رواية جعلتني عاشقا الفصل الأول إلى الخامس بقلم أسماء محمد

اسفه خلاص هقوم اغيرلك واداري عنيا بقي الله
وفعلا احلام قامت غيرتله وكانت مفتحه عين ومغميه عين قال يعنى عشان مكسوفه وكده هي مش شايفه حاجه بس المنظر ده كان مفطس حمزه من الضحك
احلام خلاص نضفنا .. كنا يع خالص وماما احلام نضفتك وباسته الله علي ريحتك واخداه وخارجه من الباب انت هنا من بدري
حمزه بصلها وضحك من ساعه ما اعترفتى لوسام بالحقيقه وسابها ومشي
احلام حطه ايديها علي بوءها وبصت لوسام بابي سمعنا يا ويسو
تسنيم قاعده ف اوضتها وسانده ع الشباك وبتشرب نسكافيه
قامت منطوره من الخضه
يانهار اسود !!!
ده طلع امتى ده .. اعمل ايه اعمل ايه
حمزه نزل في الريسبشن ولقي موبيل احلام بيرن
حمزه احلام .. موبيلك بيرن
احلام اه هاتوا لقت احمد بيتصل
حمزه في حاجه ولا ايه
احلام ابدا حد مش مهم
حمزه ردي يمكن يكون في حاجه مهمه
احلام صدقنى مافيش حاجه وهي بتتكلم لقت مسدج فتحتها وحشتينى
حمزه حس ان في حاجه مالك
احلام ابدا عادي يابنى ..سابت الموبيل وقعدت
حمزه منزلش عينه علي الموبيل وھيموت ويعرف مين كان بيرن وليه اتغير حالها كده وشاكك انه احمد حبيبها
حمزه احلام معلش هاتى وسام واطلعي هاتيلي الدوا بتاعي نسيت اخده هتلاقيه في الاوضه
احلام حاضر .. امسكه كويس بس
حمزه بيتظاهر قدامها انه بيلاعب وسام لحد ما طلعت وقرب من الموبيل وفتحه
one messid call ahmed
msg form ahmed
فتحها لقي وحشتينى وفي قبليها كلام كتير شاف اللي عرف يشوفه وقفل وحطه مكانه وادايق اوووي مش عشان بيحبها بس عشان خاېف ترجعله تانى وتغلط ودي في وشه
احلام اهو الدوا
حمزه لا خلاص افتكرت ان انا اخدته . خدي وسام .. انا قاعد في الجنينه
اميمه حمزه .. حمزه
حمزه بيلف نعم يا ماما
اميمه ابنى انا هسافر بقي ها
حمزه ماشي يا حبيبتى اوصلي وطمنينى
اميمه طمنى انت بس علي وسام .. خلي بالك منه
احلام سلام يا طنط
اميمه سلام
سحر يلا يا امنيه عاوزين نلحق نروح لاختك
امنيه مالهاش لازمه يا ماما
سحر ازاي بقي دي اصول
امنيه بس هي مش هتبقي محتاجه حاجه نوديهالها
سحر يابنتى عشان ميقولوش مصدقنا نرمي بنتنا
امنيه عندك حق يا ماما .. انا هقوم البس هي وحشتنى اوووي اصلا
الباب بيرن
سحر البسي علي ما اشوف مين
امنيه طيب
سحر تسنيم حبيبتى ادخلي
تسنيم ازيك يا طنط قولت اكيد رايحين لاحلام .. حبيت اروح معاكوا
سحر تعالي يا حبيبتى تونسينا في الطريق ونعرفوا منك امبارح مرحناش وراها راحت من البيت مره واحده لعفش ولا جهاز ولا اي حاجه
تسنيم خلاص يا طنط بقي هي مبسوطه صدقينى
سحر هي كلمتك يا بنتى
تسنيم ماما كلمت حمزه الصبح وقالها كل حاجه تمام واحلام مرتاحه معاه
سحر الف حمد وشكر ليك يارب .. دعواتى والله دعوات ام يابنتى .. يلا يا زفته يا امنيه
امنيه براحه يا ماما .. تسنيم عامله ايه
تسنيم انا كويسه بس وحشتينى
امنيه بكاشه .. لسه شيفاكي امبارح
احلام وحمزه قاعدين بيتفرجوا علي التلفزيون جت برامج افراح وبيزيعوا الافراح من اول ما العروسه تروح الكوافير لحد ما تروح بيتهم
حمزه جه يقلب
احلام مسكت ايده عشان ميقلبش بعد اذنك متقلبش .. بحب اتفرج علي الحاجات دي
حمزه فضل مركز علي ملامح احلام وهي بتتفرج وحس ان دموعها هتبدا تنزل وفعلا نزلت
احلام في سرها يابخت البنت اللي بتعيش اللحظات دي لقت حمزه باصصلها مسحت دموعها وباست وسام علي جبينه وحضنته
حمزه عارف انى ظلمتك
احلام كان نفسي البس الفستان ده
حمزه بس مش معايا مش كده
احلام مع حد بيحبنى بجد
حمزه مع احمد !!
احلام اانت عرفت احمد منين
حمزه مش مهم منين بس هو صح
احلام لا مش هو وياريت متجبليش سيرته تانى..انا دلوقتى واحده متجوزه وعندي بيت .. وهعمل المستحيل عشان احافظ علي البيت ده
حمزه متعرفيش كلامك ده فرحنى اد ايه
احلام وانا مقولتهوش عشان يفرحك انا قولته عشان انا بجد حساه
داده اشرقت اهلا ياست هانم اتفضلو .. ازيك يا امنيه هانم
امنيه الله انا بقيت هانم
احلام قاعده ع الكنبه وبتبص هي وحمزه مامتى وحشتينى اووي يا ماما .. وحشتينى يا مونى
تسنيم وانا موحشتكيش
احلام انتى ليكي الوحشه كلها .. وحشتونى اووي بجد
حمزه بيحرك الكرسي يروحلهم اهلا وسهلا اتفضلوا .. زقرده ازيك
تسنيم زقرده ايه بس يا حمزه كبرنا خلاص
حمزه هتفضلي زقرده بردو
امنيه الله هو ده وسام يا احلام .. ياكميله حلو اوووي
حمزه شوفتى بقيتى خالتو بسرعه ازاي في يوم وليله
سحر عامله ايه يابنتى البيت وحش من غير شقاوتك وضحكك وجنانك
حمزه طلعتى مجنونه يعنى يا احلام مش باين عليكي
احلام الهم بيكبر
مش عارفه اوصفلكوا كلمه احلام احرجت حمزه قد ايه ووجعتله قلبه وكان بيتمنى الارض تتشق وتبلعه
حمزه طيب انا هستأذن ..
سحر خليك يابنى
حمزه لا يا امي .. هسبكوا تقعدوا براحتكوا .. انا فوق
تسنيم استنى يا حمزه عاوزاك
حمزه تعالي فوق طيب
سحر شوفتى جبنالك ايه
احلام الله الجيتار بتاعي ..
امنيه انا قولت انتى بتحبي تقعدي تعزفي وتغنى مع نفسك وبيسليكي
احلام بس انا هنا بتسلي بوسام .. والجيتار هيشغلنى عنه
حمزه خديه يا احلام متحرميش نفسك من حاجه عشان وسام
احلام انا احرم نفسي من كل حاجه عشانه .. طلع حمزه ومعاه تسنيم متعرفيش يا ماما حبيته قد ايه وكأنه بجد ابنى وحته منى ده امبارح نام في حضنى وسكت معيطش .. واليوم هو اللي صحانى قعد يلعب في وشي
لحد ماصحيت .. ماما انا غيرتله من غير ما اتكسف
سحر تتكسفي ازاي يعنى اكيد مش هتتكسفي
احلام حست انها غلطت في الكلام بتصلح الموقف لا اقصد انى عمري ما غيرت لنونات
سحر ربنا يكرمك يابنتى ويسعدك
امنيه هاتى العب بيه شويا الصغنوني ده ياخلابي علي الجمال
احلام داده اشرقت داده اشرقت
داده اشرقت ايوه ياست هانم
احلام تعالي اعرفك علي اهلي .. دي مامتى ودي امنيه اختى
داده اشرقت ما انا عارفاهم ياست هانم .. ربنا يخليها ليكوا ويخليكوا ليها .. احلام هانم زي البلسم يتحط علي الچرح يطيب والله
سحر الله يخليكي يا حبيبتى
داده اشرقت مش قادره اقولك وسام حبها اد ايه .. علي طول معاها ومش بيعيط خالص .. لما بيشوفها بيسكت
سحر هي حنينه والاطفال بتحبها
داده اشرقت اه والله ربنا يخليها ليكوا يارب
احلام يخليكي ليا يا داده
حمزه ايه بقي ياستى كنتى عاوزه ايه
تسنيم عاوزاك تاخد بالك من احلام
حمزه في عنيا بس ليه
تسنيم احلام لما كانت في الجامعه كان في واحد بيحبها اسمه قاطعها
حمزه اسمه احمد صح
تسنيم انت عرفت احمد منين هي حكتلك
حمزه مش مهم .. ماله سي احمد ده
تسنيم بس مش ده احمد اللي كان معاها في الجامعه اللي كان معاها ده اسمه امير
حمزه باستغراب امير !! .. ماله ده
تسنيم ده مريض نفسي مچنون احلام .. ممكن ېقتل عشانها ..
حمزه بدا يتعدل في قاعدته وبعدين
تسنيم بس هي صدقنى مش بتحبه بالعكس دي بتكرهه كره العمي .. لانه كان سبب انها تسيب احمد ده
حمزه يااا دي طلعت لفه بقي
تسنيم حمزه انا مسمحلكش
حمزه كملي كملي
تسنيم خلي بالك من مراتك .. امير ده كان في مصحه نفسيه وطلع امبارح وبيدور علي احلام
حمزه متخفيش انا هعرف احمي بيتى ومراتى
تسنيم صدقنى مادام احلام هنا .. هتعمل المستحيل عشان تحافظ علي كل فرد في البيت ده حتى لو كان عثمان الجنينى ..انت لسه متعرفهاش بجد
حمزه مسيري اعرفها بجد
تسنيم يلا انا هنزل ارغي معاها شويا عشان وحشتنى .. مش كفايه اخدتها مننا
حمزه امشي يا زقرده حمزه مسك موبيله واتصل بالشركه بتاعته الو .. ايوه يابنى .. زودلي الحراسه علي البيت اه بالظبط .. عاوز حراسه الضعف
وتركبلي كاميرات في كل حته في البيت .. لما نشوف اخرتها ايه
حمزه خلص مكلمته ونزل
وهو نازل سمع احلام
سحر حمزه عامل ايه معاكي
احلام حمزه طيب وجدع مخلاش مامته تدايقنى امبارح .. سايبنى اعمل اللي يريحنى .. متخفيش عليا يا ماما .. انا كويسه ومتجوزه راجل هيخاف عليا ويصونى
سحر نسيتى احمد
احلام اكذب عليكي لو قولت نسيته
تسنيم ايه يا لولا بقي مبسوطه هنا
احلام اهو وبصت ع وسام لقيت حاجه تشغلنى
تسنيم اوعي تضيعي حمزه ووسام منك اانا بقولك اهو
احلام وسام ده غيرلي حياتى 180 درجه
تسنيم ومتنسيش ان حمزه هو السبب في ده
احلام وحمزه جدع جدا وكويس .
سحر يلا بقي كفايه كدا ورانا بيت نشوف هنعمل اكل ايه والبت دي مامتها هتقلق كده.
احلام ماما انتوا لسه ملحقتوش تقعدوا
سحر عشان جوزك بقي
احلام هتوحشينى اوووي ابقوا تعالو والنبي
سحر هنجيلك والله
تسنيم انا بقي 24 ساعه هكون عندك .. بيت صحبتى وقريبي في نفس الوقت
احلام ده انتى تيجي وانا امشي
تسنيم حافظي علي بيتك يا احلام
احلام هعمل كل اللي في ايدي
امنيه هيوحشنى صوتك اوووي وانتى مصدعانا في البيت
احلام هههههههههههه هصدعهم هنا بقي
سحر يلا سلميلي علي حمزه بقي
احلام استنى اندهولك
سحر لا يابنتى خلاص .. متتعبهوش حرام .. خلي بالك من جوزك يابنتى خلاص دي بقت مسئوليتك
احلام سندت راسها علي الباب واتنهدت حاضر يا ماما
بليل
احلام نزله بالبيجامه وبعد ما نيمت وسام واطمنت عليه
احلام ينفع ادخل
داده اشرقت تعالي ياست هانم
احلام ست هانم ايه بس .. اسمي احلام .. احلام وبس
داده اشرقت ميصحش يا ست هانم
احلام بردو هتقولي هانم .. لحقت ابقي هانم امتى .. انتى قد امى ميصحش تقولي هانم ..ده انتى اللي ست الهوانم كلهم
داده اشرقت ربنا يخليكي يابنتى .. بس ازاي ابنى حمزه سايب الجمال ده كله ومش قاعد معاكي
احلام لا ما انا كنت عند وسام .. بنام جمبه عشان ميصحاش يعيط
داده اشرقت بس انا لو من ابنى حمزه افضل جمبك مافيش في حلاوتك
احلام بتوه الموضوع خلاص يا داده بقي
داده اشرقت اصل ميسا الله يرحمها كانت راجل شويا وكل حاجه عندها البروتكول والنظام وميصحش وعيب ومنظرنا ايه .. بس ابنى حمزه اتعود علي كده
احلام انتى ليه يا داده بتقولي ابنى حمزه
داده اشرقت مش انا اللي مربياه يبقي ابنى
احلام احكيلي عنه طيب .. وايه سبب العجز ده
داده اشرقت هيييييي اوعي تقولي كده قدامه .. تحسسيه بعجزه اوووام .. والراجل يابنتى ميدايقهوش