أقوى من الحب بقلم سوو الجزء الثاني

غير فى نفسها جرحت مصطفى وخانت كريم اد ايه هى انسانه وحشه
بصت لنفسها فى المرايه حست انها شايفه شيطان مقدرتش تبص لنفسها
كلمت هند صحبتها وهى مڼهاره طبعا
الحلقه العاشره
بصت لنفسها فى المرايه حست انها شايفه شيطان مقدرتش تبص لنفسها
كلمت هند صحبتها وهى مڼهاره طبعا
فى ايه يا دينا بتعيطى كده ليه انا مش فاهمه حاجه من كلامك وانتى بتعيطى كده
انا مش قادره استحمل اكتر من كده يا هند وطبعا بټعيط
انا مش فاهمه حاجه بصى انا هكلم حسين وهجيلك دلوقتى سلام
قفلت هند كلمت جوزها ونزلت بسرعه علشان تروح لدينا
اول ما باباها فتحلها استغرب اوى ايه اللى جايب هند فى الوقت ده كمان كل حاجه مخلياه مش فاهم حاجه نظرات كريم ومصطفى لبعض ونظرات دينا ومصطفى وطريقه كريم مع دينا اللى عمره ما زعق معاها
ولا قالها كلمه تضايقها كان حاسس انه عامل زى الاطرش فى الزفه
دخلت هند على دينا لاقيتها اعده على السرير ومموته نفسها من العياط
فى ايه يا دينا ايه حصل لكل ده اهدى يا بنتى
مبقتش قادره خلاص يا هند ياريتنى كنت مت فى الحاډثه
حضنتها هند متقوليش كده ربنا يخليكى يا حببتى ده باباكى ېموت من غيرك .... احكيلى بس ايه حصل
وحكت دينا لهند على كل حاجه بالتفاصيل
هند مكنتش مصدقه اللى عملته دينا بس مقدرتش انها تلومها على حاجه هى كان فيها اللى مكفيها ومش هتقدر تسمع حاجه
طب يا دينا انتى دلوقتى هتعملى ايه اهو اللى حصل حصل
انا مش قادره استوعب اللى حصل انتى مشوفتيش نظره مصطفى ليا انا مفكرتش ان ده ممكن يحصل
اومال كنتى فاكره ايه اللى هيحصل فاجئه هتتجوزى وتطلعى من حياة مصطفى بالسهوله دى من غير ما يعرف حاجه عنك
انا مفكرتش ابدا فى ده انا كنت انانيه اوى مع انى كنت عارفه ان مصطفى بيحبنى انا مش قارده اصدق انى كنت بالأنانيه دى
وكريم يا دينا هتعملى ايه معاه
هتجوزه
يا دينا انتى دلوقتى مش بس مبتحبهوش انتى كمان بتحبى واحد تانى
خلاص مصطفى دلوقتى شايفنى واحده مش كويسه عمره ما هيفكر فيا تانى وبعدين انتى كنتى فين وهو مستنينى اربع سنين ما انتى الوحيده اللى عارفه انى مش بحبه وكنت هسيبه قبل الحاډثه بدقائق
يا بنتى والله حاولت افهمه كتير هو مكنش عايز يسمع مكنش عنده استعداد لده فا انا قولت اكيد هو لو بقى معاكى لحد ما ربنا يقومك بالسلامه انتى ممكن تحبيه وعلشان كمان عارفه انك مكنتيش بتحبى حد ساعاتها
اهو اللى حصل حصل انا خلاص رضيت بالامر الواقع وربنا يسامحنى
ترن ترن ترن
ده حسين يا دينا بيكلمنى علشان انزل انا هقوم دلوقتى وهكلمك بكره اطمن عليكى اموه اموه
ونزلت هند وسابت دينا فى حيراتها وحزنها على نفسها وعلى مصطفى حتى على كريم
دينا منمتش طول الليل بټعيط ومخنوقه من اللى حصل ومش مصدقه انها خلاص هتتجوز كريم يوم الخميس الجى يعنى بعد اسبوع
مصطفى عمال يلف فى الشوراع مش عارف يروح فين وعمال يشرب فى سجاير جواه احاسيس كتير حزن .غيره .ڠضب اكتر احساس تملكه كان الڠضب من دينا حس انها لعبت بيه كمان كلام هدير سخنه اوى
كريم برضه مش عارف ينام كل ما يفتكر نظرات مصطفى ودينا وكلام مصطفى اللى مش فاهمله معنى
هى كانت ليله طويله على الكل حتى على ريهام اللى الامل رجعلها فى لحظه واختفى تانى انهارده
تانى يوم دينا فى اوضتها مش بتخرج منها كريم كلمها رديت دقيقتين وقفلت وكل تفكيرها فى مصطفى
مصطفى كلم دينا الصبح وصوته كله تعب وحزن وعصبيه
دينا اول ما شافت اسم مصطفى كتمت انفاسها ومش عارفه ترد ولا تعمل ايه ومش عارفه رد فعل مصطفى ايه
الو طبعا وصوتها مش طالع
حببتى عامله ايه يا روحى
روحك !!!!
اه طبعا روحى يلا باءه انزلى انا مستنيكى تحت
انت فيك ايه يا مصطفى انت شارب حاجه
هههههههههههههههه اه شارب هههههههههههههههههههههه شربت كتير اوووووووووووووووووووووووووووى
مصطفى انا مش هنزل اشوفك
ليه خاېفه من خطيبك
مصطفى حرام عليك انت مش فاهم حاجه
ولا عايز افهم انت هتنزلى دلوقتى يا دينا
يعنى ايه هنزل دلوقتى
يعنى اللى سمعتيه انا مستنيكى لو منزلتيش خلال ربع ساعه رد فعلى مش هيعجبك
وقفل ودينا مش عارفه هتعمل ايه تنزل ولا لاء هى خاېفه من مصطفى اوى بس قالت انها لازم تنزل وتحكيله على كل حاجه وخلاص هى بتحبه ومش هتقدر تتجوز كريم وده قرارها
لبست ونزلت
اول ما شافت منظر مصطفى حست انه كبر فاجئه حسيت ان ده مش مصطفى حبيبها وده اللى خلاها تتمسك بقرارها اكتر
اول ما دخلت العربيه مصطفى انا ............................
طلع مصطفى بالعربيه بسرعه جدا
دينا ماسكه فى الكرسى بتعها مصطفى انت بتجرى كده ليه هنعمل حاډثه
ايه يا حببتى خاېفه مع انك متعوده على الحوادث يعنى ولا ايه
اقف يا مصطفى انا هفهمك انا عارفه انى غلط انى من الاول مصارحتكش بس اسمعنى الاول
اه اسمع مسمعش ليه ما انا سمعت كتير منك خلاص وقت الكلام خلص
وركن فى مكان فاضى
فى ايه يا مصطفى انت وقفت هنا ليه
عادى يعنى يا حببتى هو مش انتى بتحبنى ووكنتى بتتسلى بيا نكمل تسليه باءه وقرب منها
ابعد عنى يا مصطفى انت اټجننت فوء لنفسك وزقته
مصطفى قرب منها تانى وكتفها وزعق فيها
اومال انتى فاكره ايه انك هتضحكى عليا واسيبك بالساهل كده مش انا يا دينا مش انا
دينا حررت نفسها من مصطفى بالعافيه وفتحت العربيه ونزلت بسرعه قبل ما تمشى وقفت وبصت لمصطفى وهى بټعيط انا حبيتك يا مصطفى حبيتك بجد كنت فاكره انى هعرف انساك وابعد عنك بس معرفتش والمشكله انى عمرى ما حبيت كريم عمرى
نزل مصطفى من العربيه هو كمان
مصطفى بعصبيه كريم ده استناكى اربع سنين انتى واحده معندكيش اصل خنتيه معايا
قبل ما تظلمنى وټجرح فيا انا اتخطبت لكريم قبل الحاډثه بأسبوع وكنت هسيبه فى اليوم الحاډثه لانى عمرى ما حبيته هو بيحبنى من واحنا فى الجامعه ولما عملت الحاډثه وفوقت عرفت انه استنانى الوقت ده كله وعلشان كده وفقت اتجوزه لما شوفتنى وانا اودام محل الفساتين كنت بختار فستان فرحى فاكر كان شكلى عامل ازى فاكر الحزن اللى فى عنيا اللى سالتنى عليه حاولت ابعدك عنى ومقدرتش
وهى بټعيط لانى حبيتك يا مصطفى من اول مره شوفتك فيها
مصطفى مش عايز يصدق الكلام ده مش عايز يحس انه اضحك عليه تانى انتى واحده كدابه كدبتى عليا زمان وعايزنى اصدق دلوقتى
انا عارفه انى غلط وكنت انانيه فكرت فى نفسى بس انا اسفه وعلشان مبقاش انانيه تانى يا مصطفى وبعد طريقتك معايا انا متاكده انى خلاص مبقتش فى قلبك اانا انا............
هتجوز كريم الخميس الجى ومشيت لفت بصت عليه ومش هبقى قليله الاصل تانى
ومشيت وهى بټعيط ومصطفى واقف قلبه مصدقها وعقله رافض انه يصدقها
دينا روحت كريم اعد مستنيها اول ما دخلت
يعنى برضه نزلتى من غير ما تتكلمى وتقولى يا دينا يعنى انا كلامى مش مسموع
خلاص يا كريم مش هعمل كده تانى
يعنى ايه هو انا عيل صغير انتى كنتى فين
كنت بسال كوفيره هنا