اسكريبت وشاء القدر بقلم امل عبد الرزق

كدا لأ وكمان كلمته

وكان موجه كل كلامه وتركيزه ليا.. انا فرحانة اوي اوي
اللي اقدر اقوله ليك تاخدى بنصيحته وتحاولى تفوقي وترجعى لنفسك وبلاش تسمعيه تاني
هحاول
هتحرك انا بقي
خلاص ماشي
تعالى يا رحمة عايزاك
حاضر يا ماما
بصي يا رحومة أي بنت في الدنيا لازم تتجوز وتكون أسرة كويسة ورفضك للعرسان دا غلط وخاېفه يجى اليوم اللي اسيبك فيه من غير ما اطمن عليك
بعد الشړ عنك يا ماما.. ربنا يبارك في عمرك بس انت عارفه رأيي في الموضوع دا
انا للحظة دي مش عايزه اضغط عليك بس دا مش طبيعي انا امك اكتر واحدة تخاف عليك وتحب مصلحتك لو في حد في شاغل بالك وبترفضي بسبب كدا عرفيني واوعدك إني هسمعك وأنصحك
لأ يا ماما مافيش كدا انا برفض عشان قررت أحقق حلمى الأول وبعدين اول ما اخلص كلية تمريض هكون إتثبت في المستشفى اللي انا بتدرب فيها
وفيها ايه لما تشتغلى وانت متجوزة
اقولك ايه يا ماما اقولك قلبي متعلق بوهم ومش عارفه ارتاح اقوله اني بحب واحد بيقدم برنامج في التلفزيون هتقولى عليا مچنونة
لأ يا ماما ممكن يكون عنده مشكلة اني اشتغل
تعرفي الدكتور محمود اللي بيتهم على أول الشارع
مش واخده بالى
لأ عارفاه وبيشتغل في نفس المستشفى اللي بتتمرنى فيها
عايزة ايه يعني يا ماما
عايز يتقدملك وابوكى موافق وانا كمان موافقة الولد مافيش فيه عيب حتى عشان يترفض ولو الشغل اكيد هيوافق انك تشتغلى وانا باعده ابوكى عنك وقولتله سيبها وانا أقنعها
ليه يعني هتجوزونى بالعافيه
لأ طبعا بس احنا خايفين عليكى وانت بنتنا الكبيرة واول فرحتنا واخواتك كلهم ولاد يعنى انت البنت الوحيدة
ماما انا عايزة انزل شغلى هتأخر.. الاجازة قربت تخلص ومش هعرف اواظب على الشغل فسيبينى دلوقتى
لكلامنا بقيه يا رحمة قومى عشان متتأخريش
مالك يا رحمة زهقانة كدا ليه وكمان مش مركزة في شغلك دا انت اشطر واحدة هنا مش عارفه تسحبي عينة ډم من المړيض ازاي
زهقانة وقلبي واجعنى اوي يا دنيا
إهدى وقوليلى في ايه
اقولك ايه بس
قولى اللي جواك وانا سمعاك
اوقات بنحتاج لحد يسمعنا يسمع كل اللى واجعنا من غير ما نخاف او نحس ان صورتنا هتتغير قدامه حد يكون رحيم بقلوبنا ونشوف في عينيه اللي يشجعنا اننا نتكلم احنا بنحتاج لحد نحس معاه بالأمان..
ماما الصبح قالتلى ان في واحد كلم بابا وعايز يتقدملى
المفروض تفرحى علفكرة مش تكونى بالحالة دي
ما انت عارفه قلبي عايز ايه يا دنيا
يا رحمتى دا وهم وكذبه كبيره معيشه نفسك فيها لازم تقبلى على الحياة ولو اللى متقدم دا كويس فيها ايه لما تقعدى معاه وتشوفيه مش يمكن ترتاحى ليه
لأ لو عملت كدا هكون بظلم نفسي وبظلمه معايا انا عايشه على أمل اني اكون لمعاذ ازاي دا يحصل مش عارفه بس انا اخدت بنصيحته وقربت من ربنا وبقيت بدعى كتير اوي بدعى ربنا تحصل معجزة ويكون حلالى انا قربت من ربنا عشانه
وجعتى قلبي.. انت عايزة تقربي من ربنا عشان تدعى بس انه يكون حلالك اللى يقرب من ربنا يقرب عشان بيحبه عشان خاېف منه عشان بيتقيه عشان عارف ومؤمن انه الخالق العظيم عشان يتوب عليه ويسامحه ولازم اللي يعمل ذنب يكون صادق في توبته وقربه من ربنا
طبعا انا بحب ربنا وكل اللي بتمناه من ربنا حبيبى إنه يجمعنى بمعاذ
بصي يا رحمة من الغلط ان انا نتفتن بشاب بهذا الشكل وربنا كرمك لسه فيك نفس عشان تاخدى فرصتك وتتوبى ولو على ۏجع قلبك فإنت احتسبيه عند ربنا بلاش تعلقى نفسك بحاجة صعب الوصول ليها
بس هو قالى ان الصعب بالنسبة لينا سهل اوي بالنسبة لربنا وانه قادر على كل شيئ
طبعا دا اكيد بس لازم تريحى قلب اهلك اللى نفسهم يطمنوا عليك اقعدى مع العريس وإسأليه عن دينه وعلاقته بأهله وعلمه ولو كان كويس يا رحمة بلاش تضحكى على نفسك وتضيعيه من إيدك وقتها الندم مش هيزيدك الا ۏجع
نفسي تفهمينى بقولك قلبى واجعنى والله بټعذب بسببه
عارفه يا حبيبتي وحاسه بيك القلوب بيد الله وحده وهو قادر يريحك إدعى ربنا يساعدك على نسيانه ويكتبلك الخير
يا رب يا دنيا.. ادعيلى بالله عليك
السلام عليكم ورحمة الله وبركاته
وعليكم السلام حضرتك عامل ايه
الحمد لله في نعمة.. ايه سؤال حضرتك
انا فرح اللي كلمتك من يومين
معلش ممكن توضيح اكتر لأنى مش متذكر اوي بسبب كثرة الاتصالات
انا اللي كلمتك وقولتلك على مشكلتى وهي تعلقي بشاب بيقدم برنامج دينى
افتكرتك يا أستاذة فرح.. اتفضلى لو عندك اي استفسار
قلبى واجعنى..
لا حول ولا قوة الا بالله
قلبى بيعذبنى اوي وحاسه انى تايهه
اتفضلى قولى حصل ايه
مش قادرة انساه ولا قادره ما اسمعش البرنامج سواء مباشر او إعادة
بس لازم يكون عندنا عزيمة ونحاول على الاقل
مش عارفه والله.. حتى اني بكلمه لتانى مره
مش فاهم تقصدى إيه
اللي اقصده اني كلمته تاني
تعرفي إنك بتإذى نفسك وقلبك
المشكلة ان في واحد متقدم ليا واهلى موافقين عليه ومش عارفه اتصرف انا بفكر اخد رقمه الخاص من إعداد البرنامج وارن عليه واقوله اني بحبه
لأ طبعا دا حرام.. اكبر غلط لما عقلنا بيوقف.. انا متأكد انك في العادى عمرك ما تعمليها بس انت تحت سيطرة قلبك وضعف نفسك ودا مدخل للشيطان ولو عملتى كدا صدقينى هتندمى
طب اعمل ايه.. انا تعبانه
لو الشاب اللي متقدم دا سيرته طيبه وافقى على الرؤية الشرعية وخدى فرصة..
انت شايف كدا يا معاذ.. شايف اني اخد واحد مش حباه واظلم نفسي..
لأ يا أستاذه فرح.. الحب طبيعي بيجي بعد ما نشوف ان الانسان اللي قدامنا يستحقه لما يكون على خلق ودين طيب وكمان قبولك لشكله مع ان الشكل دا مش من الأولويات اوي لان اهم حاجة الإنسان يكون على دين وعلاقته بربنا كويسة... ممكن جدا اول ما تشوفي الشاب اللي متقدم ترتاحى ليه وقلبك يطمن
ممكن أسألك سؤال اخير
اتفضلى
لو انت مثلا الشاب اللي انا متلعقه بيه وانا رنيت عليك ووصفتلك حالتى وۏجع قلبي وقولتلك اني حبيتك.. هتعمل ايه
هدعى ربنا يصلح حالك ويهديكى ويسامحك على فعلك دا لانه غلط وهزعل عشان مش عارف اساعدك وهفكر في تصرفاتى ايه ممكن اكون عملته يخلى واحدة تتعلق بيا بالشكل دا.. واحتمال اسيب البرنامج خالص
لأ خلاص بالله عليك
خلاص ايه
بلاش تسيب البرنامج
يا أستاذة فرح حضرتك بتسألينى وانا بجاوبك عادى... لكن انا مش هسيب البرنامج لأنى مش الشخص دا
ايوه فهمت.. شكرا لحضرتك
اسأل الله ان يريح قلبك ويكتبلك الخير.. فاصل وان شاء الله نكمل حلقتنا
طلعت فاصل قبل ما نقولك ليه
مش عارف يا ضياء المتصلة دي وجعت قلبي
ليه
مش عارف.. بس حسيت اني مش مستوعب ولا هقدر اكمل الحلقة حاسس اني زعلان عشانها او مش عارف اساعدها
زعلان عشانها ولا حاسس انك المقصود
مقصود ازاي
لو تركز شوية يا معاذ هتلاقى البنت بتوصفك انت.. برنامج دينى صوتك حلو شكلك حلو شاب مهذب ولسه في مقتبل العمر كلمته مرتين ودى تاني مره تكلمك
لأ طبعا اكيد مش انا.. اكيد في حد غيري هي تقصده
بلاش تشغل بالك وتفكر كتير واللي فيه الخير يقدمه ربنا.. وادعي ربنا