سكريبت بقلم ريم خالد

قرارك يريم..!
_ لا يعمر أنا وأختي من هنبقي جزء من القضية دي..
سكت عمر وهو حاطط أيده علي دماغه بسبب الصداع
قالها وهو بيقرب منها_أنا تعبت من المناهدة معاكي..
ضربها بالدماغ خلاها أغمي عليها وشالها وهو خارج بيها من المطبخ وندي أول شافته ضحكت وشالت إيلا ونزلت وراه وركبوا العربية
_ اي اللي وصل الموضوع لكدا..!
رد عليها بملل_ بتتكلم كتير وانا مصدع..
كانت إيلا عماله تبص علي ريم وعلي عمر وضړبت عمر في أيده من ورا بصلها وهو بيقولها.
_ مټخافيش هي نايمه بس..!
وصلوا لقدام بيت يشبه دوار صعيدي وريم فاقت وعمر بيجرها ورا وكانت عماله تزعق وبتحاول تفك نفسها منه وكانت مستنيهم شاب يبان عليه صعيدي وأبتسم لعمر أول ما شافه..
قاله عمر _أزيك يجابر عامل ايه..!
_ أهلا بولد العم كيفك ياخويا..!
_الحمد الله..
دخلوا كلهم لجوا البيت وعمر عمال يشد ريم وراه اللي عماله ټضرب في أيده لحد ما بصلها بعصبية سكتت وهي بتقوله بصوت واطي
_ أنت جايبني هنا لي..!
بصلها عمر وهو بيقول باستهزاء_ هخلي الصعايده يربوكي..
ضړبته ريم في دراعه وهو بيضحك وهي قالبة وشها بزعل لحد ما لقت راجل كبير داخل عليهم
_ كيفك يعمر كيفك يا ولدي..!
_ الحمدلله يجدي صحتك عامله اي!
_نحمده يا ولدي الحمدلله..
بص لريم وإيلا اللي عاملين يبصوا علي البيت ولأيد عمر اللي مكلبشة في ريم..
_أزيك يابنتي نورتي الدوار..
انتبهت ريم وهو بتبلع ريقها وبترد عليها
_شكرا جدا منور بأهله..
نادي بصوت عالي خلي ريم تتنفض في وقفتها
_ يا سلمي انتي يابت..!
_ ايوه يجدي جايه..
بص لريم وقال_خدي ضيفتنا فرجيها اوضتها وچيبلها حاجه من عندك تلبسها بدل اللي هي لبساه دا..
كلهم بصوا للي ريم لبساه وهي كمان بصت لقت نفسها لابسة بيجامة عليها ميكي ماوس ريم وشها أحمر وسلمي مسكتها وطلعوا علي السلم وإيلا في أيديها.
سلمي بأبتسامة_ أسمك اي!
_أسمي ريم ودي إيلا أختي الصغيرة..
_ أنا سلمي نورتوا الصعيد كلها..
وقفت ريم مكانها وهي بتقولها_ هو احنا في الصعيد..!
بصتلها البنت باستغراب وهي بتقول_ايوه انتوا في قنا..
فضلت ريم بصالها وهي فاتحة بوقها وسلمي قدامها عماله بتضحك..
تحت عند الرجاله
جده بهدوء_ متقلقش ياولدي هي في عنينا.
جابر أبن عمه قال وهو بيمد أيده بالشاي وبيقعد جنبه
_ هي في حمايتي يا واد عمي خلاص..
_ عشان كدا انا جبتها هنا عشان عارف أنكوا هتحموها بعنيكوا يلا ياندي معلش يجدي لازم نمشي..
_ تمشوا اي يا ولدي بيتوا هنا انهارده..
ندي ردت عليه وهي بتقول_ معلش يحج بس يدوب نلحق نمشي ..
_لا حول ولا قوه الا بالله ربنا معاكوا..
مشوا وهما راكبين العربية سألته ندي
_تفتكر ريم لما تعرف انها في الصعيد هتعمل اي!
ضحك وهو بيقول_ مش هتعمل حاجه كفايه نظرة من جدي هتسكتها..
_ أنت مصدقها يعمر..!
بصلها وهو بيقول_ لو مش مصدقها مكنتش حطتها وسط أهلي المهم جبتي أخبار عن البنت اللي مايكل قال عليها.
_ايوه صح البت دي أسمها لولا عليها قواضي كتير آداب بس بتخرج بسبب معارفها بس شغالة مع ظابط من بتوع الاداب بتجبله أخبار كتير وجبت المكان
اللي هي بتشتغل فيه دلوقت وفعلا عامر غندور بيتردد علي المكان دا دائما.
_نروح نقابلها عشان نخلص من الحوار دا عشان أخد أكبر من حجمه..
هزت رأسها وسكتت وكملوا طريقهم..
عند ريم قاعده في الأوضة هي وإيلا وسلمي قدامهم_ سلمي بجد إحنا في الصعيد..
_ دي تالت مرة تسأليني مالها الصعيد مش فاهمه.!
_ ملهاش بس انا معرفش العادات والتقاليد بتاعتكوا ومتعملتش مع صعايده قبل كدا ..!
_ أحنا مش بنعض ولما تعرفينا هتحبينا والله..
خبط علي الباب وكان