لأنها تاج بقلم هدير هاشم
عدي.
_ تصدقي بالله انا عمري ما سمعت عدي حلوة كده.
ضحكت _ انا آسفة اندمجت بس.
_ طب عارفه انا تقريبا في ميعاد الحاډثة بتاعتك امي عملت حاډثة وتوفت كانت قبلها بتطلب مني اتجوز ومټخانقين وفضلت أناحي قدامها اني مش عايز اتجوز وكفاية عليا هي كانت عايزة تطمن عليا زي ما تكون كانت حاسة ولما انسرقت من حياتي مستوعبتش وفضلت فترة طويلة بعدها لحد ما فهمت واستوعبت ۏفاتها يمكن اه الحياة قاسېة أو قساوة الحياة بتبان في الفراق مهما كان درجته من خطيب وزوج لأم كله واحد وكله ۏجع قلب.
_ آمين يارب.
فضلنا نتكلم كتير لحد ما وعد جت لقتنا سوا وبنضحك قعدت معانا وجه احمد أخوها فضلنا سهرانين كتير يمكن دي اول مرة من فترة مش قليلة اضحك وافرح كده رجعت البيت بعدها وانا مبسوطة وحاسة قلبي مرتاح دخلت البيت سلمت على والدتي وقعدت جوا معاها شوية وبعدها انسحبت لأوضتي فتحت الفون ولقيته باعتلي على الواتساب ابتسمت وبدأنا نتكلم قطع كلامنا قران الفجر فقفلنا وقومت اصلي وانا راضية ومبسوطة...
_ رجلك اخدت على المكان يا عدي.
_ الله بنفعكم.
_ ماشي...
فضل باصصلي ومبتسم ودي مش اول مرة د فسألته بفضول_ شكلي عاجبك.
_ روحك سرقاني.
بصيتله بخضه فضحك وقال _ الزيت كان قاسې على الجنب اليمين ده شوية بس راسم فيه تعابير لطيفة أوي وعيونك بقا شكلها الطف عارفه انا معترف انك كنتي صح لما قررتي متعمليش عملية تجميل.
_ لا وقتها كنت عبيط شكلك كده اجمل فعلا اللي هيحب تاج هيحبها في أي شكل...
ابتسمت _ الياسمين ريحته بتفرحني.
ابتسم _ آه أنا حبيته.
_ هو يستاهل يتحب طب انت حبيت لون إيه
_ انتي بتحبي ايه
_ انا بحب الأزرق عموما بس الياسمين بحب الابيض.
_ وانا كمان..
_ وانت كمان ايه
_ حبيتهم فجأة.
_ دلوقت
_ عادي يا حبيبتي روحي ومش مهم لو اتأخرنا شوية.
_ طيب يا ماما مش هتأخر.
نزلت تحت وفتحت الفون واتصلت بيها ومردتش اتصلت تاني لما قلقت ردت بعد فترة.
_ هو اللي طلب انا ماليش دعوة.
_ هو ايه
سمعت صوت عدي من ورايا _ مش مهم انك قفلتي فونك مش مهم انك بطلتي تنزلي المحل ووحشتيني بس هتعملي عمليه مش مقتنعه بيها ليه
_ تعالي معايا عايزك.
_ مش هينفع المفروض هنروح للدكتور دلوقت.
بصلي وسكت ومشي فمشيت وراه من غير كلام فضلنا ماشين مدة طويلة لدرجة اني تعبت بصيتله بعدم فهم فبصلي ورجع بص قدامه كالعادة دخلنا المقاپر وفضلت وراه وانا خاېفة وصل عند قبر والدته قعد جنبها وباس اسمها...
_ ازيك يا امي تاج اهي اللي حكيتلك عنها كتير قوليلها أنها حلوة كده ومش لازم تعمل عملية
علشان احبها قوليلها اني حبيت
لمعة عينيها حبيت ابتسامتها حبيت صوتها حبيت تنسيق كلامها قوليلها أن الحب مش مشروط بالشكل قوليلها أن مش كل الناس بتفسد القلب.
عيوني كانت بتدمع وانا بصاله ومبتسمه_ قوليلها أنها متعملش حاجه مش مقتنعه بيها قوليلها اني قررت اسمع كلامك واتجوزها قوليلها يا ماما اني حبيتها زي ما هي...
قعدت جنبه وحطيت أيدي علي اسمها وابتسمت_ ازيك يا ماما
ضحك _ بتقولك انها بخير طول مانتي مع عدي.
_ قولها اني بعمل كده علشان عدي.
_ بتقولك هو حبك بشكلك كده.
ابتسمت _ قولها اني موافقة أتغير بس علشان ميندمش بعد كده.
_ بتقولك عمره ما هيندم على اختياره ليكي.
_ اسألها طيب هو هيفضل يحب تاج زي ما هي
_ ومش هيبطل يحبها وكل ما يشوفها هيقع في حبها تاني وكأنها المرة الأولي.
_ حتى وهو عارف انها مطفية.
_ بس هو شايفها بتلمع.
لتكن لي سلطانا وأنا تاجك
لأنها_تاج
هدير_هاشم
