حب في السر لإيمان صالح
المحتويات
فيه مكان
بصتلها بتفكير يلا انا اصلا مش عايزه اركب معاه
_انا هروح اركب مع بسمله
بصلي پغضب _تركبي فين اركبي معايا
_لا انت لسه هتجيب ملك انا هركب مع بسمله ممكن يا عمو
عمي اتكلم_ما تركبي معانا يا بنتي
_يا عمو سراج لسه هيجيب خطيبته وهتركب معاكم ومعاها مامتها انا اركب فين
_خلاص يا بنتي روحي
_رايح فين يا حازم
_ثواني يا بابا وجاي
انتظرنا شوية وبعدها جه حط شنطه جنب باباه وبعدها حط قدامنا شنطه وركب العربية بسمله خدت الشنطه وفتحتها لقيت فيها بسكوت وكيكه وشيبسي وشيكولاته وعصير وكل حاجه منها اتنين ف بسمله بصتلي وابتسمت
_لا ده ليكي انتي بالف هنا
حازم بصلي في المرايا وابتسم _ ده ليكم انتوا الاتنين يا هاجر مش ليها لوحدها
_بس
باباه اتكلم _ من غير بس يا بنتي يلا اتسلوا لحد ما نوصل ده لسه سراج نازل يجيب العروسه ولحد ما نوصل القاعه هياخد وقت
_براحه فيه ايه يا هاجر
كان وقتها قلبي بيدق وهو بيبصلي ومبتسم وصلنا القاعه وبعدها دخلنا كان سراج داخل بعروسته دخلنا القاعه ووقفنا شوية انا وبسمله بعد ما سلمنا على ملك وباركنلها كنا واقفين بنضحك وبعدها حازم جه وقف معانا وكان شكله متغير
بصتلها باستغراب ف بسمله اتكلمت
_فيه حاجه ولا ايه
اتكلم بضيق_لا بس شكلكم ملفت
_مش فاهمه قصدك ايه
_مفيش يا هاجر بس انتي ضحكتك عاليه اوي ممكن توطي صوتك انتي وهي
بصتله وسكت انا مش فاهمه هو بيقول كده ليه يعني انا خلصت من سراج يطلعلي هو وقفت على جنب وبعدها لقيته وقف قدامي
_مستر حازم هو
_متقوليش مستر اسمي حازم يا هاجر حازم وبس
_طيب حضرتك فيه حاجه
بصلي واتنهد _ انا اسف
_على ايه
_عشان اسلوبي معاكي مكنش لطيف
_مفيش حاجه عادي
_هاجر هو انتي زعلانه من حاجه
بصتله باستغراب_لا مفيش ليه
_حاسس أن فيه حاجه يعني انتي زعلانه من خطوبة سراج
مشيت مش فاهمه تفكيره فين انا بس زعلت من طريقته لكن سراج عمري ما ازعل لاني طول عمري شيفاه اخويا .
خلصت الخطوبه و روحنا ووقتها سراج زعقلي عشان ركبت معاهم وازاي كنت بتضحك معاه بس مكنش في دماغي سراج تفكيره رخم زيه
بعد فتره كان سراج دايما پيتخانق هو و ملك عشان طريقة ملك الجريئه زياده عن اللزوم وفي يوم كنت قاعده لقيت سراج جه وقعد جنبي
_حازم طلب ايدك مني
بصتله بدهشه وابتسمت باستغراب كنت حاسه بحاجه غريبه من ناحيته بس عمري ما توقعت كده
_سكتي ليه
_ولا حاجه استغربت بس
_ايه رايك في طلبه
اتكسفت _بصراحه حازم انسان كويس و
_ انا قررت افسخ خطوبتي من ملك
بصتله بدهشة_ليه انتوا بتحبوا بعض
_متفقناش هي جريئه اوي يا هاجر
_بس انت بتحب الشخصيه الجريئه
_مش دي انا عرفت اني اخترت غلط وكان اختيار ابويا من البدايه صح
_ايه هو الاختيار الصح
_انتي انتي العروسه المناسبه جدا ليا وانا كنت غبي
_انت مش غبي انت فكرت صح يا سراج
_انتي
متابعة القراءة
