عاجزة ولكن بقلم إيمان شلبي

علي الكنبه بتبص قدامها بشرود لحد ما دخلت مامتها اللي سألتها باستغراب عن سبب خروجه بالسرعه ديه
ملك وهي بتقول بنبره حاولت تكون ثابته
معرفش
مديحه بشك
يعني ايه متعرفيش
ملك بعصبيه
يعني معرفش روحي اسأليه
قالت كلامها وكانت لسه هتخرج بس مامتها مسكتها من ايديها وهي بتصرخ في وشها بعصبيه
تستمر القصة أدناه
انتي ايه حكايتك ها ايه حكايتك كل عريس يجيلك يترفض محدش عاجبك مره أصله مش حلو مره أصله مش متعلم مره اصل عينه محوله مره اصل لبسه فلاحي مره طبعه مش حلو وانتي اصلا متعرفيش عنهم حاجه ولا بتقعدي معاهم كل مره اقول ماشي وماله البت لسه صغيره بكره تعقل وتفكر بعقلها
اقول ماشي يمكن هي عايزه حد كويس وماله بنتي مش وحشه جالك المناسب اهو ايه بقي السرعه اللي خرج بيها دي قولتيله ايه عشان يمشي كده ردي عليا
فاكر انه هيجيلك فاكره أنه هيعبرك سي زياد
اه ياختي متبصليش كده هو انتي مفكراني عيله صغيره ولا ايه انا عارفه انك متنيله علي عينك بتحبي واحد مش بيحبك بقالك سنين كنت بصبر اقول ماشي يمكن هو كمان بيحب البت بس خاېف يتقدم عشان مش معاه حاجه كنت بلمح لامه علي طول علي سبيل الهزار واقول يمكن تتكلم في الموضوع طول الوقت اقول يابت مانتي حبيتي ابوها سيبيها هي كمان تعيش وتتجوز اللي بتحبه
لكن لحد هنا وكفايه بقي خلاص الكيل طفح منك ومنه هو مش بيحبك خلاص انا روحت النهارده قولت لامه في عريس متقدملك وهو كان قاعد مشوفتيش وقتها فرحته كان فرحان وعمال يقولي اباركلك ويحكيلي عن حسين وعن قد ايه شخص كويس لانه جاي من طرفه ده كده شخص بيحبك
ردي علي امي ده كده بيحبك فوقي بقي من اوهامك دي فوقي وعيشي حياتك وادي فرصه لحد يستاهلك مش واحد طول الوقت عايز يرضي غروره بنظراتك ونظرات الحب اللي معيشاه فيها بغبائك فوووقي
قسما عظما يا ملك لو ما فوقتي وشيلتي الزفت ده من دماغك ليكون أول عريس متقدملك مجوزاكي ليه حتي لو كان ايه انتي سامعه !!!
كانت مديحه بتهز فيها بكل عصبيه وملك مع كل حقيقه بتقولها بټعيط بصمت وكأنها مكانتش عارفه الحقيقه ديه يعني
ماهي عارفه كل ده بس كانت بتحاول تكذب نفسها
سابتها مديحه فطلعت تجري علي اوضتها ودخلت وقفلت الباب بالمفتاح وسندت ظهرها عليه وهي بتترعش وجسمها كله بيتنفض وهي بتحاول تمنع صوت شهقاتها اللي خارجه من القلب
قعدت علي الارض وضمت ركبتها لصدرها وهي بتهز رأسها بهستريه وكأنها بتحاول تقنع نفسها أنه بيبادلها نفس شعورها !
فضلت علي حالها اكتر من نص ساعه وهي باصه قدامها بشرود ودموع رافضه ترحمها
سمعت صوته بيصفر في البلكونه عشان تطلع كالعاده
حطت ايديها علي قلبها اللي اتنفض وغمضت عينيها بقوه بتحاول تمنع نفسها تخرج وكأنها مسمعتهوش
الصوت اتكرر مره تانيه ومن بعدها صوت ماسدج في الفون بتاعها منه بيقولها تخرج ضروري
مسحت وشها حاولت تكون طبيعيه كعادتها وخرجت
تستمر القصة أدناه
زياد وهو بيرفع رأسه بلهفه
ها طمنيني ايه اللي حصل
ملك وهي بتتنهد
تمام حسين شاب ممتاز
زياد باستغراب
شكلك بيقول غير كده !
ملك وهي بتبلع ريقها
هه م ماله شكلي
زياد بشك
مالك انتي كويسه !
ملك وهي بتضحك وبتقول بمرح
ياعم مانا زي الفل اهو
زياد بضحك
ماشي ياعم يعني نقول مبروك !
ملك وهي بتغمزله
انت الاول
زياد بهدوء
قريب إن شاء الله
ملك وقلبها بيدق پخوف
قريب ايه
زياد بغمزه
اخوكي هيبقي عريس قريب
ملك وهي حاسه ان قلبها اتشق لنصين
ب بجد ا الف مبروك فرحتلك اوي بجد طب ايه انا اعرفها
زياد
توء

زميلتي في الشغل
ملك وهي بتحاول تحبس دموعها
ط طب ربنا يكمل بخير يارب
زياد بحب اخوي
يارب وانتي كمان يالوكتي شكلك رفضتي حسين
ملك
محصلش نصيب ي يالا تصبح علي خير بقي
زياد
وانتي من اهل الخير ياقمري
دخلت وهي حابسه دموعها واول ما دخلت اڼهارت بالمعني الحرفي وهي شايفه حلمها كله سراب في سراب
فات يوم ورا التاني وحالتها بتسوء عن اليوم اللي قبله
كل يوم بتعافر عشان تنساه لكن مش قادره
هي مش زرار تدوس عليه عشان تنسي هي بني ادمه عقلها في زحمه من الذكريات والتفاصيل في صراع رافض يحسم الجدل في معركه في قلبها رافضه تعلن الاستسلام !
وده اكبر مثال علي خاطره شافتها من فتره بتقول
ورغم إنك على سريرك لا تفعل أي مجهود يذكر لكنك مزدحم! مزدحم بالذكريات بالتفاصيل وبمعركة قلبك وعقلك التي لا تنتهي رغم صمتك بداخلك ضجيج يبتلعك .!
ملحوظه مش انا اللي كاتبه الخاطره ديه
وفي يوم كانت قاعده في أوضتها كالعاده الباب خبط ومن بعده دخلت مامتها اللي قعدت علي طرف السرير
عامله ايه دلوقتي!
ملك بهدوء
كويسه
مديحه وهي بتفرك ايديها بتوتر
ا انا عارفه انك زعلانه مني بس
ملك وهي بتقاطعها
انا مش زعلانه منك ياماما بالعكس انتي فوقتيني
مديحه وهي بتبصلها بدموع
ا انتي عارفه اني اكتر واحده بتحبك صح
ملك وهي بتهز رأسها بدموع
طبعا
مديحه
وعارفه اني عملت كده عشان مصلحتك وعشان خاېفه عليكي
تستمر القصة أدناه
ملك
وانا مش زعلانه منك صدقيني انا بس زعلانه علي عمري اللي ضيعته مع واحد هدر !
مديحه وهي بتقعد جنيها وبتاخدها في حضنها وبتطبطب علي شعرها بحنان
العمر زي التجارب ياملك في تجارب نتنجح وفي بتفشل بس مش معني ان تجربه فشلت اننا نستسلم ومنحاولش تاني !
لا احنا لازم نقع ونقوم ونتوجع ونحب مره وأتنين وتلاته ونتعلم من كل تجربه عشان منكررش الغلط مرتين المهم انك اتعلمتي من تجربتك ياملك مش اي حد يهتم بيكي أو يحسسك انه بيحبك يبقي فعلا بيحبك متأمنيش لحد أيا كان في ناس قادر تخدع اللي قدامها عشان ترضي غرورها وبس وده ينطبق علي زياد
انسي ياحبيبتي وعيشي حياتك قومي من وقعتك أتعلمي انك لما تقعي تقومي اقوي من الاول انجحي وعافري
خلي زياد بنفسه هو اللي يندم أنه ضيعك من أيده مش انتي اللي ټندمي
هزت راسها وهي بټدفن راسها في صدره مديحه وبتعيط بصمت لحد ما راحت في النوم
بعد مرور أسبوع
كانت قاعده بتذاكر عشان الامتحانات قربت بتحاول بكل جهدها متفكرش في أي حاجه عشان تعدي السنه علي خير
الباب خبط ودخلت مديحه وهي فرحانه فاستغربت ملك وهي بتسألها عن السبب
مالك ياديحا فرحانه كده ليه
مديحه
حسين جاي يتقدملك تاني
ملك بهدوء وبرود
تمام شوفي جاي أمتي وقوليلي
مديحه وهي فاتحه بوقها پصدمه
ده بجد
ملك وهي بتتنهد
ايوه بجد قررت اعمل بنصيحتك
مديحه بفرحه
ربنا يكملك بعقلك ياحبيبتي انا هروح ابلغ ابوكي
خرجت مديحه تبلغ ابوها بفرحه كبيره انها واخيرا وافقت تقابله مره تانيه
أما عن ملك اتنهدت وهي بتسيب كل حاجه علي ربنا من غير ما تفكر كتير
وبالفعل المره دي قابلته واقنعته أن هي مش بتحب زياد وحددوا يوم قرائه الفاتحه بعد اسبوع واتخطبت لحسين اللي اكتشفت أنه شخص عادي بل اقل من العادي كمان
وكأنه عايز يتجوز وخلاص اي واحده عشان كلام الناس !
وفي يوم الصبح لبست ونزلت الكليه عشان الامتحان
الو ايوه يابنتي لا خلاص انا جايه في الطريق اهوو.......
قطعت جملتها وفي عربيه جايه بسرعه كبيره عليها وصدمت جسمها فوقعت علي الارض وهي ڠرقانه في ډمها
في مكان تاني كان في ناس بتجري اصوات متداخله مع بعض
صوت مديحه بټعيط