إسكريبت (آيه وغيث) بقلم آيه حمام

حاول يخليني آكل لكن مكنتش قادرة سندت راسي على الازاز ونمت
بعد مدة معرفش مدتها فوقت لقيتني نايمة على كنبة وغيث جمبي على الكرسي بس المكان أول مرة أشوفه قبل ما أصحيه سرحت في ملامحه شوية لذيذ أوي أنا بخاف من الحب جدا ف مش عايزة أحبه أنا بس عايزة أفضل حاسة بالآمان معاه حد يحميني يمكن أكون أنانية!
_غيث 

يا غيث! 
_ها
_إصحى. 
إيه نيمك هنا وإيه المكان دا 
_لما وصلنا الصبح حاولت أصحيك لكن تقريبا كنت في غيبوبة. 
_ابتسمت على طريقته ورديت عليه لما بكون زعلانة بنام كتير فعلا 
المهم إيه المكان دا وليه نمت هنا 
_ما أنت لما مصحتيش قولت أقعد جنبك ولو مقومتيش أطلب دكتور ولا حاجة بس النوم غلبني وبالنسبة للمكان دا ف دي شقتك هتقعدي فيها لحد ما تيجي بيتي وهنا محدش يعرفه ومحدش هيقدر يوصل لك كل حاجه جايبها لك يعني تنزلي للجامعة وبس وتخرجي منها تيجي هنا علطول ومتفتحيش لأي حد وأنا كل يوم هعدي عليك علشان لو إحتاجتي حاجة.
هو إزاي جميل وحنين كدا إزاي مبهر كدا أنا عمر ما حد عاملني بالاهتمام أو الحنية دي لكن هو بيخليني أجرب حاجات عمري ما عيشتها فوقت من سرحاني على صوته
_روحتي فين 
_معاك. 
_طيب أنا هنزل دلوقتي وإبقي إبعتيلي محاضراتك بكرة الساعة كام وإعملي أكل وكلي لإنك مفطرتيش ولو إحتاجتي حاجه رني عليا. 
_حاضر 
قام وكان لسة هيخرج من الباب لكن نديت عليه 
_غيث
_نعم 
_شكرا.
ابتسم وبعدين نزل وأنا قعدت أفكر شوية بعدين قومت اكلت ودخلت أوضة وحطيت فيها هدومي وكتبي ذاكرت شوية وبعت له معاد محاضرة بكرة الساعة كام وكلمت البنات حكيت لهم بعدين نمت برغم إستغرابي إن أخويا مرنش عليا بس قولت ممكن يكون مش بايت في البيت هو كمان.
_صباح الخير. 
_صباح النور تعبت نفسك ليه 
_إركبي يلا فطرتي ولا لسة 
_فطرت. 
المهم بعد الجامعة هروح مشوار مع جميلة وورد صحابي ف متجيش تاخدني.
وصلني الجامعة ونزلت أقابلهم خلصنا محاضرات وروحنا ل دكتور علشان أتأكد آخر مرة.
_التحاليل والآشعة بتثبت فعلا إن الرحم حالته مش كويسة خالص فعلا يعني كإنه مش موجود نسبة الحمل ضعيفة جدا.
كنت عارفة ال هتقوله وكنت عارفة إني هنزل من عندها وأنا موجوعة زي كل مرة روحت الشقة وبعت له إني روحت وهنام. 
تاني يوم صحيت على رن الموبايل برقمه رديت وقولت له إني مش هروح الجامعة قفل معايا ونص ساعة وكان بيخبط على باب الشقة.
_مالك مش هتروحي الجامعة ليه 
_هو إزاي طارق أخويا كل دا مش ملاحظ إني مش في البيت 
_لاء ما أنا قولت له إنك جيتي عندي وكدا كدا كتب الكتاب كان فيه إشهار.
هزيت راسي من غير كلام ف لقيته بيسألني عن حالي تاني.
_طب أنا عايزة أحكي لك حاجة وتسمعني للآخر. 
_أكيد. 
_أنا الرحم عندي حالته مش أحسن حاجة ومكتشفتش دا غير في