سكريبت بقلم آية حمام

سارة بس ال إتكلمت معاها.
كان هيتكلم بس إتنهد وسكت قومت حطيت إلياس في سريره ورجعت قعدت جنبه وإتكلمت وأنا بمسح على كتفه
_مالك عايز تقول إيه ومش عارف تحكيه.
_يعني.. خاېف من ردة فعل أهلك وفي نفس الوقت حاسس إنك موجوعة.
_متخافش أيا كان قرار أهلي فأنا مش هسمع غير قراري وأنا قراري إني عمري ما هبعد عنك أبدا أنت حبيبي يا ياسين!
_آية والله أنا بحبك أنا عمري ما فكرت في الأمر دا علشان أنت وحشة أو علشان أنت مش مكفياني بس مشاعري مش بأيدي أتحكم فيها.
_أنا فاهمة وعارفة دا حقك ودا أفضل ليك بدل ما تعمل شيء غلط طالما حبك ليا مستمر فأنا راضية.
سحبني ف شديت عليه وأنا بحاول أتحكم في دموعي.
_يعني إيه يعني هو أنت ناقصة علشان يعمل كدا ولا إيه
_هو أي واحد بيتجوز على مراته بتكون ناقصة يا ماما ثم إن دا حقه!
_كسر حقه. أنت لازم تتطلقي منه.
_مستحيل أنا عمري ما هعمل كدا.
_يعني هتعيشي مع ضرة والله أعلم جوزك يحب الموضوع ويجيب التالتة والرابعة كمان.
_أنا هعيش معاه تحت جنته يا ماما هو معملش حاجة غلط.
_لاء عمل.
_يعني لو كان لا قدر الله وقع في فاحشة كان هيبقى أحسن
نهايته يا ماما أنا مش هتطلق وابني يتبهدل بعيد عن أبوه وآجي بعد كام سنة تزهقوا مني وبإيدكم تجوزوني لواحد كبير علشان وضعي أو تجوزوني لواحد متجوز برضه علشان يقبل وجود ابني!
أنا هعيش مع الرجل ال بحبه وال بيحبني وال بيعمل كل شيء يرضيني.
خلصت كلامي وأخدت شنطتي وابني وخرجت روحت البيت وجهزت الغدا على ما ييجي.
وفاتت الأيام برغم جدال أهلي المستمر وحتى أهله ال رافضين كدا وبيضغطوا عليه بيا لكن سبحان ال مخليني أستحمل كل دا.
_شكلك جميل أوي ما شاء الله بسم الله أرقيك من كل العيون ال تشوفك.
كنت بظبط له هدومه رايح كتب كتابه فلازم يكون متزين وعلى أحسن حال.
_خلي بالك على نفسك هكلمك كل يوم.
_متقلقش علينا.
خرج وهو بيسحب شنطة هدومه وأنا متابعاه قعدت على السرير وڠصب عني دموعي نزلت أنا أها موافقة على الوضع دا بس مقدرش ما أغيرش أو أتوجع لما أتخيله مع غيري!
_آية..
النهاردة ميعاد رجوعه طول اليوم بجهز البيت وبجهز حالي كإنه عيد وإن جيت للحق ف هو أكتر من العيد.
غايب عني أسبوع الأيام كانت تقيلة على القلب وكانت ملهاش أي طعم في غيابه.
خرجت بسرعة من الأوضة لما سمعت صوته وجريت عليه أضمه وأثبت لنفسي إنه رجع.
_وحشتني وحشتني أوي.
_أنت أكتر يا حبيبتي.. مشتاق لكل تفصيلة في حياتي معاك.
مسحت على وشه بحنية ودخلت أجيب له إلياس.
_أقعد معاه بقا على ما أجهز