محمد و عائشة بقلم إيمان شلبي

ايه بس يا امي عائشه غاليه عندي
قال جملته وهو بيبصلي بنظره غريبه مش لاول مره اشوفها بس لاول مره احس بيها اول مره احس انها نظره حب !!
ماما
ا احم طب انا هروح اصلي وراجعه
قالت جملتها وسابتني وهو قرب مني وقعد علي كرسى قدام السرير وهو بيتنهد وبيبصلي بنفس النظره
انا كنت ھموت من القلق عليكي
فركت
ايدي بتوتر واحراج
ت تسلم الحمد لله أنا بخير
بصلي وهو بيسألني بتوتر
عرفتي اللي حصل
بصيتله والدموع متعلقه في عيني
عرفت ربنا يشفيه عشان ابنه
بصلي وهو بيقول بذهول
عرفتي أنها حامل !
هزيت راسي وانا بتنهد بحزن ودمعه شارده نزلت مني
طال الصمت ما بينا لأكثر من دقيقه وكل واحد فينا بيفكر في حاجه وفجأه احنا الاتنين بصينا لبعض ونطقنا
انت كنت تعرف أن عنده انفصام
عائشه تتجوزيني !
اييه
قولتها پصدمه وانا ببصله وهو اتجاهل كلامي عن محمد وكمل كلام
ايه مالك مستغربه ليه عائشه انا بحبك عارف انك مستغربه بس ده مش بأيدي انا بحبك من قبل محمد انا اللي اتمنيتك اكتر منه
انا مش عايز منك رد دلوقتي بس عايزك تفكري أن محمد محافظش عليكي وأن هو اللي ضيعك من أيده بغبائه وخيانته وعلي فكره محمد معندوش انفصام ده لعبه عاملها عليكي هو وأماني وكان عايز يدخلني فيها بس انا اللي رفضت
فكري ياعائشه وصدقيني هعوضك عن كل حاجه حصلت هعوضك عن محمد وهخليكي تنسي بس عايز فرصه واحده بس
واخد نفس طويل وهو بيبصلي لآخر مره قبل ما يقوم يقف
هسيبلك فرصه تفكري واتأكدي اني هقف في وش اي حد لو حاول يعترض جوازنا انتي بالنسبالي في كفه والدنيا كلها في كفه حتي لو اضطريت اعادي محمد عن اذنك
يتبع
الجزء السابع
هل تقبلين الزواج من وائل يابنتي !
قالها المأذون ليا وانا قاعده شارده لابعد حد مش قادره اتخيل اللي بيحصل دلوقتي !
هو انا بتجوز ده كتب كتابي انا و وائل !
وائل اعز اصحاب اللي كان حبيبي ويعز عليا اقول كان
بصيت حوليا بتوهان وانا شايفه كل الناس واقفه ماما وبابا واهلي وأهل وائل كل الناس موجوده بيشهدوا جوازي من شخص عمري ما كنت أتوقع اقف اتكلم معاه
معقوله ممكن الحال يتشقلب بالسرعه ديه
الكل كان واقف منتظر ردي اللي هيفرحهم لكن للاسف هيدمرني
يعني ايه اتجوز شخص غير محمد يعني ايه اتخيل واقرر وابني حياتي مع شخص غيره
هو اللي انا بعمله ده صح !
موافقتي ديه في صالحي طب انا ليه وافقت علي وائل اكيد مش عشان بحبه اكيد مش عشان بتخيل حياتي معاه هتكون سعيده
انا وافقت عشان اكسر محمد بس الظاهر أن موافقتي علي الجوازه ديه مش هتكسر وتدمر غيري
جيت اكسر قلبه ف اتكسر قلبي أضعاف
غمضت عيني واخدت نفس طويل وانا ببص بجمود للمأذون ولوائل اللي كان منتظر ردي بفارغ الصبر
بصيتله وانا بقول بجمود
أنا اسفه بس انا مش موافقه
ومع آخر كلمه مهتمتش بعواقبها مهتمتش بكلام الناس مهتمتش بأي شخص ولا حتي اهلي
قومت جريت علي اوضتي وقفلت الباب عليا وسندت ظهري عليه وانا بتنفس بسرعه وكأني كنت قدام وحش وهربت منه !!
قعدت علي الارض وانا بضم ركبتي لصدري وبعيط كنت بعيط بحرقه عياط هستيري
انا ازاي كنت هعمل كده في نفسي!
ازاي وافقت علي الجوازه ديه ازاي قدر قلبي يطاوعني اقول موافقه ازاي كنت هضيع نفسي بالشكل ده !
هو انا ليه لسه بحبه ليه مقدرتش اكسر قلبه زي ما كسر قلبي بكل القسۏه اللي في الدنيا هو انا ليه غبيه اوي كده ليه قلبي متعلق اوي
غمضت عيني وجسمي بيتنفض من العياط مكنتش قادره اتخيل اني بعد دقائق اسمي هيتكب علي اسم وائل
مفيش في دماغي شخص غيره افكر فيه مفيش في مستقبلي شخص غيره كنت بفكر فيه
مقدرش اتحمل الواقع اللي كله بيخالف توقعاتي واحلامي الورديه اللي كنت رسماها في خيالي
يامستقبلي يكون فيه قصه حب عائشه ومحمد يا بلاش مستقبل بلاش احلام بلاش حياه من الاساس !
اتنفضت من مكاني لما الباب خبط ومن بعدها سمعت صوت وائل اللي واضح أنه ثاير
عائشه افتحي افتحي وبلاش شغل العيال الصغيره ده يعني ايه مش موافقه والمأذون اللي برا والناس واهلي واهلك يعني ايه مش موافقه عائشه افتحي الباب بدل ما اكسره علي دماغك
كنت قاعده بترعش وانا ضامه ركبتي لصدري وبعيط بحرقه اكبر وبحط ايدي علي ودني
مش قادره اسمع صوته حاسه وكأن صوته كتله ڼار بتحړقلي وداني
صړخت بكل قوتي
امشيييي امشيييي مش عايزه اتجوز مش عايزاك مش بحبك امشيييي مش
عايزه اسمع صوتك امشييييي
لا مش همشي مش هسيبك مش بعد كل اللي عملته عشان اتجوز امشي لا ياعائشه مش همشي لو فضلت مستني من هنا للسنه اللي جايه مش همشي
عنده حق ياعائشه ماهو عمل مجهود جبار برضو عشان يتجوزك مش كده ياوائل!
فاتت لحظات من الصمت برا وجوا لما سمعنا صوت محمد واللي معرفش دخل أمتي وايه معني كلامه الغريب ده
قومت وانا مصدومه وفتحت الباب ولسه هنطق برقت پصدمه وانا شايفه محمد بيسحب أماني اللي مكانتش باين لها ملامح من كتر الضړب
بتلقائية بصيتله وانا بزعق بذهول
انت اټجننت انت ازاي تعمل كده فيها ديه حامل
بصلي وهو بيضحك بسخريه
هه وانتي مصدقه انها حامل
يابنتي ديه لعبه منها هي والزباله اللي اتجوزتيه
قال جملته وهو بيبص لوائل اللي بلع ريقه وهو بيقول بتوتر
لعبه ايه يابني آدم انت اټجننت!
محمد وهو بيسيب اماني اللي مسكها مكانه واحد من صحابه عشان متهربش
وقرب من وائل وهو بيشده من قميصه وبيجز علي أسنانه پعنف وبيهزه پجنون
لعبه انك زباله لعبه انك خاېن انت والزباله اماني
لعبه انك بتحب خطيبتي من زمان والزباله التانيه بتحبني لعبه انكم اتفقتوا مع بعض عشان توقعوا ما بينا وكل واحد فيكم ياخد اللي بيحبه لعبه انك حطيتلي منوم في القهوه اللي بشربها معاك واخدتني علي بيت الزباله لعبه انك حطيتلي برشام هلوسه يخليني اقول اي هري في أي هري لعبه انك تاني يوم اخدتني لدكتور زباله زيك بشويه فلوس أكد اني عندي انفصام وعايش بشخصيه بتحب أماني والتانيه بتحب عائشه
قد ايه اتخدعت فيك وفي معاملتك الطيبه ليا قد ايه اتخدعت فيك ياحقير اتجوزت حبيبتي خلاص اخدتها مني مفكر اني هسيبها لغيري مفكر اني بعد ما تعبت عشان أوصلها اسيبها لواحد زيك تبقي بتحلم
قال جملته الآخيره وهو بيهزه پجنون اكبر والدموع بتلمع في عينه
طلقها يازباله طلقها مش هتاخدها مني
يتبع
الجزء الثامن
وائل بتوتر وهو بيزقه وبيبصلي وهو بيقول بلهفه
لا عائشه
عائشه اوعي تصدقي الكلام ده انا اه بحبك بس معملتش كده و والله معملتش كده هو اللي خاېن هو اللي خانك لا اوعي تصدقي
قرب محمد من اماني اللي كانت بتترعش پخوف وشدها من شعرها وهو بيجرها وبيوقفها في نص المكان وبيزعق باعلي صوت عنده
قولي اللي حصل بالظبط
اماني بدموع
م م محمد مخانكيش ف فعلا ا انا و وائل عملنا عليكم لعبه
وبصتلي بتوسل
انا عارفه اني غلطانه ب بس اقسم بالله ڠصب عني ا انا عمري في حياتي ماكنت اتخيل اعمل كده فيكي و والله انا بحبك ياعائشه ب بس ڠصب