فعلت المستحيل بقلم ملك وائل

يارب حرمت نفسي من سعادة حرمت ولادي مني بناتي يارب امنيتي اني ابقى اب و انا اب من 8سنين انا غبي و استاهل ااااه
الساعة بقت خمسه تفتكري هيجي
يارب يا مريم يارب انا عارفة ياسين هيجي حتى لو مش متاكد فكرة انه ممكن ينقذ طفل و خصوصا انه دلوقتي شاكك انه غلط و انها بنته
لقيت جميلة خارجه و هي بټعيط قومت بسرعة و ياسمين وراها في ايه مالك
بصيت لياسمين بعد حضنتني مالها جميلة يا ياسمين
قالت ياسمين و هي بټعيط علي دموع جميلة معرفش يا ماما انا كنت قاعده جنبها على السرير جوة بكلمها فجأة سكتت و هعيطت و جريت عليك
اخدت مريم ياسمين في حضنها اهدي يا ياسمين اختك كويسة تعالى تعالى اغسلي وشك
و مشيت و انا نزلت علي ركبتي و انا ببعد شعرها من على وشها وقول پخوف قوليلي يا روح ماما مالك يا قلبي في حاجة بټوجعك
هزت راسها بلا و هي بتقول من بين شهقاتها ماما انا خاېفة اوي انت قولتيلي اني لما هنام هصحى ابقى كويسة لكن مقولتليش اني هاخد حقنه قبل ما انام انا سمعت الدكتورة اللي مع الدكتور تحضر حقنة فيتامين يعني اي يا ماما!! و اني هخادها دلوقتي ماما انا بخاف من الحقن اوي و انت عارفه مش عايزة لالا
اخدتها في حضڼي و انا بمشي بيها على الاوضة يا قلبي دي حقنة صغيرة خالص علشان تبقي قوية اوي مش هتحسي بيها
رفعتها على السرير و قولت ليها بمرح عارفه لو اخديها هتبقي شطوره و هجيلك كل اللي انت عيزاه و ايه شئ
قالت ووهي بتمسح دموعها بضهر ايديها بجد يا مامي
بوستها من دماغها بجد يا روح مامي
اي ده عموا ياسين
بصيت ورايا بسرعة اول ما سمعت جملتها و لقيت ياسين جاي علينا بخطوات بطيئه جدا و عيونه متثبته على جميلة بندم ندم ظاهر و بشده كمان هدومة مش مترتبة وشه احمر قرب من السرير و قعد على ركبتة و هو بيتأمل ملامحها بحب رفع كف ايده و هو بېلمس وشها برقة و قال برعشه انت جميلة مش كده
كنت مستغربة ان جميلة تعرف ياسين و هو يعرفها لقيت جميلة قالت بتساع ليا ماما ده عموا اللي لعب معانا قبل كده
دموعي نزلت بقوة و انا بفتكر انهم افتكروه ابوهم لما شافوا عموا ده و ده اصلا باباهم
هز راسة بقوة و لقيته بعيط پقهر و هو بيشد جميلة لحضنة لا لا انا بابا يا جميلة انا بابا يا حبيبت قلب بابا و عيونه من جوه
غمض عيني و انا مش مصدقة جملتة الاخيرة ولا حالتة الضعيفة لقيت جميلة بعدد عنه و هي بتشاولي اقرب مسحت دموعي و قربت منها و هي همست مامي ده بابا بجد
ابتسمت بهدوء و انا بمسح على وشها بلطف اه يا عيون ماما ده بابا
ضحكت جميلة ضحكه رقيقة ضحكت على ضحكتها و هو بعيط و مش مصدق و بدأ يبوسها من خدودها و ايديها بحب و بعيط بابا بټعيط ليه
سامحيني يا جميلة سامحيني يا قلبي انا اسف اسف قوليلي يا بابا تاني قولي بابا تاني يا قلبي
قالت بفرح انها و أخيرا قالت الكلمة اللي كل صحابها بيقولوها بابا
انتهد بقوة و بصلي بعيونة الحمرا ياسمين فين ياسمين بنتي صح
هزيت راسي و انا ببعد وشي و حطيت ايدي على بوقي اكتم شهقاتي و في نفس اللحظة لقيت مريم داخلة بياسمين اللي اول ما سمع صوتها قام بكل قوة جري عليها تحت صدمة مريم اللي بصالي حضنها بقوة و هو بيشم ريحتها يا حبيبت قلبي يا روحي يا عمري انت
ضحكت بلطف عموا ياسين
بعدد عن حضنها و هو بيهز راسه بلا و قال بمشاعر جياشة انا بابا يا قلبي ابوكي انت و اختك
بصتلي پصدمة و هي مش مصدقة و انا هزيت راسي بموافقة على كلامة لقتها حضنته تاني و بقوة اكتر و قالت بعتاب كنت فين يا بابا انا و جميلة كنا كل يوم بليل بندعي تيجي نشوفك و تلعب معانا
مش هبعد تاني ابدا ابدا هفضل معاكم طول عمري و طول حياتي اسف يا قلب بابا
بعدد عن حضنه و هي بتمسح دموعه بطفولة ده وعد انك مش هتعبد تاني انا و جميلة عايزينك تبقى معانا و ماما كنت بسمعها و هي بتصلي و تقول اسمك بټعيط
بصيت لبعيد لما بصلي و بعد عن جميلة خرجت برة الاوضة
و بعد دقايق لقيته خرج ورايا حسيت بية حسيت بنفسة اللي مش منتظم حسيت بضربات قلبة السريعه همس برعشة مليكة انا عرفت الحقيقة رنا كلمتني كلمتني بعد ما سمعت كلامك و روحت لدكتور اتأكد كلمتني قالتلي انها غيرت كل التقارير و اديت للدكاترة فلوس علشان يقولوا اني مستحيل اخلف انا
قاطعته و انا بلف له ياسين بعد اذنك ادخل للدكتور علشان تجهز للعملية
قرب كام خطوه مني و هو بيقول برجاك اسمعيني بس انا مش جاي اقول اسف لانها كلمة قليلة اوي اوي انا جاي اقولك اني ب
متقولهاش متقولهاش يا ياسين
دموعة نزلت و اجبرني ابص في عيونه اللي كلها ندم طيب فرصة فرصة
العملية يا ياسين بعد ما اطمن على بنتي
و سبيته و مشيت مشيت بعيد عنه و
انا بكتم شهقاتي علشان بيسمعهاش مني بحمد ربنا انه عرف الحقيقة بس بعد فوات الاوان بعد سنين بعد ما شك فيا حتى لو بحبه مش هينفع نرجع عارفة هو هيقول ايه عارفة انه عنيد و هيعمل المستحيل علشان نرجع بس كرامتي صعب صعب اثق فيه تاني حتى لو على حساب قلبي
و بعد يوم الفحوصات اتعملت لياسين و طلع معندوش اي مشاكل و نسبة التطابق نسبة ميه في الميه
كنت واقفة قدام باب العمليات انا و حنين و بعد زعيق في مريم انها تمشي هي و ياسمين علشان نفسيتها
كنت راحه جاية بقلق العملية طولت المفروض تلت ساعات دلوقتي احنا داخلين على خمس ساعات
مليكة اقعدي اهدي
قولت بقلق مش قادره يا حنين مش قادره
كنت بفرق في ايدي بتوتر و اخيرا لقيت باب العمليات بيتفتح و بيخرج منه الدكتور بتعب جريت علية انا و حنين و قولت بلهفه طمني يا دكتور بنتي جميلة بخير
ابتسمت بأرهاق العملية نجحت و جميلة هتبقى زي الفل
بكيت من الفرحة و حنين قالت الحمدلله الحمدلله
قربت من الدكتور و قولت بعد ما بلعت ريقي و ياسين
انتهد الدكتور هو كويس بس حصله شلل مؤقت نتيجة العملية
انت بتقول ايه مستحيل
متقلقيش مش شلل كلي حضرتك رجلة هتبقى من الصعب يحركها بعد العملية هتبقى تقيلة يعني مع العلاج الطبيعي ممكن شهر او اتنين و يبقى زي الفل بعد اذنك
ممكن اشوفهم
جميلة بعد اربعة وعشرين ساعة اما جوز حضرتك هيتنقل اوضة عادية و ممكن تشوفيه عادي
هزيت راسي بهدوء و بعد دقايق روحت اوضة كنت واقفه على الباب و شيفاه بيفوق و دموعي نزلت على الحالة اللي هيبقى فيها اول ما هيعرف دخلت له و قعد على الكرسي اللى جنب سريره و قولت ببتسامة حمدالله علي سلامتك
فتح عيونة ببطئ و هو بيحاول يهمس جميلة بنتي كويسة
محستش بنفسي غير و انا بطبطب على ايده زي الفل بقت كويسة الحمدلله
حاول يقوم و يحرك رجله لكن معرفش بصلي تاني و هو بيقول بستغراب مش حاسس برجلي يا مليكة!!
قولت و انا بحاول ابتسم له لكني ڠصب عني دموعي نزلت اسفة لكن الدكتور قال ان عندك شلل مؤقت حاجة شبة بسبب العملية و مع العلاج الطبيعي خلال شهر او اتنين هتمشي عادي اسفة
كنت بعيط عليه لكن فجأة حسيت بكهرباء بتخترق جسمي مع لمسة ايده على خدي بيمسح دموعي بحب بصتلة و انا شايفه ابتسامتة و انت پتبكي ليه مش اهم حاجة جميلة بقت كويسة خلاص ليه الدموع دي
بعيط عليك على حالتك
ضحك بضعف يا مليكة مش مهم كلها كام يوم هرجع يعني ممكن تعدليني
طبعا
قربت منه و انا بعدل المخده و مسكت كتفه و انا بعدله بهدوء و من غير ما احس لقيتني باصه على وشة القريب مني اوي و عيونه الي متبعاني بحب و شوق
كنت حاسه بنفسة بيضرب في وشي لقيتة همس ممكن اعمل حاجة بس من غير ما اضايقك
مستناش اني اوافق و لقيت ايده الاثنان بتتلف عليا و بيشدني لحضنه پعنف اتصمرت مكاني مقدرتش ابادلة الحضن كنت حاسة بنفسه العالى و فجأة سمعت صوته اللي بيخرج بصعوبة و كأنه بعيط سامحيني انا اسف انا غبي انا متخلف سامحيني ولله بحب ولله مقدرت اكمل حياتي بعدك وحشني حضنك وحشني لمستك وحشني صوتك و صوت قلبك ليا عارف اني غلط اني شكيت فيك بس اقسم بالله ڠصب ڠصب عني كنت معمي كنت اهبل كنت كنت مصډوم كنت كل ليلة اقعد و اشم في هدومك اللي سبتيها كنت بتمني تبقي موجودة كنت بكدب نفسي ان غلط لكن شيطاني كان اقوى مني
جسمة بدأ ينتفض و انا دموعي نزلت و حضنته بقوة لاني انا كمان وحشني حضنة وحشني وحش قلبي المهزق
صوته اترعش اكتر و هو بيكمل و بيشدد من حضڼي ولله بحبك والله بحبك و بحب جميلة و ياسمين دول ولادي عارفه اني شوفتهم في الفندق قعد العب معاهم و منجذب عليهم معرفش ليه وقتها لكن دلوقتي عرفت علشان من دمي علشان انا ابوهم و انت امهم مليكة انا عايزك عايز نرجع علشان ولادنا و علشان انا مش هقدر اعيش من غيرك ولا غيرهم انا ممكن اموت
همست برعشة ياسين كفاية
هز راسه بقوة و هو بيضمني له اكتر و كأنه عايز يدخلني جوة ضلوعه و قال بنهيار مش قادر ابعد عنك انت انت وحشاني انا حابب انهار في حضنك سبيني ابقى ضعيف معاك سبيني اندم في حضنك مش قادر انا استحملت لغايت ما جيت المستشفى بالعافيه كنت محتاجك
غمض عيني پألم مينفعش يا ياسين مينفعش انا مش مراتك اللي انت بتعمله ده حرام ابعد بعد