هتتخطبي للي قتل حبيبك

كويس ربنا يعينك علي الي جاي
كنت عاوزة اسأله عمل كد لي وازاي وهو بتكلم كأنه شخص سوي ولطيف! هو انا ينفع اسأله بجد
_ اتأخرت لازم نمشي
يلا بينا
منكرش أنه كان بيفاجئني علي طول ب حاجات عمري ما حسيتها بوكية ورد شيك خاتم رقيق عزومة علي غدا في مكان راقي جدا فستان مكنتش اقدر علي تمنه كان دايما بيحاول يخليني مبسوطة! ياريته ما كان وحش! خسارة أنه يطلع وحش بعد كل دا .
ممكن نتكلم شويه
_ اكيد اتفضل
لي بحسك مخبيه حاجة لي قبل الخطوبة كنتي دايما مبينه انك بتحبيني وبعدها اتغيرتي ١٨٠ درجة
_ مفيش يا احمد أنا مضغوطة بس مش اكتر
من أي احكيلي ولو فيه اي مشكلة نحلها سوا أنا مش عاوزك خالص تفكري في حاجة وانا موجود
ابتسمت ب تصنع _ لاء يحبيبي كله تمام بس نفسيتي بس مش مرتاحة هبقي كويسه
طب تعالي نخرج عشان نفسيتك تتظبط
خرجني في مكان كبير اوييي أقل ما يقال عنه أنه تحفه كانت كل حاجة متظبطة علي الملي كانت خروجة رومانسية من العيار التقيل بس قلبي رافض يحس ب اي حاجة نحيته .
رجعنا وفي الطريق وقف بالعربيه ثواني يمريم جاي اهو
خرج من العربية وراح عند بنوتة كانت قاعدة علي المصطبة قدامنا ازيك يحبيبتي عاملة اي
الحمد لله فل ورد يبه
هاتي واحدة يستي
بصتلي يارب تتجوزها
طب امسكي دول بقي عشان الدعوة الحلوة دييي وروحي يلا عشان الجو برد اوي عليكي
ربنا يكرمك يبيه ويفرحك يارب شكرا اوي
البنت مشيت ورجع ركب العربية واداني الوردة
حلوة
_ أيوة
زي البنت الحلوة الي معايا اه صحيح أنا عازمك بكرة علي الغدا عندنا
_ ملوش داعي
ملوش داعي أي دا بيتك! هستناكي بكرة تحت البيت ماما هتتبسط لما تيجي
روحت البيت معرفتش أنا من كتر التفكير فيه جزء مني بيقول أنه طيب وحنين ومفيش زيه وراجل تتمناه اي بنت وجزء تاني شايفه بعين وحشه اوييي السبب في كل حاجة قاسېة كان صراع معرفتش انام بسببه .
جه تحت البيت وروحنا بيته كان بيت كبير وشكله حلو اوي من برا دخلنا وسلمت علي مامته وباباه وقعدنا
تعالي افرجك علي البيت لحد ما الاكل يجهز
قومت معاه واتفرجت علي كل ركن تقريبا مكان مريح تحسي انك مش عاوزة تمشي منه
ودي اوضتي ها اي رأيك في الاوضه
_ حلوة اوييي زوقك حلو
غمز مهو واضح منك قولي انك اتثبتي عارف أنه تلزيق بس متدرب عليها من امبارح
فلتت مني ضحكة _ ايدا انت بترسم
أيوة اتفرجي عليهم كلهم
مسكت اللوح واتفرجت عليها كانت رسومات رقيقه
اوي مكنتش اعرف انه رسام شاطر كد!
_ انتي مغطي الرسمة دي لي
فك عنها الغطا عشان دي اغلي رسمة فيهم كلهم
كانت رسمة ليا تنحت قصادها _ تحفه دي حتي احلي مني
الرسمة حلوة عشان انتي الي فيها ها اي رأيك