النصيب بقلم بسملة

وحسيت في نبرته الخبث
لا انا كدا ازعل لو مش فاكراني وانا اشك اصلا في دا دا احنا بينا عيش وملح وبعدين هوفر عليك و ارد انا انا يا سيدي محمد وكنت خطيب نور القديم
لاقيت عدي رد عليه ببرود
تشرفنا وانا عدي جوزها
واتك علي حروف جوزها جامد لقيت محمد وشه اتقلب وكمل عدي
مبسوط اني قبلتك يا محمد بس ورانا مشوار مهم بعد اذنك
وخدني وروحنا عند الكاشير وهو متكلمش معايا في اي حاجه خلصنا وطلعنا نكمل مشي لحد بيتنا وهو ساكت وانا مش عارفه اعمل اي
قربت منه ومسكت ايده اللي ماسك بيها الشنط وقولتلوا وانا صوتي فيه عياط
انا اسفه عارفه انك اضيقت بسببي انا اسفه
اتناهد تنهيده حسيتها نابعه من قلبه وحسيتها مليانه ۏجع
انا مش زعلان منك يا نور انت معملتيش حاجه يا حبيبتي انا بس تفكيري راح لحتت انه كان ممكن دلوقتي تكوني مراته هو مش انا كام سينارويه جه في دماغي وحتت انك كان ممكن متبقيش ليا وجعتني اوووي يا نور
وهو بيتكلم دموعي نزلت ورديت عليه وانا بضغط علي ايده جامد
انا دلوقتي معاك انت وبحبك انت وانت كل حياتي ودا نصيب وربنا من الاول كتبنا لبعض وانا اكتر وحده محظوظه لانك في حياتي
ابتسملي وبعدين قالي
وانا بحبك يا اغلي هديه من ربنا ليا
سندت راسي علي كتفه ومسكت ايده جامد وهو نقل الشنط ومسكهم بإيد واحده وكملنا مشي وبعدين سألني
كنت بتحبيه
مش هكدب واول اه ولا لاء كان تعود انبهار اي حاجه بعيد عن مسمي الحب انا معرفتش الحب إلا معاك وزعلي مكنش عليه زعلي علي صحبة عمري اللي باعتني عشانوا ودا اللي وجعني اما الحب فهو انت كل شئ في حياتي الوحيد اللي جربت معاه كل الاحاسيس ومعاني الحب وانا محبتش غيرك
لاقيته ابتسملي براحه وقال
وانا مش هحب غيرك يا اغلي ما ليا
وحين نظرت لعينيك وقعت للمره التي لا اعلم عددها في عشقك وكأني ڠرقت في احدي البحار لا عيناك
روايات بقلم بسملة محمد
تمت
بسملة محمد
حواديت basbosa