اسكريبت وشاء القدر بقلم امل عبد الرزق

نعم! انت مچنونة هتكلميه تقوليله ايه
اكيد مش هقوله بحبك يعني بس حتى اخد الخطوة و أكلمه يا دنيا
يا بنتي إهدي بلاش تكوني متسرعة دايما كدا تمام عايزة تكلميه طب وبعد ما تكلميه عارفه هتقولي ليه ايه
لأ بس حتى يسمع صوتي يعرف اني موجودة تعبت من ۏجع قلبي وإحساس اني عاجزة ومش عارفه اعمل حاجة
طب نفرض إنك كلمتيه شكلك قدام ربنا هيكون عامل ازاي
انا عارفه انه غلط بس والله مش هقوله اي حاجة تزعل ربنا منى انا هكلمه عادى زي اي حد
طب لو حد سمع صوتك يا رحمة وعرف انها انت هتعملى ايه
مش هقول على إسمى الحقيقى وبعدين فيها ايه لما يعرفوا انها انا يعنى ما كتير بيكلموه
خلاص يا رحمة طالما واخده قرارك بتسألينى ليه وانت عارفه انك هتمشي اللي في دماغك
انا بقولك عشان اطمن بيك يا دنيا وبس بقي الموبايل بيرن..
الو السلام عليكم
وعليكم السلام معاك إعداد برنامج إلى الجنة ممكن تعرفينا بنفسك
انا فرح من القاهرة محتاجة أسأل أستاذ معاذ عن بعض الأمور
اهلا بيك يا أستاذه فرح ثوانى وهتكونى على الهوا
السلام عليكم ورحمة الله وبركاته...
السلام عليكم.. حضرتك سمعانى.. تقريبا الخط فصل
بتقفلى الخط ليه يا مچنونة
معرفش يا دنيا لسانى و قف اول ما شوفته قدامى في التلفزيون و صوته في الموبايل.. حسيته بيبصلى
طب إهدى بالراحة بتتنفسي بسرعة كدا ليه ووشك زي الطماطم
بتقولى فيها انا حاسه اني مش عارفه اتنفس وقلبي كأنه أعلن ثورته عليا..
طب إهدى وانا هعملك عصير ليمون
لأ انا هرن تاني قبل ما وقت البرنامج يخلص
ما خلاص بقي يا رحمة ربنا سترها معانا اول مره ممكن أي حد يدخل علينا دلوقتى
متقلقيش بابا في الشغل وماما عند خالتى واخواتى في المدرسة
طب وهتعملى ايه دلوقتي
هرن تاني..
براحتك يا رحمة
السلام عليكم.. مع حضرتك إعداد برنامج إلى الجنة ممكن نعرف إسم حضرتك
انا فرح.. كنت كلمتكم بس الخط فصل
طب ثوانى على ما الشيخ معاذ يخلص المكالمة اللي معاه على الهوا
إلحقي دا بيقول شيخ يا دنيا
انت عبيطة بتقولى اسمى وانت بتكلميهم
انا كاتمه الصوت يا عبيطة وبعدين فيها ايه لما اقول إسمك يعنى دا ايه البت العبيطة دي وبعدين دي بتقولى الشيخ معاذ
ايوه يا بنتى فيها ايه
لأ فيها.. هو داعية كويس إنما شيخ دي محسسانى انه كبير اوي
هو كبير بدينه وعلمه يا رحمة
حضرتك معانا
ايوه معاكم
حالا وهتكونى على الهوا
السلام عليكم ورحمة الله وبركاته
السلام عليكم.. أستاذة فرح سمعانى
وعليكم السلام
عندك أي إستفسار
حضرتك عامل ايه
الحمد لله بخير حال.. أتمنى تكونى بخير ان شاء الله
انا بخير طول ما حضرتك بخير
ربنا يباركلك.. عندك أي إستفسار او سؤال اقدر أفيدك فيه
بصراحة ايوه
اتفضلى كلنا سامعينك
كلكم مين.. انا اهم حاجه عندى انت تسمعني
نعم!
اقصد يعنى حضرتك اللى هتجاوب على سؤالى
طب إتفضلى قولى سؤالك وانا اكيد لو عارف الإجابة هجاوبك.. بس من فضلك بسرعة عشان وقت البرنامج وفي إتصالات أخرى
حاضر.. انا بنت بسيطة جدا عندى 22 سنة وعمري ما حبيت ولا دخلت في علاقة تغضب ربنا وطول عمري بغض بصري.. وبحب أسمع قرآن مع إحترامي ليك مش بحب أسمع للشباب الصغيرين بحب أسمع للقراء الكبار زي عبد الباسط عبد الصمد والحصري وغيرهم لكن مره وانا في الكلية صاحبتى كانت مشغلة مقطع بسيط لأحد القراء صوته مريح اوي بيدخل الإطمئنان إلى القلب فسألتها بتسمعى لمين قالتلى على إسم القارئ واخدت المقطع الصوتى دا منها..
اتفضلى كملى
بعد كدا بحثت عنه وبدأت أسمع ليه وحبيت اوي جمال كلمات ربنا اللي بيرتاح ليها قلبي مع صوته فكنت بوصل لأعلى درجة من درجات السلام النفسي... المهم عرفت إن القارئ دا داعية ومعروف وبيجي ليه برنامج في التلفزيون..
تمام لحد هنا كويس فين السؤال عشان بس وقت البرنامج
ما انا هقولك بس لازم أفهمك الأول عشان متخدش عنى فكره غلط
اتفضلى كملى
بدأت أبحث عن القناة اللي بيجي فيها وتابعته واستفدت منه اوي.. وهو ما شاء الله عليه على دين وخلق طيب بعد ما كنت بسمعه على مرات متقطعه بقيت بستناه عشان اسمعه وكنت والله ما باخد بالى الا من كلماته وصوته في القرآن اللى كله راحة وأمان.. بس في مره النور قطع في الوقت اللي البرنامج بيشتغل فيه لاقيت قلبى وجعنى ومتضايقة جدا اني مش عارفه أسمعه وفجأة لاقيتنى بعيط
بتعيطى! ليه بتعيطى حصل ايه لكل دا ممكن تستنى إعادة البرنامج عادى
مش عارفه بس انا كنت برتاح لما بشوفه برتاح لما اسمع صوته برتاح لما يبتسم لما يكلم ست كبيرة ويقولها يا امى بكون فخورة ان في حد في السن دا وعلى هذا القدر الوافر من العلم والدين برتاح لصدق كلماته بحب شكله ووسامته ولباقته في الكلام بحس ان عنده حياء مش زي شباب اليومين دول لأ هو مختلف إختلاف حلو وملفت
لا حول ولا قوة الا بالله.. اتفضلى كملى
بالله عليك ما تفهمنى غلط.. انا عمري ما كلمته ابدا الا مره واحدة بس عشان اوصفله حالى واسمع نصيحته وهو ميعرفش اي حاجة عن الكلام دا ولا حقيقية مشاعري إتجاهه وحتى لو عرف انا هاجى ايه جنبه وهيوصلى ازاي وهو في عالم غيري واكيد في بنات غيري زيي كدا بس انا ڠصب عني حبيته يا معاذ
القلب لما بيحب ويكون الإنسان اللي بيحبه دا صعب الوصول ليه بيتوجع القلب بس ربنا أمرنا بالدعاء والصبر وربك قادر على عمل المستحيل اللي عمره ما يخطر على بالك طالما فيه خير ليك وانت صادقه في دعائك وواثقة ان الكريم هيستجيب عايز اقول ان الدين لما أمرنا بغض البصر دا عشان ينجينا من ۏجع القلب وإننا نتعلق بحد مش حلالنا غض البصر نعمة في كتير مش واخدين بالهم منها وبيتهاونوا ربنا أمرنا نصون نفسنا ونحفظها ونغض البصر عشانا احنا وعشان مصلحتنا مش تعقيد زي ما في ناس بتقول الحالة اللي وصلتى ليها دي لو كنتى غضيتى بصرك عنه عمرك ما كنتى هتوصلى ليها.. انت عجبتك تلاوته للقرآن اذا نوقف هنا ليه نتعمق ونعلق قلوبنا بحاجة ممكن تتعبها.. احنا ناخد منه علمه ودينه لكن نكلمه ونفضل نتأمل في شكله ف دا حرام
بس انا مش قصدي ومش بقول كدا عشان ابرر غلطى انا لاقيت نفسي حبيته ازاي مش عارفه
حاولى على اد ما تقدري متسمعيش البرنامج دا وادعى ربنا لو كان خير ليك يكون من نصيبك
يعنى ممكن يكون من نصيبي يا معاذ
ربنا قادر على كل شيئ ولا تنسي التوبة من ارتكاب الذنب وهو النظر ليه وحديثك معاه واسأل الله ان يهديكي ويبثتك على طريق الحق ويرضي عنك ويتوب عليكى ويجبر بخاطرك ويراضيك..
شايفه يا دنيا بيقول ايه
انسان محترم وعارف ربنا وبيتقيه أتمنى تاخدى بنصيحته
سمعتيه لما قال أستاذه فرح ياريتنى قولت اسمى الحقيقي عشان أسمعه منه
ما تفوقى بقي يا رحمة هو بنفسه قالك توبي وبلاش تتابعي البرنامج
كلامه حلو اوي يا دنيا
يا رحمة دا مدخل للشيطان.. كفايه بقي وفوقي ايه جرالك انت مش كدا
والله ڠصب عني اتعلقت بيه واتشديت ليه انا عمري ما كنت