اخترت نفسي بقلم شروق حسام

ومتجهز من مجاميعه
أحلام بعد إهتمام وبرود للموضوع حاضر أي أوامر تانية
سوسن بصت لها پقهر وسكتت وخرجت برا عشان تجهز باقي الأكل والحلويات
عدي الوقت
وأحلام جهزت والعريس جيه هو وأهله وفضل يتكلم مع والدها فترة وبعدين سوسن دخلت لها عشان تخرج تقدم القهوة والعصير وعشان تقعد تتكلم مع العريس وتشوفه
وبالفعل خرجت وعملت كل اللي طلبوه من عصير وقهوة وقعدت تمثل الكسوف كمان قدام العريس وهي أصلا حاسة بملل فظيع من كلامه الكتير وهي كانت بترد الكلمة بكلمتها ويمكن ربع كلمة كمان هههه
_ آنسه يا آنسه آنسه أحلام أنت سمعاني
أحلام بعدم إهتمام اه اه سامعاك
_ زي ما قولتلك تمام
_ عيد تاني اللي قولته
إبتسم بخفة وكرر صلي إستخارة ولو إرتاحتي لي كان بها لو حصل العكس كل شئ قسمة ونصيب وإن شاء الله كله خير وإن شاء الله ترتاحي لي
أحلام بهمس ثقة كدابة
_ تمام
10 دقايق والعريس خد أهله ومشي
وأحلام دخلت أوضتها وصلت إستخارة ونامت وراحت في نوم عميق وبدأت تحلم بالعريس وشافته واقف في إيديه بوكيه ورد وبيبتسم لها وهي راحت ناحيته ومسكت إيديه مشيوا خطوتين وبعدين لقته إتحول لوحش وسابها مشيت كمان خطوتين لقته رجع طبيعي ومتحولش تاني إبتسمت بهدوء وبصت له ومتكلمتش وهو مكنش قادر يتكلم بعد لحظات فضل يتمتم بكلمات كتير ليها وبيبص لها بأمل
أحلام صحيت من النوم وهي مش حاسة بأي حاجة ومش فاكرة هي حلمت بإيه
إتنهدت وخدت شاور وغيرت هدومها وخرجت فطرت وبلغت والدها بموافقتها علي عريس الغفلة
الجزء الثالث
عدي 4 شهور من الخطوبة
وكانت أحلام عايشة مع خطيبها أسعد أيام حياتها خروجات وفسح وهدايا وإهتمام وحنان وبسبب كل ده هي إتعلقت بيه لكن محبتهوش الحب مش بيجي بين يوم وليلة
_ مش ناوية تحني عليا بقي ونتجوز كل حاجة جاهزة ناقص إنك أنت توافقي
_ يا أنور
_ بلا أنور بلا بطيخ فرحنا أول الشهر الجاي يا هانم
أحلام بعبوس أنور
أنور بتنهيدة نعم يا أحلام نعم يا مغلباني معاك
_ أنور
_ أنا قولت آخر كلام عندي أنا مش قادر أستحمل أبعد عنك أكتر من كده أفهمي أنا بحبك وعايزك حلالي عايز أحضنك وأمسك إيدك براحتي عايز أعمل حاجات كتير وأنت مش مقدرة اللي حاسس بيه
أحلام بتنهيدة كلم بابا وحدد معاه معاد الفرح
أنور بص لها بفرحة كبيرة وفضل يتكلم معاها علي تفاصيل كتيرة وبعد ما خلصوا حاسب علي الجاتوه والعصير وخرجوا من المطعم
وبالفعل أنور كلم حافظ واتفقوا إن الفرح يكون بعد 10 أيام بحيث يكون بداية أول الشهر
حافظ مكنش مقتنع إن الفرح يبقي بالسرعة دي بس بعد إصرار أنور وافق
وبعد 9 أيام وقبل الفرح بيوم واحد أنور قال لأحلام تيجي تشوف الشقة اللي هيعيشوا فيها وهي من سذجتها وافقت مع إنها ممكن تشوفها بعد الفرح
_ الله الشقة حلوة أوي يا أنور جميلة جدا والألوان هادية ورقيقة
أحلام فضلت تلف في الشقة وراحت المطبخ وفتحت الثلاجة لقت شوكولاتات بأنواع مختلفة وعصاير بصت لأنور بخجل وهو هز رأسه ليها بإبتسامة
إبتسمت بسعادة وخدت لوح شيكولا بيضاء وعلبة عصير تفاح
فتحت الشيكولا وفضلت تأكل فيها بنهم وهي بتستكشف باقي الشقة راحت أوضة النوم ولقت إن الأوضة أوسع من باقي الشقة بعد ما خلصت إستكشاف جت تخرج من الباب إتخبطت في صدر أنور
_ ااااه
حطت إيديها علي رأسها وهي حاسة بۏجع طفيف
قرب منها وحط إيده علي رأسها وفضل يحرك إيده عليها ببطء ونعومة
أنور بتوهان وهو بيبص في عينيها أنت كويسة
أحلام بتوهان هي كمان اه لا اه اه
قرب وشه منها بس هي فاقت بسرعة وإتكلمت بإحراج
_ شكل الوقت إتأخر وأنا لازم أروح
_ مش عايزة تشوفي أوضة الأطفال
_ لا وقت تاني
مسك إيديها بسرعة ومشي بيها ناحية الأوضة لا لازم تشوفيها
أحلام أول ما شافتها إنبهرت أكتر الأوضة كانت بألوان تجنن ومتقسمة نصين نص باللون الأبيض ونص باللون البيج وفيه ألعاب كتير للبنات والأولاد ودباديب علي شكل أرنب وأشكال تانية كتير
فضلت تمسك كل حاجة تشوفها وهي مش منتبهه للي بيبص لها وماشي وراها
_ أنور
_ اه رأسي
أحلام كانت إتخبطت فيه للمرة التانية وهي مش منتبهه
قرب منها وبسرعة كان حضنها
أحلام پصدمة أ...أنور أنت ...أنت بتعمل إيه... إبعد
أنور بحب أنا جوزك متنسيش ده إحنا لسه مكتوب كتابنا إمبارح
خرجت برا الشقة وقلبها عمال ينبض پعنف هي خاڤت خاڤت منه ومن طريقته هي شافت وحش قدامها مش أنور
وهو كان بيبص لأثرها پغضب
الجزء الرابع
تاني يوم
كانت الميكب أرتست بتحط لها الميكب بعد ما جهزت وعملت تنضيف وحمام مغربي وكل الحاجات اللي أي عروسة بتعملهم
سرحت وفضلت تفكر في اللي المصېبة اللي كانت هتحصل إمبارح هي من بعد الموقف وده ونظرتها إتغيرت ناحيته وحست بشعور وحش وسئ
إتنهدت وفاقت من شرودها وبصت في المرايه اللي قدامها وعلي ملامحها اللي إتغيرت بسبب المكياج والفستان اللي لابساه اللي نازل بنفسة بسيطة
سوسن بحب بسم الله ما شاء الله بسم الله ماشاء الله الله يحفظك ياحبيبتي ويبعد عن كل عين حسودة حاقدة
_ آمين آمين
شردت تاني وهي بتفتكر كلامها مع أبوها بعد ما روحت
_ بابا
حافظ بتركيز علي الماتش نعم
_ أنا مش مرتاحة للجوازة دي
حافظ قام وقف وصړخ بحماس وفرحة جووووووووووول والله وعملوها الرجالة
_ كنت بتقولي إيه
_ أنا مش مرتاحة للجوازة دي
حافظ بملل أحلام الواحد مش ناقص تطلعي عليه هرموناتك علي المسا
_ يا بابا
_ ولا بابا ولا زفت أنا بجد تعبت منك دايما مش مريحاني ليه أنت مش زي أخوك مطيعة
بلعت ريقها بكسرة وقلبها بدأت ينبض پعنف
_ مش عايزة أتجوز مش مرتاحة
_ بعد إيه يا أحلام ها بعد إيه يا بنتي خلاص الفرح بكرا أنت عايزة الناس تأكل وش أبوك في الرايحة والجاية أنت عايزة تكسريني يا أحلام
_ كسرتك في إيه بس مكنش ليه عندنا حاجة يا ما الناس إتكلمت علي بعضيها حتي لو هم مش عارفين حاجة
_ أفهمني بس يا بابا
حافظ قام بعصبية من علي الكنبة وإتكلم بصړاخ يووووه أنا قرفت يا شيخة قرفت فرحك بكرا وده آخر كلام عندي متنسيش يااااا هااانم إنك يعتبر متجوزة وكده هتتحسب عليك جوازة الراجل مش بيعيبه حاجة غير جيبه أما البنت مش بتعمل حاجة في حياتها غير إنها تجيب المصاېب لأهلها
خلص وسابها ودخل أوضته وقفل الباب جامد وراه
فاقت من شرودها وفيه دمعة يتيمة نزلت علي خدها مسحتها بسرعة وحمدت ربنا إن الميكب أب ضد المياه وإلا كان زمانها سامعة زعيق وعتاب هي مش عايزة تسمعه
عدي ساعة وإثنين وثلاثة
وأنور كان لسه مجاش والكل كان قاعد متوتر وعلي أعصابه وفجأة إتفتح الباب وأنور دخل مسك أحلام من إيديها عشان يروحوا علي القاعة خرجوا من أوضة العروسة
وبدأ الفرح ما بين رقص وأصوات الغناء