حطام رجل بقلمي فاطيما يوسف

بترجع لطبيعتها تاني .
خبط زين على الدركسيون اللي قدامه بعصبيه وقال لها
_لحد امتى هتفضلي كده معانده
لحد امتى هتفضلي معيشانا في الحزن ومضيعه سنين عمرنا الحلوه في البعاد ولا انت هتقدري تعيشي مع غيري وانا واثق من كلامي ولا انا هقدر اتاقلم واحب غيرك انا بتنفسك انت وعايزك انت
انت انا وانا انت .
حطت ايديها على وشها وهي بتكتم عياطها وقالت له
_طب هعمل ايه في قلبي مش قادره انسى شكلك وبتقول لها انت اجمل واحده شفتها في الكون
مش قادره انسى ايديك اللي كانت ماسكه ايديها وبتبوسها وبتقول لها عيوني بتحبك
مش قادره انسى انك اتجوزتها عليا .
قال لها
_ما كنتش في وعي وقلت لك 100 مره ما كنتش في وعي اعمل ايه كنت متضايق معاكي ومټخانقين خڼاقه كبيره وشطاني صور لي ان انا علشان اكيدك اتجوز عليك وكل الكلام اللي انا قلته لها ده كنت بغيظك بيه علشان خاطر تغيري وتيجي تصالحيني لكن انت ساعتها دماغك تركبت على اننا نتطلق رغم اني فهمتك 100 مره ان انا عمري ما حبيت ولا هحب ولا بحب غيرك يا قمر .
قالت له بعيون مليانه بالڠضب
_علشان تخليني غير وتكدني تروح تتجوز عليا منطق ايه اللي بيقول كده
علشان اجي اصالحك من خڼاقه حصلت ما بينا وطولت شويه عشان كنت زعلانه منك تروح تجيب لي بره وتكسر قلبي وتخليها تكسرني وتخليني مقهوره .
رد على كلامها
_ده هو اسبوع واحد بس اللي فضلت فيه على ذمتي وكل يوم كنت هاجي عندك احاول اراضيكي وانت قافله على نفسك ولا بتتكلمي ولا بتنطقي
اسبوع واحد يخليكي تنهي حياتنا وحبنا علشان خاطر غلطه اعتذرت عليها واندمت وكانت في لحظه تسرع مني .
قالت له وهي بتمسح دموعها بالراحه
_انا فضلت اسبوع مصدومه وبحاول استوعب ان انت فعلا خڼتني وعرفت واحده غيري وقلت لها كلام زي اللي بتقوله لي هزيت ثقتي في نفسي خليتني شفتيني وحشه وضعيفه خلتني كرهتها وما بقتش عايزاني احبها تاني .
رد عليها زين وقال لها بحب
_حقك على قلبي للمره المليون
بجد انا غلطت واعترفت بغلطي انا والله ما لمستها طول الاسبوع ده ولا عمري قلبي شاف ست حلوه غيرك ولا عيوني عرفت جميله في جمالك ولا قلبي واحساسي وكياني هيكونوا في قمه سعادتهم واحساسهم وهم معاكي وبين ايديكي
وكمل كلامه وهو بيمسك ايديها وبيوديها ناحيه قلبه
_شايفه قلبي ما بيبطلش دقات في قربك
كانه بيعلن العصيان عليا في وجودك وفي حضرتك يا اغلى من روحي يا قمر لياليه ونور ايامي اللي ضلمت من يوم ما بعدتي عني وسبتيني .
ڠصب عنها ما قدرتش تشيل ايديها من ايديها ولا عينيها تفضل بصه لعينيه حبيبها وابو ابنها وحب عمرها من وهي صغيره بس كل لما تفتكر لحظات الحب اللي بينهم وتفتكر لحظه ه لواحده غيرها قلبها يثور وكرامتها توجعها فشدت ايديها بسرعه وقالت له
_من فضلك كفايه بقى انا تعبت وديني عربيتي عشان اروح للدكتوره لاني اعصابي تعبانه جدا ومش قادره استحمل اكتر من كده .
ما رضيش يضغط عليها النهارده تاني بس
هو حاسس بلحظه انتصار انه قدر يسيطر عليها شويه ويخليها تبص في عينيه ويشوف نظره الحب اللي شافها دي ولو للحظات وده في حد ذاته تقدم ان في امل فعل علاقتهم
واخدها وصلها للدكتور بنفسه لانه وعد اخوها وبعدين روحها تاني وهو مش مبطل كلام علشان خاطر يحاول يفكرها بايامهم الجميله ويشغل دماغها وتفكيرها بيه
وبقى كل يوم يبعت لها رسائل حب وغرام على