كيد سلايفها بقلم إسراء ابراهيم
كل حاجة تهون طالما جوزي معايا وفي ضهري يبقى أستحمل عشانه وبعدين بعد كدا مليش صالح بيهم هبقى في شقتي ومش هحتك بيهم غير في المناسبات أكيد
سلطان صح تعرفي بتمنى زوجة تبقى زيك كدا حقيقي هبقى محظوظ
ثرية يا بني كدا هتغر في نفسي
سلطان من حقك يلا بقى عشان ننام بدل ما أبوكي هيصحينا بطريقته بكرة
ضحكت ثرية وقالت ماشي تصبح على خير
طلعت ثرية من عنده وراحت أوضتها لقيت جوزها متصل عليها كذا مرة
راحت ترن عليه ماردش فعرفت إنه نام عشان بيصحى بدري
تاني يوم كانوا بيفطروا عشان والدها يرجعها بيتها
خلصوا ونزلوا بعد لما سلمت على والدتها وأخوها راح معهم
وصلت البيت قابلتهم حماتها سلموا عليها فقال والد ثرية احنا اتفقنا مع جوزها إنها هتقعد لوحدها عشان نبعد عن المشاكل ومايحصلش كراهية وهو وافق
طلعت ثرية شقتها حطت هدومها ووالدها وأخوها راحوا على شغلهم
طبعا منار كانت مضايقة من اللي حصل وإنها رجعت تاني بس قالت في نفسها أحسن إنها هتقعد لوحدها وجوزها يصرف عليها
فات عشرة أيام وجوز ثرية جه من شغله سلم على أمه وعلى أخواته. وبص لزوجات أخواته بضيق بسبب اللي عملوه في مراته
دخل وقعد عالكرسي وهو بيقول عايز أكل يا ثرية ھموت من الجوع
ثرية قوم غسل والأكل حطيته عالسفرة
جوزها اها على الزوجة الصالحة أنا بجد راضي عنك يا ثرية
ضحكت ثرية على كلامه وهو ابتسم لها وراح يغسل إيده وقعدوا ياكلوا
خلص الأكل ودخل ينام وهى راحت تغسل المواعين وتروق المطبخ
والدته عامل إيه يا محمد
محمد الحمد لله يا أمي أخبارك إيه وصحتك
والدته الحمد لله يا بني
بقلم إسراء إبراهيم عبدالله
محمد دايما تبقي بخير يا حبيبتي
والدته معلش يابني على اللي منار عملته
محمد حقيقي كلامها حړق دمي يا أمي دي كدا بتهين ثرية إيه بتاكل من تعب جوزها دي يعني أنا قبل ما أتجوز ماكنتش بشارك في مصاريف البيت
والدته معلش يا بني هى كدا هنعمل إيه يعني
محمد أنا عامل بس احترام إنها بنت أختك وعشان خالتي وإن هى مرات أخويا غير كدا كان هيبقى ليا تصرف تاني معها
والدته خلاص بقى اللي حصل مش عايزين مشاكل وهى بتمسك على أي حاجة
محمد فعلا
في اليوم التالي كان محمد بيفطر مع ثرية اللي قالت بقولك يا محمد
ثرية بتوتر عايزه أشتغل في حضانة فاتحة جديد وعايزه ناس تعلم الأطفال فيها
محمد ليه هو أنا في يوم قولتلك مش معايا فلوس
ثرية لأ مش كدا
محمد بمقاطعة يبقى خلاص ماسمعش سيرة شغل دي تاني أنت تقعدي هنا معززة مكرمة وأنا اللي أصرف عالبيت لو هروح أشحت كدا وبعدين شغلي كويس ومرتبي حلو احنا بس بنحافظ شوية عشان نوفر مبلغ كويس أسد الديون ومش فلوس كتير يعني
ثرية يابني مش كدا بس هبقى قاعدة لوحدي وأنت هتسافر بكرة يعني مش بتقعد هنا غير يومين بس
يعني هقعد أكلم في الحيطان وأنت مش بتكلمني غير بالليل
محمد ياستي ابقي روحي عند أهلك يعني هما آخر البلد مش بعاد عنك أو خلي أمك تجيلك روحي يا
ستي لحد من صحابك اقعدي معهم اخرجوا اتمشوا يعني في كذا حل أهو وياستي إيه يعني لو عدى شهر من غير ما أدفع مبلغ من الديون هما يعني واقفين لينا
عالباب دا أنا مستلف من صحابي وقايلين ليا أسدهم على مهلي مش مستعجلين بس الفكرة عايز أبقى قاعد مرتاح مش عليا حاجة
ثرية بتفاجئ أنت بتتكلم جد دا عمري ما سمعت حد قال لمراته كدا وبسمع عن الجواز إنه قفلة وتحكمات ومفيش خروج برا بجد أنا محظوظة بيك
محمد ما لما يبقى عندك عيال بعد كدا ڠصب عنك مش هتعرفي تدخلي الحمام حتى
ثرية بتتخيل كلامه فقالت لا دا أنا ألحق أخرج قبل ما أجيب عيال
ضحك محمد على كلامها وتعابير وشها وهي بصتله وابتسمت
قد يرزقك الله بشخص يكون حظك الحلو في الحياة
النهايه
