اخترت نفسي بقلم شروق حسام

_ أنا بحبك إياك تسيبني تعال أتقدم لي مش عايزة أقعد هنا أكتر من كده
_ وأنا مش عايزك أنا مستحيل أتجوز واحدة كلمتها قبل كده ده حتي تبقي عيبة في حقي
أحلام پصدمة أنت بتهزر قول انك بتهزر مش كده إياك تكسرني يا علاء
علاء بعدم إهتمام بصي يابت أنتي أنا مش ناقص ۏجع دماغ أنا اه بحبك وبموت فيكي مش هنكر بس عمري ما اتجوزك اذا كان انتي مصنتيش ومحافظتيش علي ثقة أهلك هتحافظي علي بيتي
_ عاملة زي الشيكولاتة واحدة متغلفة وواحدة مفتوحة طبعا هأخد المتغلفة ومش هأخد المفتوحة
أحلام بقوة مصطنعة بس ساعتها متنساش انك الدبانة اللي بتريل علي الشيكولاتة
خلصت كلامها وفصلت الخط في وشه وهو اټصدم من ردها
_ بتعملي ايه يا أحلام قومي يلا عشان تأكلي أخوكي لسه راجع من الدرس يلا عشان نأكل سوا مرضتش أفرغ الأكل غير لما يجي
أحلام سمعت كلامها فاڼفجرت فيها زياااد زياااد زيااااد هو كل حاجة زياد فلوس خد أكل خد ده حتي منابك في الأكل بتدهوله عارفة انه مش بياخد دروس وبيزوغ وبردوه بتديله فلوس يوم ما بيعجبني طقم من محل رجالي واشتريه هو ببيأخده يلبسه وبيتقطع في الآخر عشان مش بيعجبني حاجة في محلات الآنسات أجي اتكلم محدش بيسمع كأني جماد هو أحسن مني في ايه ها قولي لي أنا عارفة انك بتحبيني بس حبك بتعبري بيه بالطريقة الغلط حرام بجد أنا بحس بنقص بحس ان معنديش حضڼ حنين اترمي فيه ببقي عايزة بس انك تأخديني في حضنك دقيقة واحدة بس لما باجي أقرب بتبعدي بحجة هعمل الأكل لأخوكي هعمل معرفش ايه لأخوكي ده أنا مخدتش ربع اللي بيأخده دلوقتي وأنا في سنه ده دروس ثانوية عامة مكنتش بأخذها لدرجة ان سقطت وكنت هشيل كيمياء وفيزياء وأحياء لولا ستر ربنا مكنتش عديت والله حرام ده حتي مش بيحمد ربنا ولا بيشكر وعايز فلوس يصرف بيها علي صحابه والبنات اللي يعرفهم وزفت السجاير اللي بيشربها ده أنا كل ما أقوله حاجة يشخط فيا وأنتي ولا حتي بتزعقي له ده أنا أكبر منه بأكتر من 5 سنين حاجات بسيطة أوي بتحصل ممكن تكون تافهه بس بتكسرني من جوا وفي الآخر بسكت وبكتم جوايا ده لو سمعتي صوت رنة إشعارات الواتس بتقولي لي مين بعتلك مع انك مش بتقولي له كده
كملت پقهرة أنا عايزة أنام اخرجي لو سمحتي
سوسن بصت لها پصدمة من كل اللي قالتها للدرجادي بنتها شايلة منها أوي كده جت تتكلم بس أحلام منعتها
_ عايزة أنام
أحلام راحت ناحية السرير وغطت نفسها باللحاف وهي مش عايزة تسمع أي حاجة
بعد أسبوع
حاولت تكلم علاء أكتر من مرة هي بتحبه ومستحيل تبعد عنه أكيد هيكون عنده سبب عشان يعمل كده
وهو مكنش بيرد عليها آخر ما زهق رد
_ أوووف بقي عايزة إيه مش فضتها سيرة
أحلام بلهفة علاء إسمعني
علاء بحدة إياكي تكلميني تاني خطيبتي لو عرفت هتزعل وهي محترمة ومش عايز أخسرها
أحلام پصدمة وۏجع خطيبتك خطيبتك أمتي وفين وإزاي
_ أيوه خطيبتي خاطب من 3 شهور وفرحنا قرب
أحلام بإنهيار طب وأنا أنا كنت إيه في حياتك
_ حشرة عايزة تتداس وكمان أنتي عايزة إيه مش بجحتي آخر مرة معايا
_ حقك عليا بس متسبنيش
_ تمام بس بشرط تتصوري لي صورة حلوة كده
أحلام بعدم إستيعاب صورة إيه مش فاهمة
_ صورة بهدوم النوم وساعتها بس هاجي أتقدم لك واتجوزك
أحلام بلهفة بجد يا حبيبي
علاء بخبث بجد
قفل معاها ولحظات وصوت إشعارات الواتساب رن عنده فتح التطبيق ودخل علي الشات ما بينهم لقي صورة إتبعتت ضحك بإحتقار وضغط علي علامة تنزيل الصورة ثواني وكانت الصورة حملت وأول ما شافها إتصدم
الجزء الثاني
علاء شاف الصورة إتصدم منها ومن جمالها وشعرها اللي نازل علي كتفها بنعومة دي أول مرة يشوف صورتها رغم إنهم عارفين بعض من فترة طويلة بس عمره ما شافها وحتي لما كانوا بيتكلموا فيديو كانت بتقفل الكاميرا
بعت لها رسالة علي الواتس
_ دي أنت !
_ اه
_ أبعتي لي رقم والدك أخد منه معاد عشان أتقدم لك
_ حاضر
بعتت له الرقم وهو دخل كلم والدها وفي دماغه ناوي علي کاړثة وبعد أكتر من 10 دقايق مكالمة قفل معاه بعد ما خد معاد يجي يشوفوه في نفس اليوم بليل
كان جيه لوحده من غير أهله وكان قاعد يتكلم مع حافظ والد أحلام وبعد ما إتفقوا علي كل حاجة
علاء إتكلم بإحتقار وبعد كل الرغي ده أنا ميشرفنيش أتجوز بنتك حتي لو كانت في سوق الجواري حتي
حافظ بحدة إحترم نفسك أنت هنا في بيتي يبقي تلم نفسك أحسن ما ألمك
علاء طلع موبايله وفتح معرض الصور ووراه الصورة اللي أحلام كانت بعتتهاله
_ شوف بنفسك وأنت هتعرف أنا قولت كده ليه
حافظ مسك الموبايل وشاف الصورة والدم غلي في عروقه
_ ومين دي إن شاء الله دي مش أحلام أنت إزاي تسمح لنفسك تفتري علي بنتي يا عديم الضمير والدين
علاء بسخرية عارف إن الصدمة مأثرة عليك بس هي دي الحقيقة بنتك
أحلام كانت بتسمع كل ده من أوضتها ومكنش باين علي وشها أي تعبير
حافظ قرب منه وضربه بالقلم علي وشه وأدي له بالروسية
وبعدين نادي علي أحلام أحلاااام
خرجت بخطي بطيئة ووقفت جنب علاء اللي كان واقع علي الأرض
_ نعم يا بابا
علاء أول ما شافها إتصدم وعرف إنها خدعته وبعتت له صورة واحدة تانية جيه يتكلم راح حافظ طرده بره البيت
في الوقت ده كانت أحلام خدت موبايل علاء اللي كان واقع علي الأرض ودخلت أوضتها بسرعة وفتحت الموبايل بالباسورد اللي كان معرفهولها قبل كده هو قالهولها عادي لأنه مكنش ناوي يقابلها في يوم من الأيام أصلا
حذفت رقمها خالص من الموبايل وحذفت الشات اللي ما بينهم وكل حاجة وقبل ما تخرج من الواتس شافت اللي صدمها شاتات بينه وبين بنات كتير كسرهم نفس كسرتها
بصت للموبايل وإتنهدت وراحت عملت إعادة ضبط نظام للموبايل وبقي كأنه جديد وخرجت الشريحة من الفون وكسرتها
خرجت تاني لباباها وجدته الموبايل وقالت له إنها لقته وطبعا لأن باباها ميعرفش حاجات في الموبايل الحديثة فمخدش باله من إعادة الضبط اللي ظاهرة علي الشاشة
خرج البلكونة ونادي علي علاء وحدف له الموبايل علاء لحقه بسرعة قبل ما يقع علي الأرض ولحسن حظه إنه إتحدف من الدور الأول بس
بص للموبايل وإتصدم من اللي شايفه بص فوق لقي أحلام بتبص له بإحتقار وبعدين دخلت وهو إتوعد لها فحتي لو قال حاجة عليها هو مبقاش عنده أي دليل ضدها
بعد شهر
_ أحلام
_ نعم يا ماما
_ أنت لسه ...
_ قفلي علي الموضوع ده لو سمحتي
سوسن بتنهيدة طب أبوكي بيقولك إجهزي فيه عريس جاي لك وأبوكي سأل عليه لقاه شاب كويس