سأظل أتذكره بقلم كنزي خالد

ان شاء الله هكتبلك علي كام حاجه كدا هيفيدوكي وهتبدأي تنزلي لوحدك بس وقت ما أقولك تمام
تمام
_______________________________
ها بقيتي احسن
اه الحمد لله قلتلها كل حاجه
أنا أسف
علي اي لي بتتأسف انت ملكش ذنب
مش عارف بس انا خفت اكون عملت حاجه تضايقك
بالعكس وبعدين انت عمرك ما ضايقتني
متزعلش نفسك بقي
طيب يلا بينا ..
________________________________
كنزي انا عندي ليكي خبر جامد
بجد طيب قول
المهمه اللي كنت هعملها مش هروحها
بجد .. الله اكبر
ادعي بس ميحتاجوش ليا الفترة دي لحد ما أطمن عليكي
لا يسيبوك ليا شوية بقي اي الرخامة دي
اتكلم ب ضحك هيسيبوني مټخافيش
اذا كان كدا بقي أقوم اعملك حاجه حلوة علي الخبر الجامد جمودة دا
لا هعمل معاكي مساعدة الزوجه واجب بردو
هو انا اقدر
قوم اعمل بقي انت عشان مش قادرة
ياه بعتيني في ثانية
أنا أقدر ي زوجي الحبيب قوم نعمل سوا خلاص
ماشي ماشي ي قدري
قصدك اي يعني
حاجه حلوة متقلقيش
قدري الجميل يعني
إذا كان كدا ماشي يلا بينا
___________________________
بعد مرور 5 شهور ....
__________________________
يونس انا هنزل مع ليلى النهاردة بعد الشغل تمام
اوكى
هتروحوا فين
مش عارفه هنغير رأينا ولا اي بس اخر حاجه قلنا عليها كان النادي
ماشي ي حبيبتي إتبسطي
طيب طبعا هخلص شغل المغرب ويدوبك نخرج بالنسبة للأكل يعني ..
متقلقيش انا كدا كدا كنت هتغدا مع زمايلي في الشغل
اشطا
هحضر السفرة عقبال ما تلبس ونفطر وننزل
تمام ماشي
______________________________
اي ي بنتي إتأخرتي كدا لي
والله ي ليلى الطريق زفت انا عطلت يونس وخليته يوصلني اصلا عشان انتي عارفه المواصلات طبعا
هي العربية مجاتش لسة
يونس كلمهم قالوله بيشوفوا لسة حاجه كويسة
ي بنتي انزلي انتي احسن وشوفي انتي ويونس بنفسكم
هقوله ونبقي نروح هو المكان في مدينة تانية واحنا الاتنين مشغولين زي ما انتي عارفه ف كنا هنخلي الراجل يبعتها علي هنا هو صاحب يونس
ولو لازم تشوفي بنفسك بردو فاهماني
حاضر والله هنروح نشوف يوم الجمعه
اشطا
طيب هنروح النادي ولا هنغير رأينا تاني
لا خلاص انا قلت ل أحمد هروح النادي
اشطا كوكي عاملة اي
والله قارفاني ي بنتي سيبتها عند ماما عشان أحمد مشغول بردو
مش عاجباكي هاتيها يختي
خديها وخديني معاها
لا كوكي بس
ما تجيبيها معانا النهاردة
. والله ي كنزي لو جبتها انتي المسئولة لأننا مش هنحس بالخروجه
لا هاتيها بس
اشطا
____________________________
كنزي
نعم ي يونس
هقولك علي حاجه ومتضايقيش
متخافش مش هتضايق ان شاء الله
في مأمورية مهمه اوي في سينا وعايزني فيها
سينا لا ي يونس أرجوك
مش ب إيدي ي كنزي ان شاء الله خير ومټخافيش
مخافش ازاي ي يونس
كنزي اللي مكتوب هيحصل حتى لو فين
ماشي بس انا مش هكون مطمنة كدا
والله العظيم دا شغل مش بإيدي انا اكيد مش عايز اسيبك دا كله
نعم دا كله اللي هو قد اي بقي
شهر ونص
متهزرش
هيعدوا هتتلهي في الشغل والبيت
طب والقلق
هرن عليكي كل يوم اطمنك
كل يوم مرتين اول ما تصحى وقبل ما تنام
بس كدا عيوني ليكي
تسلم عيونك ي جميل
__________________________
بعد مرور يومين ....
خلاص كدا هتمشي بجد
ي بنتي دا شهر ونص
يعني انا مش هوحشك يعني
طبعا هتوحشيني اي اللي انتي بتقوليه دا
خلاص متستقلش بيهم كدا
مش مستقل بيهم دول علي عيني بس مفيش في إيدي حاجه اعملها
عارفه ي حبيبي والله بس انا قلقانة عليك وهتوحشني
المهم انا جهزت الشنطة وحطتلك كل حاجه انت هتحتاجها
لفيلي وشك كدا ومتعيطيش
مش بعيط ..