متمردة عشقت كبرياءه بقلم دودو محمد
المحتويات
هتجن على بنتى
اسر مش هينفع يا مرات عمى فى التليفون هوصلكم وهروح انا الفيلا واقعد مع ماما وكلام هيجيب كلام
فايزه ماشى يا ابنى ربنا يطمن قلبى عليكى
يا مليكه
وركبو
العربيه ووصلهم اسر عند البيت ونزلو وراح هو للفيلا
فى الفندق
فى اوضت فهد ومليكه
بدءت مليكه تحرك راسها وتفتح عيونها
مليكه قعدت وقالت يا نهار اسود ومنيل انا ايه جبنى هنا ا ا انا كنت قعده على الكرسى وبعدين مش فاكره ايه اللى حصل وسمعت صوت ضحكه
مليكه ا ا انا ايه نايمنى هنا
فهد انا كنت نايم ولاقيتك بتنامى جنبى
مليكه بستغراب انا عملت كده
فهد ايوه
مليكه ا ا انت كداب انا مستحيل اعمل كده
فهد وهو بيكتم ضحكته معرفش انك وقعه فى حبى كده
مليكه قامت من على السرير بعصبيه وقالت انت واحد كداب تلاقيك انت اللى عملت كده
مليكه خاڤت وقالت ط ط طب ابعد عنى
فهد خليكى عارفه ان انا كده مطول بالى عليكى كتير وسبها ودخل الحمام
مليكه ياربى على العيشه دى انا تعبت من حړقة الډم وتعب الاعصاب ده
وشويه وخرج فهد من الحمام
فهد والله انا حر واللى مش عجبه ميبصش
مليكه عااااااا كمية برود متنقله وسابته ودخلت الحمام اتوضت وخرجت لبست الاسدال وبدءت تصلى
فهد بص ليها بأستغراب وهى بتصلى
مليكه خلصت صلى وسلمت وقامت من على سجادت الصلاه وقلعت الاسدال
مليكه اه الحمدالله ليه
فهد لا عادى بسألك بس مكنتش اعرف انك بتصلى
مليكه وانت بتصلى
فهد احم لا
مليكه ومش مكسوف من نفسك وانت راجل طول بعرض ومش بتأدى فروضك وتلاقيك اصلا ما تعرفش حاجه عن دينك علشان كده بتتعامل مع الناس پقسوه ومعندكش قلب اصل القلب اللى مش بيدخل فيه حب ربنا والاهتمام بفروضه عامل زى الارض البور مهما تسقيها مايه هتفضل جافه وبور مش هتفيدك بحاجه
فهد خلاص مكنش سؤال سألته ليكى
مليكه علشان بقولك الحق مش مستحمل كلامى عمومآ انت حر وفى الوقت ده الباب خبط
فهد فتح الباب وبعد شويه دخل ومعاه اكل وبص لمليكه وقال يلا تعالى كلى
مليكه لا مش جعانه
فهد كلمه واحده يلا
مليكه قعدت وهى متغاظه وبدءت تاكل هى وفهد وتليفون فهد رن
فارس ايه يا فهد فينك
فهد فى فندق
فارس خلاص اوك ساعه وهكون عندك وقفل مع فهد
فهد حط التليفون جمبه وكمل اكل
مليكه وصلو
فهد ساعه ويوصلو
مليكه احم ممكن اطلب طلب
فهد امم قولى
مليكه ع ع عايزه اكلم ماما وتليفونى مش لاقيه ممكن اتكلم من تليفونك
فهد ماشى بس كملى اكلك الاول وبعدين خدى كلميها
مليكه بفرحه شكرآ
فهد العفو
والاتنين كملو اكلهم
فى شقة اسر
كانت فايزه قعده قلقانه وقعده مها ومى معاها
مى اهدى شويه يا ماما هى مش مع حد غريب هى مع جوزها برضه
فايزه بس جوزها ده مش بنأدم ده واحد معندهوش قلب وممكن يأذى اختك من غير ولا رحمه ولا شفقه عليها
مها ان شاءالله اسر يعرف حاجه ويطمنه
فايزه انا مش عارفه اتأخر كده ليه وفى الوقت ده جرس الباب رن
مى طلعت تجرى وفتحت الباب
وقالت ابن حلال لسه كنا جايبين فى سرتك
اسر اوعى يا اوزعه من وشى خلينى ادخل
مى تصدق ان انا غلطانه ان احترمتك وانت واحد م
اسر قطعها وقال اياكى تنطقيها ودخل وسبها
مى قفلت الباب بعصبيه وقالت والله العظيم غلس
فايزه تعال بسرعه طمنى عرفت حاجه
اسر للاسف العلاقه اتقطعت ما بين ماما وام فهد من يوم ما فهد اتجوز مليكه ومتعرفش حاجه عنهم
فايزه يعنى ايه بنتى راحت منى
وفى الوقت ده رن تليفون مها برقم غريب
فايزه مين يا مها
مها رقم غريب مش عارفه بتاع مين
اسر اخد من ايديها التليفون
مها ايه اللى انت بتعمله ده ده تليفونى
اسر ششش وفتح السكه وقال الو مين معايه
مليكه انا مليكه مش ده تليفون مها
اسر ايوه يا مليكه اذيك انا اسر
مليكه الحمدالله يا اسر
فايزه اول ما سمعت اسم مليكه قامت واخدت التليفون من اسر وقالت ايوه يا حبيبتى طمنينى عليكى ده انا كنت هتجن
مليكه اذيك يا ماما عامله ايه انا الحمدالله كويسه
فايزه انا كويسه المهم انتى عامله ايه مع البنأدم اللى عايشه معاه
مليكه كويسه يا ماما متخفيش عليا
فايزه انا روحت سألت عليكم فى العماره بتاعتكم والبواب قال انكم نزلتو معاكم الشنط بتاعتكم
مليكه لا متخفيش ده احنا فى الغردقه تبع الشغل يعنى
فايزه طمنينى عمل معاكى حاجه او اذاكى
مليكه لالالا خالص يا ماما
مها هاتى يا ماما اكلمها شويه واطمن عليها
فايزه خدى اختك عايزه تطمن عليكى
مها عامله ايه يا ملوكه
مليكه كويسه يا قلبى المهم انتى عامله ايه
مها اهو كويسه بس انتى واحشانى اوى اوى وحاسه بفراغ جامد من يوم ما اتجوزتى وسبتى الشقه
مليكه والله العظيم هتجن عليكى عليكم كلكم وبعدين ماانتى معاكى الاوزعه
مها الاوزعه ودى تتعاشر دى واحده هيفا
مى والله وشدت التليفون من ايد مها وقالت يا سلام يا
ست مليكه بتتريقى عليا متنسيش ان انا اللى ليا الفضل فى الجوازه دى انا اللى جبت ليكى الشغل ده من على النت
مليكه بلا نيلا يعنى جبتى الديب من ديله يا اختى
مى ايوه ايوه انكرى متخفيش مش هنحسدوكى على العز اللى انتى عايشه فيه والفلوس اللى مع جوزك
مليكه اقسم بالله انك واحده هيفا على رأى مها انا هقفل دلوقتى وابقى اكلمكم تانى مع السلامه
وقفلت مليكه مع مى
فايزه انتى يا بت عبيطه ولا بتستعبطى
مى ليه
فايزه فى واحده تكلم اختها وتقولها كلام زى ده
مى عادى وانا قولت ايه
مها فكك منها مش هتخدى منها لا حق ولا باطل
فايزه لله الامر من قبل ومن بعد عن اذنك يا اسر يا ابنى هدخل اوضى اصلى ركعتين شكر لله
اسر براحتك يا مرات عمى
ودخلت فايزه اوضتها
وقعدو مى ومها واسر من غير ما حد ينطق ولا كلمه
مى وحدو
مها واسر لا إله الا الله
مى هو فى ايه يا جماعه مالكم قعدين كأنكم قعدين فى جنازه كده
مها يعنى عايزه نعملو لحضرتك ايه علشان نعجب
مى بااااااس بس انا هدخل اوضى اقعد على الفيس بدل القعده فى الوشوش العكره دى وسابتهم ودخلت اوضتها
اسر وقف ولسه هيمشى
مها اسر
اسر من غير ما يبص ليها نعم
مها انت مالك متغير معايا اليومين دول
اسر وده فارق معاكى يعنى
مها ايوه
اسر ليه
مها مش انت زى اخويه يبقى بخاف على زعلك
اسر بص ليها والشرار طالع من عينه وقال لا يا مها انا مش زى اخوكى ولا عمرى هكون زى اخوكى ليكى انتى بالذات عارفه ليه علشان انا بحبك بحبك من واحنا صغيرين عمرى ما اتخيلت نفسى مع واحده غيرك فكره الكلام اللى قولته ليكى فى الاوضه الكلام ده كان عليكى انتى انتى اللى بحبها ومش حاسه بيا انتى اللى رغم الحب اللى حبيته ليكى ورغم الۏجع اللى كنت بحس بى بسببك بس ببقى مبسوط لما بشوفك مبسوطه مع اى حد حتى لو غيرى انا اتعذبت كتير بسببك كنت بقف بساعات بعيد عن الجامعه
بتاعتك علشان اشوفك دقيقه حفظت مواعيد خروجك من الجامعه حفظت كل تحركاتك كنت بحاول اكون فى المكان اللى انتى فيه علشان اشوفك ورغم كل ده عمرك ما حسيتى بيا وحبيتى واحد مش يستهلك وبعد كل ده تقولى ليا اخوكى لا يا مها انا مش اخوكى فاهمه
مها كانت بتسمع الكلام ده وهى مصدومه ومش عارفه ترد
اسر كمل كلامه وقال بس انا خلاص تعبت مش قادر استحمل تجاهلك ليا معقوله كل ده مش حاسه بحبى ليكى معقوله مش بتشوفى فى عينى اى حاجه ولا حبك للى كان خطيبك عميكى ومخليكى مش شايفه غيره رغم ان هو طلع ندل وواطى انا خلاص يا مها هطلع حبك من قلبى هنساكى علشان اقدر اكمل حياتى وسبها ومشى
مها واقفت مصدومه من الكلام اللى سمعته ودمعه نزلت من عنيها وقعدت فى الارض مش مصدقه اللى سمعته من اسر
فى الغردقه
وصل فارس ومروه وسهير الغردقه وراح بيهم على العنوان اللى قاله فهد وحجز الاوض وطلع فارس مع مروه على اوضه وسهير وعدى فى اوضه
فى اوضت فارس
مروه مش مفروض تبلغ فهد ان احنا وصلنا
فارس شويه بس اريح من الطريق
مروه لالالا اتصل بى دلوقتى واعرف رقم الاوضه بتاعته كام علشان اروح اسلم على مراته
فارس يا بنتى اتهدى دول عرسان جداد ممكن يكون مش فاضين ولا حاجه كان المفروض اصلا محدش جه معاهم هما عرسان احنا ايه حشرنا مش فاهم انا
مروه بغيظ يعنى اكيد مش علطول وبعدين لو هما مش فاضين اكيد التليفون هيكون مقفول او صامت اتصل بقى
فارس حاضر ومسك التليفون واتصل على فهد
فهد ايوه يا فارس وصلتو
فارس اه وكل واحد راح على اوضه
فهد حمدالله على سلامتكم
فارس الله يسلمك بقولك
فهد قول
فارس رقم اوضك كام احسن مروه واجعه دماغى وعايزه تعرف علشان تيجى تسلم على مراتك
فهد ها لالالا احنا نزلين دلوقتى نقعد على البحر
مروه اخدت التليفون من ايد فارس وقالت اذيك يا فهد
فهد اهلا نعم
مروه انتو فين علشان عايزه اسلم على مليكه
فهد احنا نازلين حالا من الاوضه
مروه فين
فهد اللهم يطولك يا روح وقال هننزل نقعد على البحر شويه وعن اذنك علشان اتأخرنا وقفل السكه فى وشها
فارس هديتى اقعدى شويه بقى
مروه ط ط طب انا جعانه
فارس ثوانى اطلب ليكى اكل
مروه لالا هنزل اكل تحت على البحر
فارس مش هتنامى شويه
مروه لا مش عايزه نام انت
وسابته ونزلت وقعدت تدور على فهد ومليكه
فى اوضت فهد
فهد مش زهقانه
مليكه الصراحه زهقانه اوى
فهد طب تعالى ننزل نتمشى شويه على البحر
مليكه اوك يلا
ونزل فهد ومليكه عند البحر
واتمشو على البحر
مليكه فهد
فهد اممم
مليكه هو انت ليه مش شبه البنأدمين العادى اللى تضحك وتهزار وكده يعنى ليه واخد الحياه جد اوى كده ومش كل حياتنا جد لازم يكون فى شوية ضحك وهزار
فهد انا اللى شفته فى حياتى ومن انا صغير يخلينى
معرفش طريق الضحك ده منين
مليكه ايه هو اللى شفته ومن انت صغير
فهد مش وقته يا مليكه لما يجى وقتها
هتعرفى كل حاجه
مروه بغيظ طب خلى الحاجه دى فى الاوضه بتاعتكم
مليكه انتبهت لصوت مروه وزقت فهد وبعدت عنه
فهد غمض عينه علشان يهدى شويه بدل ما ېقتل مروه وقال عرسان جداد انتى ايه دخلك ما بنا
مروه لالالا شكلك مش سهل يا مليكه
مليكه د د ده ا ا انا ك ك كنت هقع وفهد ل
فهد قطعها وقال محدش لي عندنا
متابعة القراءة
