط يا فوفا ...انا موجودة اهو وبنتي كمان وهنعمل احلي شغب
غياب ورد كسرنا فعلا ولفت انتباهنا أن اهلنا ليهم علينا حق عشان كدا قررنا أننا هنقضي باقي حياتنا في البلد هنا ونعوض اهلنا ... والدنيا بوجود اللي بنحبهم بتكون اخف واحلي
صفا سيدي كمال ايه رأيك ! خالي عزيز ... جدي سيدي رفعت ايه رايكم
رفعت ربنا يحفظك يابنتي ....
البيت كان مليان ناس كتير الكل فرحان طبل ورقص ...حاسة اني ملكت الدنيا الكل حواليا ... بس انا مفتقدة صديقة عمري ... لأمتي يا ورد هتفضلي بعيدة كدا ...يارب تيجي
عفاف الف مبروك يا بنتي
سارا الف مبروك يا صفا
ابتسمت الله يبارك فيكم
اهل ورد بقيتوا اهلي يعتبر وكلنا دلوقتي بنتقابل كتير في بيت جدي كمال والنهاردة الحنة والفرح في بيت جدي برضوا ....
رحيم هو كمال بيه منتظر حد.!
مش عارف والله ...
كمال اخيرا وصلتي
جدو حبيبي
عفاف عزيز صفا ورد !!!!!
الكل أتصدم وفرحنا بوجودها بس ورد المرادي غير واحدة حرفيا أنوثتها كاملة وواثقة من نفسها جميلة جدا وضحكتها فيها قوة رهيبة نظرات عينيها فيها تحدي وكبرياء يشبه جدنا.... كانت لابسة فستان ازرق طويل بس حقيقي كانت جميلة اوي ....حضنت جدنا
وحشتني اوي يا جدو
اخيرا رجعتي....
عزيز مبسوط !! مش عارفة حاسس اني الدنيا مش سايعني بس مين دي ورد بقيت حد تاني اللمعة اللي في عينيها جميلة غيران ! مش عارف الحقيقة مش عارف غير اني زعلان أنها بس مش بتكلم غير جدنا ...هان عليها الوقت دا تبعد عننا... ورد بقيت واحدة تقدر تخضع وتجبر اي حد علي اي شي هي عايزاه... هي ازاي حلوة كدا !!..بس فرحتي اني شوفتها كانت كفيلة تنسيني كل حاجة تانية ....
عفاف دموعي نزلت لما شوفتها بنتي بقيت نسخة مني بنتي بقيت تقدر خلاص تقف لوحدها من غير حد ...بنتي وحشتني اوي اوي
صفا ورد ...وحشتيني اوي
وأنت اوي بس ايه الحلاوة دي
مش هسمحلك تمشي تاني
وعد مش هبعد تاني .... ماما هتفضلي واقفة بعيد كدا ...
عفاف بدموع وحشتيني
حضنتها وانت اكتر... كفاية دموع بقي النهاردة فرحة البنت ..فين بابا !
ايهاب انا هنا
ضحكت وحضنته وحشتني يا راجل
حضڼي جامد وعرفت قد ايه هو وحشني وانا وحشته .....
مين الكتكوتة دي ...
سارا نسختك التانية ...هنا
ضحكت كتكوتة اوي
كمال اقعدي يلا
مسكت أيده هقعد جنبك...
كنت ملاحظة نظرات عزيز بس الحقيقة هو بالذات مش هعبره زعلت لما عرفت خير ۏفاة تيتا فيروز ... كنت مبسوطة مع الكل بس الكل اتجمعوا علي رأي واحد اني اتغيرت ...ودي الحقيقة ....
دكتور باسم ...مش مصدقة انك هنا
باسم اخبارك ايه يا آنسة ورد
بخير الحمد لله
كمال اتفضل يا دكتور اقعد ...
عزيز هو جدي بيخلي الكل يقرب منها ليه وهي قاعدة مع الدكتور دا وبتضحك ليه !
حمزة عاجبني اوي اللي لابسة ازرق دي ....اخيرا لاقيتها
رحيم بتوتر دي ... دي قريبة عزيز
عزيز. بغيظ انت بتقول ايه انت التاني !
حمزة رحيم انا عايز اعرف مين دي واتقدملها ومستعد اكتب عليها دلوقتي
عزيز فعلا !! انت في بيتنا واهلك غاليين عند جدي يبقي تاخد واجبك وانت ساكت وتمشي
حمزة بتحدي وانت مالك ! انا واحد طالب الحلال ....انا بكلمك ليه اصلا انا هطلب أيدها من كمال بيه
كانت ناقصك قرف انت التاني
جدي الله المزمار الصعيدي .... بالله نرقص عليه
تعالي ....
كنت فرحانة بجد رقصت مع اهلي كلهم كنت حاسة اني اخف من الفراشة اهلي حواليا والكل مبسوط وانا كدا كأن قلبي عمره ما داق لحظة حزن قبل كدا ... الإنسان بيفرح لما يلاقي نفسه اول حاجة ويحبها ....
عزيز نخف شوية الناس كلها بتبص عليك
ببساطة انت مالك !
بقولك ايه بلاش تستفزيني
وريني هتعمل ايه !
هعمل كدا .... بعد اذنك يا عمي
سحب أيدي بالڠصب وخلاني اقعد جنبه
لو فكرت تعمل الحركة دي تاني هكسرلك ايدك
وانت لو وقفتي ترقصي تاني هكسرلك رجلك وعضمك كله معنديش ستات تعمل كدا
انا غريبة عنك
أنت اقرب ليا من نفسي
انا معرفش غير اسمك اصلا
بس انا اعرف عنك كل حاجة
يبقي تعرف اني نفسها اللي طردتها من بيتك قبل كدا
وانت نفسك اللي قلبي وبيتي مفتوحين العمر كله في انتظارك
من أمتي وانت شاطر في الكلام كدا !
ببساطة عشان دي مشاعري يا ورد
ولو رفضتها يا عزيز
الحقيقة غيابك طال اوي وانا مش عايز اخسرك تاني يا ورد ...انا بطلب ايدك يا ورد وطلبت ايدك كذا مرة من عمي ايهاب وجدي كمال
كمال بس مش لوحدك الدكتور طلب أيدها وحمزة وخالد والشباب كلهم مناسبين ومن عائلات محترمة
اتعصب يا جدي انا حفيدك ...اصلا انت لو طلبت منها بس تتجوزني هي هتوافق انما انت بتحرضها عليا
كمال بنتي تعمل اللي عايزاه
صح يا جدو كمال....
عزيز هقولك عرض حلو .... انت مش بتحبي جدي كمال اتجوزيني عشان أنا شبهه نسخة ولما اكبر هكون نسخة منه ...حتي بصي ....
بصيت لجدي وضحكت..... الحقيقة جدي كمال هو الوحيد اللي عارف اني من زمان وبحب حفيده وهو اللي طلب مني ابعد عنه....هو عارف اني مش هكون غير لحفيده وطول عمره بيقدمني للكل بأني حفيدته ومرات حفيده عزيز المستقبلية ... حاجة غريبة بس كانت بتريحني اوقات كتير.... عزيز اتقدملي رسمي.... والحقيقة انا وافقت لاني عارفة اني عايزاه وكفاية اوي خداع نفسي .... انا محتاج دلوقتي اعيش حياتي بين اهلي وجوزي ......
بعد ٨ سنين
يا زين فينك
زين ماما ايه رأيك بقي ! ركبت الحصان لوحدي
ابني الشاطر...
أنت ام جبارة حقيقي ... ابنك بيقف ويتناقش معايا كأنه راجل كبير
والله انا مربية ابني علي النقاش وابني يعمل اللي عايزاه طول ما هو صح
والله جدي الله يرحمه هو السبب في دلعك دا
الله يرحمه وحشني اوي اوي يا عزيز
ربنا يرحمه ...عارفة متوقعتش انك بتحبي جدي كدا لدرجة أنك كل شهر تعملي اطعام عشانه وتطلعي صدقات كبيرة
انا بحبه اوي هو خلاني اعيش حياة جديدة انقذ حياتي نفسها وحلمي .... جدو كمال كان كل الحلو في حياتي
وانا من الحوداق يعني
اه ...انت من الحوداق عندك مانع
زين وانا ياماما
انت روح قلبي ونن عيوني من جوا ....انما ابوك ....يدوبك روحي بس
ضحكت لما هو ضحك ...
صفا ورحيم خلفوا تؤام عزيز ورؤي....وسارا بقي عندها ولدين برضوا ...ماما وبابا بيحبوا الاولاد اكتر مننا حقيقي .... الحياة مش الطف حاجة بس هادية ومريحة بالناس اللي بنحبهم ...طول حياتي پامن بشي كل حاجة بتحصل معانا لسبب .... والبشر حلوين مهما ظهر منهم شړ .... وان الواحد هو الوحيد اللي قادر ينقذ نفسه .... وان الحياة رغم معاناتها كلها .... تستحق تتعاش وتتحب
جافيتني والذنب ذنبك
وظلمتني فالله حسبك
ما بال قلبك لا يرق
أمن صميم
الصخر قلبك!
وبخلت حتى بالرسائل
خوف أن تشفيه كتبك
وضننت حتى بالعتاب
وربما يكفيه عتبك
ومنعت حتى الطيف لا
يدنو وقرب الطيف قربك
صلني أو اهجر إنني
في الوصل والهجر أحبك
إن تبتعد أو تقترب
فأنا على الحالين صبك!
تمت بفضل الله