سأظل أتذكره بقلم كنزي خالد

يونس انا عايزة اجيب شوية حاجات ممكن نعمل شوبينج سوا
حاضر ي حبيبتي
يونس انا عايزة أخرج
حاضر ي حبيبتي
يونس انا نفسي أروح سويسرا
بس كدا تؤمري ي قمر
يونس عايزة أغير ديكور البيت
ومالوا نغير البيت كله لو عايزه
اتكلمت ب عصبية يونس
اي ي كنزي مالك
مش مركز معايا ولا مهتم الشغل أهم مني يعني
ساب كل اللي في إيده وإتكلم ي حبيبتي والله ڠصب عني بس انا والله سامعك ومركز معاكي وكل الي انتي عايزه هعمله انا عندي كام كنزي
_ وانت بقي بتاخدني علي قد عقلي ..
هو في زي عقلك انت ي جميل
طيب هتخرجني
ومالوا بكرا نخرج
لا انا عايزة أخرج دلوقتي
دلوقتي!!!
اه
الساعه ١ بليل
طيب وفيها اي ننزل نتمشى أو حتي نلف بالعربية
مش قصدي بس انا ورايا شغل ضروري
دخلت الأوضه وقفلت عليا وفضلت أعيط لحد م هو جه وخبط علي الباب
إفتحي الباب ي كنزي بقي
لا ابعد عني
كنزي إفتحي عشان خاطري
يونس سيبني في حالي أرجوك
أنا مقدر انك اكيد جبتي أخرك بس ڠصب عني
اتكلمت بصوت فكرته مش هيسمعه بس هو سمعه حجج فارغه
والله مش بتحجج دي الحقيقة انتي عارفه انه لو في إيدي حاجه هعملها صح
اه
اه عارفه ولا أه بتسكتيني
اه عارفه
طيب ممكن تفتحي عشان نعرف نتكلم ووعد هعملك اللي انتي عايزاه
قمت فتحت الباب وهو شدني لحضنه وقال قولتلك مليون مرة متهربيش مني إهربي ليا حتي لو كنت انا اللي مزعلك
اتكلمت ودموعي لسه أثارها علي خدي انت عارف اني يتيمة مليش حد غيرك إتخلقت ملقتش غيرك كله كان قاسې عليا إلا أنت يعني وجودك مهم حتي البيت دا مبعرفش أخرج براه من غيرك
كنزي انتي مش يتيمة انا قولتلك انا ليكي كل حاجه
عارفه والله بس انت عارف اني بخاف صح
من اي الخۏف مش انا موجود معاكي أهو
بخاف متكونش موجود ..
أنا مقدرش مكونش موجود
المۏت بس هو اللي ممكن يبعدني عنك
لا بعد الشړ مش هقدر من غيرك
حط إيده علي خدي وإتكلم ب حنيه أنا عايزك تبدئي تعتمدي علي نفسك وتنزلي لوحدك تبطلي تخافي من الناس انا عارف ان كل دا مش سهل بعد اللي حصل بس حاولي وانا معاكي لازم تحاولي
. انت تعبت مني !
مقدرش أتعب منك
بس انا خاېف عليكي
إوعديني نبدأ رحلة تعافيكي من الماضي وتبدئي تعملي كل حاجه لوحدك
. حاضر .... بوعدك
____________________________________
كنزي إصحي يلا الفطار هيبرد ...
ي بنتي اي انتي غيبوبة ....
إتكلمت وانا بفرك عيني ب نرفذة إي .. نعم
تصدقي انا غلطان انا هنزل وأفطر برة لوحدي وخليكي انتي نايمة
لسه هيقوم يمشي ...
يوننننننس
نعم في حاجه ي حبيبتي
لا أبدآ يلا إنزل ي باشا
بقى كدا ...!!!
اه مش انت عايزني اعتمد علي نفسي
سبحان الله انتي هتضحي بيا عشان تعتمدي علي نفسك
اتكلمت ب إستفزاز دا ضروري ي روحي
خلاص يبقي هبات برة بقي
كله إلا دا
مش عشان تعتمدي علي نفسك اكتر
ي سيدي ملكش دعوة انا مبقتش عايزة أعتمد علي نفسي خلاص
دلوقتي جبتي ورا ي حلوة
قولي بقي عاملي فطار اي
تعالي شوفي ب نفسك
.....
اي دا اي دا اي الجمال دا انا جوزي رومانسي بقي
عيب عليكي ي بنتي
دا فطار دا ولا date
إعتبريه الاتنين .
لا بقولك اي انا مش هتنازل علي خروجه النهاردة
ي ستي والله مش ناسي
ايوا كدا شطور
تعالي يلا عشان ناكل
أنا بصراحه بطني واجعاني ف هاكل حاجه خفيفة كدا بس انت